ပင်လယ်ပြင်လှေစီးဒုက္ခသည်များအရေး မြန်မာစိုးရိမ်

June 26, 2015

အင်ဒိုရောက် လှေစီးဒုက္ခသည်များ မရေရာသည့်အနာဂတ်ကို ရင်ဆိုင်နေရ

ပင်လယ်ထဲမျောပါအပြီး အင်ဒိုနီးရှား အာဏာပိုင်တွေက ကယ်တင်တာခံထားရတဲ့ ရွှေ့ပြောင်းနေထိုင်သူ အယောက် ၁၀၀၀ ကျော်ဟာ မရေရာတဲ့ အနာဂတ်ကို ရင်ဆိုင်နေရပါတယ်။ ရွှေ့ပြောင်းနေထိုင်သူ ၆၈၁ ယောက်ဟာ ပင်လယ်ပြင်မှာ လပေါင်းများစွာ မျောအပြီး အင်ဒိုနီးရှားနိုင်ငံ ကွာလာလန်ဆာမြို့ အနောက်မြောက်ပိုင်းက ဆိပ်ကမ်းနားမှာ ယာယီတဲတွေနဲ့ နေရပါတယ်။ ဘင်္ဂလားဒေ့ရ်ှနိုင်ငံသား ရွှေ့ပြောင်းနေထိုင်သူ မိုဟာမက် အဗ္ဗဒူ ရာဟင်က အိမ်ပြန်ဖို့ ခွင့်တောင်းထားကြောင်း ပြောပါတယ်။ “ရောက်နေတာ ၁ လရှိပြီ။ ကျန်ခဲ့တဲ့ မိသားစု ဘာဖြစ်နေတယ်ဆိုတာ မသိရဘူး။ ဘင်္ဂလားဒေ့ရ်ှကို ချက်ချင်းပြန်ဖို့ အစိုးရကို တောင်းပန်ထားတယ်။” ရွှေ့ပြောင်းနေထိုင်သူ အယောက် ၃၀၀၀ လောက်ကို အရင်လက လူကုန်ကူးသူတွေက ပင်လယ်ထဲမှာ စွန့်ပစ်ထားအပြီး မလေးရှားနဲ့ အင်ဒိုနီးရှားကို ရောက်လာခဲ့ကြပါတယ်။ ထိုင်းနိုင်ငံဟာ ရွှေ့ပြောင်းနေထိုင်သူတွေ မလေးရှားနဲ့ အင်ဒိုနီးရှားကို မရောက်ခင် ရာဇဝတ်သားတွေ အသုံးအများဆုံး လူကုန်ကူးလမ်းကြောင်းပေါ်က ပထမဆုံး ရပ်နားရာနေရာလည်း ဖြစ်ပါတယ်။ မြန်မာနိုင်ငံက လာတယ်ဆိုတဲ့ အမျိုးသမီးကတော့ မလေးရှားမှာ အလုပ်လုပ်နေတဲ့ ခင်ပွန်းသည်ကို ရှာဖို့ ကလေး ၃ ယောက်နဲ့အတူ အိမ်ကို စွန့်ခွာခဲ့တာလို့ ပြောပြီး အသိအကျွမ်းတွေကတဆင့် ခင်ပွန်းသည်ကို ရှာတွေ့အပြီး တတိယနိုင်ငံမှာ အခြေချဖို့ မျှော်လင့်တယ်လို့ ပြောပါတယ်။ အင်ဒိုနီးရှားနဲ့ မလေးရှားအစိုးရတို့ကလည်း ပင်လယ်က ရှာတွေ့တဲ့ ရွှေ့ပြောင်းနေထိုင်သူတွေကို ခိုလှုံခွင့်ပေးပြီး နိုင်ငံတကာ အကူအညီနဲ့ ပြန်လည်နေရာချထားရေး လုပ်ငန်းစဉ်တွေကို သဘောတူထားပါတယ်။ ဒါပေမယ့် အင်ဒိုနီးရှားနိုင်ငံ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးရဲ့ ကိုယ်စားလှယ် သောမတ်စ် ဗားဂတ်စ်ကတော့ အချိန် ၁ နှစ်အတွင်း ပြန်လည်နေရာချထားဖို့က အချိန်တိုလွန်းတယ်လို့ ပြောပါတယ်။ “သူတို့အတွက် သင့်တော်တဲ့ အဖြေရှာတွေ့တာ သေချာစေဖို့ လုပ်နိုင်သမျှ အရာအားလုံးကို အမြန်ဆုံး လုပ်နေပါတယ်။ ဒါဟာ တခြားနိုင်ငံတွေရဲ့ ပူးပေါင်းဆောင်ရွက်မှုအပေါ် မူတည်တယ်။ ဒီအရေးဟာ ယူအန်အိပ်ခ်ျစီအာက ဆုံးဖြတ်နိုင်တဲ့ အရေး မဟုတ်ဘူး။” ထောင်နဲ့ချီတဲ့ ဘင်္ဂါလီတွေနဲ့ ရိုဟင်ဂျာဆိုသူတွေဟာ လူကုန်ကူးကွန်ရက်တွေကတဆင့် ထိုင်း၊ မလေးရှားနဲ့ အင်ဒိုနီးရှားနိုင်ငံတွေဆီကို ထွက်လာဖို့ နှစ်ပေါင်းများစွာ ကြိုးစားခဲ့ကြတာပါ။ အရင်လက ထိုင်းနိုင်ငံက လူကုန်ကူးကွန်ရက်တွေကို နှိမ်နင်းမှု စတင်ခဲ့လို့ ရွှေပြောင်းနေထိုင်သူတွေ ပြည့်နေတဲ့ လှေတွေကို လူကုန်ကူးသူတွေက ပင်လယ်ထဲမှာ စွန့်ပစ်ခဲ့ကြရာ အကျပ်အတည်းက ပေါက်ကွဲခဲ့ပါတယ်။ အကျပ်အတည်းသက်ရောက်ခံ နိုင်ငံတွေက ထိုင်းနိုင်ငံ မြို့တော် ဘန်ကောက်မှာ  စည်းဝေးခဲ့ကြပြီး လူကုန်ကူးတိုက်ဖျက်ရေး တပ်ဖွဲ့ကို ဖွဲ့စည်းရင်း အကျပ်အတည်းကို အရင်းအမြစ်ကနေ ဖြေရှင်းဖို့ ကျယ်ပြန့်တဲ့ လုပ်ငန်းစဉ် စာရင်းကို အတည်ပြုခဲ့ကြပါတယ်။
6 years Ago

