ပစ်ခတ်

May 8, 2021

နတ်မောက်တွင် အကြမ်းဖက်စစ်အုပ်စု ပစ်ခတ်မှုကြောင့် ၂ ဦးဒဏ်ရာရပြီး ၇ ဦးဖမ်းဆီးခံရ

နတ်မောက်မြို့နယ် သမျှားရွာမှာ မေလ ၈ ရက်နေ့က အကြမ်းဖက်စစ်ကောင်စီရဲ့ လက်ပါးစေတွေက မျက်ရည်ယိုဗုံးတွေ သေနတ်တွေနဲ့ပစ်ခတ်တာကြောင့် ၂ ယောက် ဒဏ်ရာရပြီး ၇ ယောက် ဖမ်းဆီးခံရတယ်လို့ သိရပါတယ်။

ပြည်သူကာကွယ်ရေးစစ်သားစုဆောင်းလို့ဆိုကာ အကြမ်းဖက်စစ်ကောင်စီရဲ့ လက်ပါးစေတွေကဘုန်းကြီးကျောင်းထဲ ဝင်ရောက်ရှာဖွေကာ အမျိုးသမီးတစ်ယောက်ကို ဖမ်းဆီးရာမှာ ဘုန်းကြီးတွေတားမြစ်တာကြောင့် ပြန်ထားခဲ့တယ်လို့ ဒေသခံတဦးက  ပြောပါတယ်။

အဲဒီလိုဖမ်းဆီးတာကြောင့် လူစုလူဝေးဖြစ်သွားတဲ့အချိန်မှာ အကြမ်းဖက်စစ်ကောင်စီရဲ့ လက်ပါးစေတွေဟာ ရွာနဲ့တစ်မိုင်လောက်မှာရှိတဲ့ ပင်မစစ်လက်နက်တပ်နဲ့ ပူးပေါင်းအင်အား ၅၀ လောက်နဲ့ ပြန်ဝင်လာပြီး မျက်ရည်ယိုဗုံးတွေ၊ ရာဘာကျည်တွေနဲ့ ပစ်ခတ်တာကြောင့် ၂ ယောက်ဒဏ်ရာရရှိခဲ့ပြီး ၇ ယောက်ဖမ်းဆီးသွားတယ်လို့ ဆိုပါတယ်။

1 month Ago

April 27, 2021

ဒီးမော့ဆိုမြို့နယ်တွင် စစ်ကောင်စီတပ်ဖွဲ့ဝင်ပစ်ခတ်မှုကြောင့် ၁ ဦးသေဆုံး

ကယားပြည်နယ် ဒီးမော့ဆိုမြို့နယ် ၆ မိုင်ကျေးရွာမှာ ဒီနေ့ မွန်းလွဲ ၁ နာရီလောက်က ဆန္ဒပြ ပြည်သူတွေ တားဆီးထားတဲ့ အတားအဆီးတွေကို စစ်ကောင်စီတပ်ဖွဲ့ဝင်တွေက အင်းအားအများအပြားနဲ့ သွားရောက်ဖယ်ရှားပြီး ပစ်ခတ်မှုကြောင့် ၁ ဦး သေဆုံးခဲ့ပြီး ၅ ဦးထက်မနည်း ဒဏ်ရာရတယ်လို့ သိရပါတယ်။

အတားအဆီးတွေကို ရွာသားတွေက မဖယ်ရှားဖို့ သွားညှိနှိုင်းခဲ့ရာမှ တင်းမာမှုဖြစ်ပြီး  စစ်ကောင်စီတပ်ဖွဲ့ဝင်တွေက ပစ်ခတ်ဖြိုခွင်းခဲ့တာလို့ ရွာသားတဦးက ပြောပါတယ်။ 

သေဆုံးသူမှာ ၆ မိုင်ကျေးရွာ ကယောပိုင်းက အသက် ၅၀ ကျော်အရွယ် ဦးပေါလု​​ ဖြစ်တယ်လို့ ဆိုပါတယ်။

ဒါအပြင် အနီးနားက နေအိမ်တချို့နဲ့ ဆိုင်ကယ်ကားတွေလည်း ကျည်ထိပျက်စီးတာတွေရှိတယ်လို့လည်း ဆိုပါတယ်။

2 months Ago

မန္တလေးတွင် အကြမ်းဖက်စစ်ကောင်စီတပ် ပစ်ခတ်မှုကြောင့် ၁ ဦး သေဆုံး

မန္တလေးမြို့ မဟာအောင်မြေမြို့နယ် စိန်ပန်းရပ်မှာ ဧပြီ ၂၆ ရက် ညပိုင်းက အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်တွေရဲ့ ပစ်ခတ်မှုကြောင့် လူတစ်ဦး သေနတ်မှန်သေဆုံးခဲ့ပါတယ်။

“အမှတ် ၂၄ ‌ကျောင်းထဲမှာ တပ်စွဲထားတဲ့ ကောင်တွေကို အသံဗုံးလား ‌‌ဗြောက်လား မသိဘူး ဆိုင်ကယ်နဲ့ လာပစ်ပြီး ပြေးသွားတာ။ အဲ့တာကို မမိလိုက်လို့ မဲမဲမြင်ရာ အကုန်ပစ်တာ။ ပစ်ရင်းနဲ့ မှန်တာ” လို့ စိန်ပန်းရပ်နေသူတစ်ဦးက ပြောပါတယ်။

သေဆုံးသူဟာ စိန်ပန်း တိုက်သစ်နားမှာ ထမင်းကြော်ရောင်းတဲ့ အသက် ၃၀ ပတ်ဝန်းကျင် အမျိုးသားတစ်ဦးဖြစ်ပြီး နောက်ကျောကို မှန်တာလို့ သိရပါတယ်။

2 months Ago
More News
Up