ပစ်ခတ်မှု

May 13, 2021

ချောင်းဦးမြို့နယ်၌ GZ လူငယ်များနှင့် စစ်ကောင်စီအကြမ်းဖက်အဖွဲ့တို့ ပစ်ခတ်မှုဖြစ်ပွား

စစ်ကိုင်းတိုင်း၊ ချောင်းဦးမြို့နယ်၊ မယ်သဲကြိုးကျေးရွာအနီးမှာ မေလ ၁၃ ရက် ဒီနေ့ မနက်အစောပိုင်းကနေ စတင်ကာ ချောင်းဦး GZ လူငယ်တွေနဲ့ စစ်ကောင်စီအကြမ်းဖက်တပ်တွေ အပြန်အလှန်ပစ်ခတ်မှု ဖြစ်ပွားခဲ့ပါတယ်။

သူလျှိုဒလန်သတင်းပေးတွေကြောင့် GZ တွေပုန်းခိုရာနေရာကို စစ်ကောင်စီအကြမ်းဖက်တပ်တွေ လာရောက်ဝိုင်းတာကနေ ပစ်ခတ်မှု‌ဖြစ်ပွားခဲ့တာပါ။ 

လတ်တလော ရရှိထားတဲ့ သတင်းတွေအရ စစ်ကောင်စီအကြမ်းဖက်တပ်က ၅ ယောက်ထက်မနည်းကျဆုံးပြီး GZ တယောက်အဖမ်းခံရတယ်လို့ ကနဦးသတင်းတွေအရ သိရပါတယ်။

ချောင်းဦး သပိတ်ခေါင်းဆောင်တစ်ဦးက “ အကြမ်းဖက်စစ်တပ်က ချောင်းဦး သပိတ်ခေါင်းဆောင်တွေ နေတဲ့နေရာကို ဝင်ရောက်ရှာဖွေရာကနေ ဝင်ရောက်စီးနင်းချိန်မှာ  နှစ်ဖက်ပစ်ခတ်မှုတွေ ဖြစ်လာတယ် ။ အကြမ်းဖက်တပ်သား ၅ ဦးသေဆုံးတယ်” လို့ ပြောပါတယ်။

ချောင်းဦး GZ တွေရဲ့  လူမှုကွန်ရက်စာမျက်နှာမှာတော့ နှစ်ဦးပျောက်ဆုံးနေကြောင်း ဖော်ပြထားပြီး သူတို့ရဲ့ လက်နက်တချို့ကို သိမ်းဆည်းကာ မီးရှို့ဖျက်ဆီးသွားကြောင်းလည်း သိရပါတယ်။ 

4 days Ago

May 10, 2021

ကနေဒါနိုင်ငံတကာလေဆိပ်တွင် ပစ်ခတ်မှုကြောင့် လူ ၁ ဦး သေဆုံး

ကနေဒါနိုင်ငံ ဗင်ကူးဗားမြို့က နိုင်ငံတကာလေဆိပ်အဓိက နားနေဆောင်မှာ မေ ၉ ရက်က ပစ်ခတ်မှုကြောင့် လူ တစ်ယောက် သေဆုံးတယ်လို့ အာဏာပိုင်တွေက ပြောပါတယ်။

 တော်ဝင်ကနေဒါ မြင်းစီးရဲတပ်ဖွဲ့နဲ့အတူ ဒီဖြစ်ရပ်ကို ဖြေရှင်းနေတယ် အခြေအနေကို ထိန်းချုပ်ပြီးပြီလို့ ဗင်ကူးဗား နိုင်ငံတကာလေဆိပ်က သူ့ရဲ့ တွစ်တာလူမှုကွန်ရက်ပေါ်ကနေ ပြောပါတယ်။

 ပြည်တွင်းခရီးစဉ် ထွက်ခွာခရီးသည် နားနေဆောင်နားမှာ မွန်းလွဲပိုင်းက လူတယောက် ပစ်သတ်ခံရတယ်လို့ ရဲတပ်ဖွဲ့ လူသတ်မှု စုံစမ်းစစ်ဆေးရေးတပ်ဖွဲ့ (IHIT)က တွစ်တာ လူမှုကွန်ရက်ပေါ်ကနေ ပြောပါတယ်။

 ပစ်ခတ်မှုနဲ့ ပတ်သက်ပြီး သံသယရှိသူတွေကို ရဲက လိုက်ရှာနေပါတယ်။

လေဆိပ်က ရှေးဦးသူနာပြုအဖွဲ့နဲ့ မြေပြင်အဖွဲ့ ၂ ဖွဲ့က ပြသနာကို ရင်ဆိုင်ဖြေရှင်းနေ တယ်လို့ CBC သတင်းဌာနက ပြောပါတယ်။

 လေဆိပ်ကို ပြန်ဖွင့်ထားပြီ လေဆိပ်ဝန်ထမ်းတွေနဲ့ ခရီးသွားဖို့ လိုတဲ့ လူတွေအတွက် လေဆိပ်က ဘေးကင်းပါပြီလို့ လေဆိပ်က ပြောပါတယ်။

 ဒါပေမဲ့ ခရီးသည်တွေဟာ သူတို့ရဲ့ လေကြောင်းခရီးစဉ် အခြေအနေနဲ့ ပတ်သက်လို့ လေကြောင်းလိုင်းတွေနဲ့ ဆက်သွယ် စစ်ဆေးဖို့ အကြံပြုတယ်လို့ လေဆိပ်တာဝန်ရှိသူတွေက ပြောထားပါတယ်။

7 days Ago
More News
Up