ပင်လယ်စင်ရော်

June 30, 2019

ပင်လယ်စင်ရော်နှစ်ကောင်ကြောင့် အိမ်အပြင်မထွက်ရဲသည့် အင်္ဂလန်သက်ကြီးစုံတွဲ

အိမ်ခေါင်မိုးအပေါ် အသိုက်လာဆောက်တဲ့ ပင်လယ်စင်ယော်စုံတွဲကြောင့်ဗြိတိန်က အဖိုးအဖွားစုံတွဲ တတွဲဟာ ကိုယ်ပိုင်အိမ်မှာပင် ဓားစာခံတွေလို နေထိုင်ခဲ့ရတယ်လို့ OC သတင်းမှာ ဖော်ပြပါတယ်။ အကြောင်းကတော့ ဒီအဖိုးနဲ့အဖွားဟာ သူတို့အိမ်တံခါးကနေ အပြင်ထွက်ဖို့လုပ်တိုင်း ရန်လိုတဲ့ ငှက်နှစ်ကောင်ရဲ့ တိုက်ခိုက်ခြင်းနဲ့ အမြဲရင်ဆိုင်နေရလို့ပဲဖြစ်ပါတယ်။ ရိုင်းနဲ့ ဘရန်ဒါပတ်ထရစ်တို့စုံတွဲဟာ လန်ကာရှိုင်းယားအရပ်မှာ နေထိုင်ကြသူတွေပါ။ သူတို့နှစ်ဦးရဲ့ ဒုက္ခက သူတို့အိမ်ရှေ့တံခါးတည့်တည့်မှာ ပင်လယ်စင်ရော်နှစ်ကောင်က အသိုက်လာ ဆောက်တာကနေစတင်ခဲ့ပြီး သူတို့တံခါးဖွင့်ဖို့ကြိုးစားတိုင်း ငှက်နှစ်ကောင်က လာရောက်တိုက်ခိုက်လေ့ရှိပါတယ်။ တကြိမ်မှာဆိုရင် ငှက်တွေကြောင့် အသက် ၇၁ နှစ်အရွယ်အဖိုးရိုင်းရဲ့ ခေါင်းအနောက်ဘက်မှာ ပြင်းပြင်းထန်ထန်ဒဏ်ရာရရှိခဲ့ပြီး ဆေးရုံတက်ကုသမှုတောင် ခံယူခဲ့ရပါတယ်။ “ကျနော်အိမ်ရှေ့တံခါးကို ရောက်ပြီဆိုတာနဲ့ ဒီငှက်နှစ်ကောင်က လာရောက် တိုက်ခိုက်တော့တာပါပဲ။ ဒါကအရမ်းကိုဆိုးရွားပါတယ်။ ကျနော့်အမျိုးသမီးကလည်း ဒီရက်ပိုင်းမှာ နာမကျန်းဖြစ်နေတာကြောင့် အပြင်ထွက်ဈေးဝယ်ဖို့ကို ကျနော်ကပဲလုပ်ဆောင်ရပါတယ်” လို့ အဖိုးအို ရိုင်း ကပြောပါတယ်။ ရိုင်းတို့စုံတွဲဟာ ဒီကိစ္စကို ဒေသခံအာဏာပိုင်တွေနဲ့ တိရိစ္ဆာန်စောင့်ရှောက်ရေးအဖွဲ့တွေကို အကြောင်းကြားခဲ့ပေမယ့် သူတို့ရဲ့ဖြေရှင်းပေးမှုက ဒီသက်ကြီးစုံတွဲအတွက် အထောက်အကူတော့ မဖြစ်ခဲ့ပါဘူး။ သားပေါက်ရာသီမှာ ဒီငှက်တွေကို စောင့်ရှောက်ပေးရမယ့် တာဝန်ရှိနေတာကြောင့် ဒီအဖွဲ့အစည်းတွေဟာလည်း ငှက်သိုက်ကို မဖယ်ရှားပေးနိုင်ခဲ့ဘဲ သားပေါက်ပြီး ငှက်တွေပျံသန်းသွားတဲ့အချိန်အထိ စောင့်ဆိုင်းနေဖို့ ရိုင်းတို့စုံတွဲကို အကြံပြုရုံပဲ ပြုနိုင်ခဲ့ပါတယ်။ ရိုင်းတို့စုံတွဲအတွက် ကံကောင်းတဲ့တချက်ကတော့ သူတို့ကားဂိုဒေါင်နဲ့ သူတို့အိမ်ထွက်ပေါက်ကို ဆက်စပ်ထားတဲ့ တံခါးပေါက်တပေါက်ရှိနေတာဖြစ်ပြီး ငှက်တွေ အကောင်ပေါက်ပြီး ပျံသန်းသွားတဲ့အချိန်ထိတော့ သူတို့ဟာ ဒီအပေါက်ကိုပဲ အသုံးပြုရဦးမှာ ဖြစ်ပါတယ်။
2 years Ago