June 25, 2015

ကောင်းမွန်သည့် အခြေအနေမရှိဘဲ ဒုက္ခသည်များ ပြန်မပို့ဟု အမေရိကန်သံအမတ်ပြော

မြန်မာနိုင်ငံမှာ သင့်တော်ကောင်းမွန်တဲ့ အခြေအနေ မရှိသေးဘဲနဲ့ ထိုင်း-မြန်မာနယ်စပ်က ဒုက္ခသည်တွေကို ပြန်ပို့မှာ မဟုတ်သေးဘူးလို့ ထိုင်းနိုင်ငံဆိုင်ရာ အမေရိကန်သံအမတ်ကြီး ပက်ထရစ် မာဖီက ပြောပါတယ်။ ဇွန်လ ၂၄ ရက်နေ့ မနက်ပိုင်းက ထိုင်းနိုင်ငံဆိုင်ရာ အမေရိကန်သံအမတ်ကြီး ပက်ထရစ်မာဖီနဲ့အဖွဲ့ ထိုင်း-မြန်မာနယ်စပ်မှာရှိတဲ့ မယ်လဒုက္ခသည်စခန်းကို သွားရောက်လေ့လာခဲ့ပြီးနောက် ဒုက္ခသည်တွေ ပြန်လည်ပို့ဆောင်ရေးနဲ့ ပတ်သက်တဲ့ အစီအစဉ်ကို အခုလို ပြောခဲ့တာပါ။ “ဒီဒုက္ခသည်တွေကို ထိုင်းနိုင်ငံက တာဝန်ယူစောင့်ရှောက်ပေးတဲ့အတွက် ကျေးဇူးတင်တယ်။ ဒုက္ခသည်တွေကို ပြန်ပို့မယ်ဆိုရင်တောင်မှ လုံခြုံစိတ်ချရတဲ့ အခြေအနေရှိဖို့နဲ့ နိုင်ငံတကာ အဖွဲ့အစည်းတွေရဲ့ အကူအညီတွေနဲ့အတူ နိုင်ငံတကာစံနှုန်းတွေအတိုင်း လုပ်ဆောင်သွားမှာ ဖြစ်ပါတယ်။ ကျနော်တို့အနေနဲ့ အခြေအနေကို ရှင်းရှင်းလင်းလင်း ပြောချင်တာကတော့ မြန်မာနိုင်ငံမှာ သင့်တော်ကောင်းမွန်တဲ့ အခြေအနေ မရှိသေးဘဲနဲ့ ဒုက္ခသည်တွေကို ပြန်ပို့မှာ မဟုတ်သေးဘူး ဆိုတာပါပဲ။” လို့ မစ္စတာ ပက်ထရီမာဖီက ပြောပါတယ်။ ထိုင်းနိုင်ငံဆိုင်ရာ အမေရိကန်သံအမတ်ကြီးနဲ့အဖွဲ့ဟာ ထိုင်းအာဏာပိုင်အဖွဲ့နဲ့အတူ  မြန်မာဒုက္ခသည်တွေကို အကူအညီပေးနေတဲ့ အဖွဲ့တွေကိုပါ တွေ့ဆုံခဲ့ပြီး ဒုက္ခသည်တွေရဲ့ စားဝတ်နေရေး ကိစ္စတွေကိုပါ ဆွေးနွေးခဲ့ပါတယ်။ အဲဒီနောက် ထိုင်း-မြန်မာနယ်စပ်မှာ ဖွင့်လှစ်ထားတဲ့ ဒေါက်တာစင်သီယာမောင်ရဲ့ မယ်တော်ဆေးခန်းနဲ့ နိုင်ငံရေးအကျဉ်းသားများ ကူညီစောင့်ရှောက်ရေးအသင်းတို့ကိုလည်း သွားရောက်လေ့လာခဲ့ပြီး နိုင်ငံရေးအကျဉ်းသားတွေကိစ္စနဲ့ မကြာခင် မြန်မာနိုင်ငံမှာ ကျင်းပတော့မယ့် ရွေးကောက်ပွဲတွေအကြောင်းကို တွေ့ဆုံ ဆွေးနွေးခဲ့ပါတယ်။ ထိုင်း-မြန်မာနယ်စပ်မှာ မြန်မာဒုက္ခသည်စခန်း ၉ ခုရှိနေပြီး မြန်မာဒုက္ခသည် ၁ သိန်းခွဲနီးပါး ခိုလှုံနေကြရကာ အများစုက ကရင်ဒုက္ခသည်တွေ ဖြစ်ပါတယ်။
6 years Ago
More News
Up