ပခုက္ကူမြို့

October 25, 2021

ပခုက္ကူမြို့က လောင်းကစားဝိုင်းများ အမြန်ဆုံးရပ်တန့်ပေးပါ

ပခုက္ကူမြို့၊ အမှတ် ၁၁)ရက်ကွက်ရှိ နိဗ္ဗာန်တောင်ဘုန်းကြီးကျောင်းနောက်ဖေး Happy Brother KTV အရှေ့ဘက်မှာ ဂျင်ဝိုင်း၊ ဖဲဝိုင်းတွေ ညဉ့်နက်သန်းခေါင်အထိ သောက်စားမူးယစ် ဆူညံစွာ ပြုလုပ်နေပါသဖြင့် ရက်ကွက်နေပြည်တွေမှာ အိပ်ကောင်းခြင်းမအိပ်ရ၊ လွန်စွာစိတ်အနှောင့်အယှက်ဖြစ်ရုံသာမက ခိုးဆိုးလုယက်မှုတွေပါ ကြုံတွေ့လာရမှာကို စိုးရိမ်နေကြပါတယ်။

သက်ဆိုင်ရာသို့တိုင်ကြားလိုပေမယ် အဆိုပါ လောင်းကစားဝိုင်းများမှာ လိုင်းကြေးပေးထားသဖြင့် တိုင်ကြားသူကိုယ်တိုင် အန္တရာယ်နှင့် ရင်ဆိုင်ရမည်ကို စိုးရိမ်နေရပြန်ပါတယ်။

ခေတ်စနစ်ဆိုးအချိန်အခါမှာ အခုလို လောင်းကစားဝိုင်းများ အမြန်ဆုံးရပ်တန့်ပေးဖို့ ဒီဗွီဘီကတဆင့် တင်ပြတောင်းဆိုလိုက်ပါတယ်။

ရပ်ကွက်နေပြည်သူတစ်ဦး

1 month Ago

ပခုက္ကူမြို့တွင် စစ်ကောင်စီက အပြစ်မဲ့ပြည်သူတစ်ဦးကို ပစ်သတ်

ပခုက္ကူမြို့ မြို့ရှောင်လမ်းနဲ့ ရေစကြိုလမ်းထောင့်မှာရှိတဲ့ စစ်ဆေးရေးဂိတ် မိုင်းခွဲတိုက်ခိုက်ခံရတာကြောင့် လမ်းဖြတ်သန်းသွားလာသူ အပြစ်မဲ့ပြည်သူတစ်ဦးကို စစ်ကောင်စီတပ်က သေနတ်နဲ့ပစ်သတ်ခဲ့တယ်လို့ ဒေသခံတွေဆီက သိရပါတယ်။ 

အောက်တိုဘာ ၂၄ ရက်နေ့မနက် ၈ နာရီလောက်က စစ်ဆေးရေးဂိတ်ကို ပခုက္ကူ PDF နဲ့ Seven PDF တို့ ပူးပေါင်ပြီး အဝေးထိန်းစနစ်နဲ့ မိုင်းနှစ်ဆင့် ဖောက်ခွဲတိုက်ခိုက်ခဲ့မှုကြောင့် စစ်ကောင်စီတပ်ဖွဲ့ဝင်အများအပြား ထိခိုက်ဒဏ်ရာရရှိခဲ့တာကြောင့် အပြစ်မဲ့ ဖြတ်သန်းသွားလာသူတဦးကို အကြောင်းမဲ့ ပစ်သတ်ခဲ့တာလို့ ပခုက္ကူ မြို့နယ်ပြည်သူ့ကာကွယ်ရေးတပ်ဖွဲ့ဆီက သိရပါတယ်။

အပြစ်မဲ့ပြည်သူတစ်ဦးကို အခုလို ပစ်သတ်ခဲ့တာကြောင့် ပခုက္ကူ PDF အဖွဲ့က ထိရောက်စွာ အပြစ်ပေး သုတ်သင်တိုက်ခိုက်သွားမယ်လို့ ထုတ်ပြန်ကြေညာထားပါတယ်။

ပခုက္ကူမြို့နယ်အတွင်းက ပြည်သူတွေအနေနဲ့ အကြမ်းဖက် စစ်ကောင်စီအုပ်စုတွေနဲ့ နီးစပ်ရာနေရာတွေမှာ မသွားလာကြဖို့၊ မလိုအပ်ဘဲ မြို့တွင်းမြို့ပြင် သွားလာလည်ပတ်မှုတွေ ရှောင်ကြဉ်ကြဖို့ ပခုက္ကူ PDFက မေတ္တာရပ်ခံထားပါတယ်။

1 month Ago

September 28, 2021

ပခုက္ကူမြို့ပေါ် ကင်းလှည့်ရဲကားဗုံးပေါက်ကွဲ ၂ ဦးသေဆုံး

ပခုက္ကူမြို့ပေါ် လမ်းမကြီးတွေဖြစ်တဲ့ ဗိုလ်ချုပ်လမ်းနဲ့ အာဇာနည်လမ်းဆုံအနီးမှာ ကင်းလှည့် ရဲကားအတွင်း ဗုံးပစ်ထည့်ခံရပြီး ပေါက်ကွဲကာ နှစ်ဦး ပွဲချင်းပြီး သေဆုံးခဲ့တယ်လို့ မြို့ပေါ်ဒေသခံတွေဆီက သိရပါတယ်။

စက်တင်ဘာ ၂၈ ရက် ညနေ ၅ နာရီလောက်က ဖြစ်ပွားခဲ့တာဖြစ်ပြီး ၃ ဦး အပြင်းအထန် ဒဏ်ရာရရှိခဲ့ကာ နှစ်ဦး ပွဲချင်းပြီး သေဆုံးခဲ့တယ်လို့ သိရပါတယ်။

“ကားက အရှေ့ကနေ ဗိုလ်ချုပ်လမ်းအတိုင်း အနောက်ကို ဦးတည်သွားနေတာ ဆိုင်ကယ်နဲ့ လာတဲ့လူတွေက ကားပေါ်ကို ဗုံးပစ်ထည့်သွားတာ၊ ချက်ချင်း ပေါက်ကွဲမှုဖြစ်တာပဲ၊ နေရာမှာတင် နှစ်ဦးသေတယ်။ ၃ ဦးက ဒဏ်ရာရတယ်။ ကားပေါ်မှာတော့ ဘယ်နှယောက် ပါမှန်းမသိလိုက်ဘူး။ သေတာကတော့ ကားယားလေးတွေပဲ၊ ဝုန်းခနဲ အသံကြားလိုက်တော့ ဘယ်သူမှ ထွက်မကြည့်ရဲကြဘူး” လို့ မျက်မြင်ဒေသခံတစ်ဦးက ပြောပါတယ်။

ပခုက္ကူမြို့ပေါ်မှာ ရဲကား၊ စစ်ကားတွေက ညနေ ၅ နာရီဝန်းကျင်မှာ မြို့ပေါ်မှာ အမြဲ ကင်းလှည့်ပတ်လေ့ရှိတယ်လို့ ဒေသခံတွေက ဆိုပါတယ်။ ပေါက်ကွဲမှုကြောင့် ရဲကားမှာ အမိုးပွင့်လှန်သွားတယ်လို့ သိရပါတယ်။

2 months Ago
More News
Up