December 17, 2018

မိခင်ဘဝ ရောက်ရှိဦးမည့် ကမ္ဘာ့အသက်အကြီးဆုံး ငှက်မကြီး

ကမ္ဘာ့အသက်အကြီးဆုံးငှက်အဖြစ် သတ်မှတ်ခံထားရတဲ့ ပင်လယ်စင်ရော်ငှက်ကြီးဟာ မိခင်ဘဝကို နောက်တကြိမ် ထပ်မံရောက်ရှိတော့မှာဖြစ်တယ်လို့ Sky News သတင်းမှာ ဖော်ပြပါတယ်။ ဝှစ်ဒန်လို့ခေါ်တဲ့ စင်ရောက်ငှက်မကြီးဟာ ဟာဝိုင်အီကျွန်းရဲ့ အနောက်မြောက်ဘက် ၁၂၀၀ ခန့်အကွာ ကျွန်းငယ်လေးတခုမှာရှိတဲ့ Midway Atoll National Wildlife ငှက်ထိန်းသိမ်းရေး စခန်းမှာရှိတဲ့ သူမရဲ့အသိုက်မှာ ဥတလုံး ဥလိုက်ပြီဖြစ်ပါတယ်။ ဇီဝဗေဒပညာရှင်တွေက ဝှစ်ဒန်ရဲ့အသက်ဟာ အနည်းဆုံး ၆၈ နှစ်ရှိပြီလို့ သတ်မှတ်ထားပြီး သူမဘဝတလျှောက်လုံး အနည်းဆုံး စင်ရော်ငှက်ငယ် ၃၀ ကို မွေးဖွားပြီးပြီလို့ ယူဆထားပါတယ်။ ဝှစ်ဒန်ကြောင့် ပညာရှင်တွေဟာလည်း ပင်လယ်စင်ရော်ကြီးတွေရဲ့ သတ်တမ်းကို ပြန်လည် သတ်မှတ်ခဲ့ကြရပါတယ်။ ပင်လယ်စင်ရော်ကြီးတွေဟာ တလင်တမယားစနစ်ကို ကျင့်သုံးကြသူတွေဖြစ်ပြီး သူတို့လက်တွဲဖော် သေဆုံးသွားချိန်မှသာလျှင် နောက်ထပ်အသစ်ကို ရှာဖွေလေ့ရှိကြပါတယ်။ ဝှစ်ဒန်ရဲ့ အဖော်ဖြစ်တဲ့ စင်ရော်အထီးလေး အကီရာကာမိုင်ရဲ့ အသက်ကို မသိရသေးပေမယ့် သူတို့နှစ်ကောင်ဟာ လွန်ခဲ့တဲ့ ၂၀၁၆ ခုနှစ်ကတည်းက အတူတကွ ရှိနေခဲ့ကြတာပါ။ “ဝှစ်ဒန်ကို သူမရဲ့ အသိုက်နေရာဟောင်းမှာ နိုဝင်ဘာ ၂၉ ရက်နေ့က ပြန်တွေ့ခဲ့ပြီး သူမဟာ ဥတလုံးဥထားတယ်လို့ Midway က ဇီဝဗေဒပညာရှင်တွေက အတည်ပြုထားပါတယ်” လို့ ပစိဖိတ်ဒေသ အမေရိကန် ငါးနဲ့ တောရိုင်းတိရစ္ဆာန်များအဖွဲ့က ထုတ်ပြန်ကြေညာထားပါတယ်။ ပင်လယ်စင်ရော်ငှက်ကြီးတွေဟာ ဥတလုံးတည်းသာ ဥပြီး ဒီဥကို ၂ လကြာဝပ်ကာ အကောင်ပေါက်ပြီး ၅ လကြာသည်အထိ အကောင်ပေါက်လေးဟာ မိဘတွေနဲ့ အတူနေထိုင်ပါတယ်။ အချိန် ၂ လအတွင်းမှာ ဝှစ်ဒန်နဲ့ အကီရာကာမိုင်တို့ဟာ ဥကို တလှည့်စီဝပ်တာ၊ အကောင်ပေါက်ကို ထိန်းသိမ်းစောင့်ရှောက်တာတွေ ဆောင်ရွက်မှာဖြစ်ပြီး တကောင်က အသိုက်မှာရှိနေချိန် ကျန်တကောင်က အစာရှာမှာဖြစ်ပါတယ်။ ဝှစ်ဒန်ကို ၁၉၅၆ ခုနှစ်က ပထမဆုံး စတင်တွေ့ရှိခဲ့တာဖြစ်ပြီး အဲ့ဒီအချိန်ကတည်းက သူမဟာ အလုံးစုံ အရွယ်ရောက်ပြီးတဲ့ ငှက်တကောင်ဖြစ်နေပြီလို့လည်း သိရပါတယ်။
3 years Ago
Up