နွေရာသီ

January 23, 2021

စစ်ကိုင်းတိုင်းတွင် လာမည့်နွေရာသီ ကျေးရွာပေါင်း ၃၀ ရေရှားနိုင်

စစ်ကိုင်းတိုင်းအတွင်း မြို့နယ် ၃၇ ခုအနက် ၁၂ မြို့နယ်က ကျေးရွာပေါင်း ၃၀ ဟာ လာမယ့်နွေရာသီမှာ ရေရှားပါးနိုင်တယ်လို့ သိရပါတယ်။

ပြီးခဲ့တဲ့နှစ်ပိုင်းက စစ်ကိုင်းတိုင်းအတွင်းမှာ နေရာတိုင်း မိုးရွာတာမျိုးမဟုတ်ဘဲ ကွက်ကြားမိုးအဖြစ်နဲ့သာ ရွာသွန်းခဲ့တာပါ။

စစ်ကိုင်းတိုင်း‌ကျေးလက်ဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူး ဦးဝင်းကျော်မျိုးက "ပြီးခဲ့တဲ့နှစ်က မိုးရွာသွန်းမှုအနေထားက နေရာတိုင်းမဟုတ်ဘူး။ အဲ့ဒါကြောင့် အပေါ်ယံမြေကြော၊ ရေကြော ခန်းခြောက်နိုင်တဲ့အတွက် အခုလို ခန့်မှန်းရတာပါ။ ‌ပြောချင်တာက အဓိကကတော့ ရေတွင်းတူးမရတာတို့၊ လက်တူးတွင်းတွေမှာ မှီခိုနေရတာတို့၊ မိုးရေလှောင်ကန်တွေမှာ အားကိုးနေရတဲ့ ရွာတွေမှာ ရေရှားပါးမှုပြဿနာ ဖြစ်နိုင်ရာကို တွက်ချက်ခန့်မှန်းရတဲ့သဘောပါ" လို့ ပြောပါတယ်။

စစ်ကိုင်းတိုင်းဒေသကြီးအတွင်းရှိ ကျေးရွာတွေအနေနဲ့ လာမယ့်နွေရာသီကာလအတွင်းမှာ သောက်သုံးရေပြတ်လပ်မှုတွေနဲ့ ကြုံတွေ့လာရင် သက်ဆိုင်ရာမြို့နယ်က ကျေးလက်ဦးစီးဌာနတွေထံ အကြောင်းကြားကြဖို့ကိုလည်း နှိုးဆော်တိုက်တွန်းထားတယ်လို့ သိရပါတယ်။

အခုလို ‌သောက်သုံးရေပြတ်လပ်တာတွေကြောင့် အကြောင်းကြားလာမယ့် ကျေးရွာတွေအတွက် ဌာနပေါင်းစုံနဲ့ အများပြည်သူ အလှူရှင်တွေပူးပေါင်းကာ ရေပေးဝေတာတွေကို ပြုလုပ်သွားမှာဖြစ်သလို ကွင်းဆင်းစစ်ဆေးပြီး ရေရှည်လုပ်ဆောင်သွားရမယ့် လုပ်ငန်းတွေကိုလည်း ဆောင်ရွက်သွားမယ်လို့ သိရပါတယ်။

အခုဘဏ္ဍာနှစ်အတွင်းမှာ စစ်ကိုင်းတိုင်းထဲက မြို့နယ် ၃၇ မြို့နယ်မှာရှိတဲ့ ကျေးရွာပေါင်း ၁၈၁ ရွာကို ပြည်ထောင်စုနဲ့ တိုင်းဒေသကြီး ရန်ပုံငွေထဲက ကျပ်သန်းပေါင်း ၃၃၂၇ သန်းကျော် အသုံးပြုပြီး ရေရရှိရေးအတွက် ဆောင်ရွက်ပေးသွားမယ်လို့ သိပါတယ်။

ရန်နိုင်စိုး

4 months Ago

May 5, 2020

မကွေးတိုင်းတွင် ယခုနှစ်နွေရာသီ မီးလောင်မှု ၈၃ ကြိမ်ဖြစ်ပွား၊ ကျပ်သိန်း ၁၀၀၀ ကျော်ဖိုးဆုံးရှုံး

မကွေးတိုင်းဒေသကြီးအတွင်း အခုနှစ်နွေရာသီမှာ မီးလောင်မှု ၈၃  ကြိမ်ဖြစ်ပွားပြီး ကျပ်သိန်းပေါင်း ၁၀၀၀ ကျော်ဖိုးခန့် ဆုံးရှုံးခဲ့တယ်လို့ တိုင်းဒေသကြီး မီးသတ်ဦးစီးဌာနကနေ သိရပါတယ်။ မကွေးတိုင်း မီးသတ်ဦးစီးဌာန ညွှန်ကြားရေးမှူး ဦးအောင်ဝင်းစိန်က "အဓိက ကျေးရွာတွေမှာ အဖြစ်များတာ၊ ရေနံမှော်တွေမှာတော့ ၁၅ ကြိမ်ခန့် လောင်ကျွမ်းခဲ့လို့ အသက်ဆုံးရှုံးမှုတွေလည်း ရှိခဲ့ပါတယ်။ တစ်နှစ်ထက်တစ်နှစ် လူဦးရေ များပြားလာပြီး နေအိမ်အဆောက်အုံတွေကလည်း ပိုမိုးများပြားလာတဲ့အတွက်ကြောင့် မီးလောင်မှုကလည်း ပိုမိုများပြားလာပါတယ်။ ပွင့်လင်းရာသီ စစချင်းမှာ ပြည်သူတွေကို မီးဘေးအသိပညာပေးလုပ်ငန်းတွေနဲ့ လှည့်လည်ကြော်ငြာတာတွေ နေစဉ်လုပ်နေပါတယ်။ အထူးသဖြင့် စက်ရုံ၊ အလုပ်ရုံ၊ စျေး၊ ဟိုတယ်၊ မိုတယ်၊ စက်သုံးဆီဆိုင်၊ ဆီဘောက်ဆာတွေအပြင် KTV မှာလည်း မီးလောင်ပြီး အသက်အများကြီးဆုံရှုံးခဲ့ လို့ စည်းကမ်းလိုက်နာမှုရှိမရှိ၊ စစ်ဆေးပါတယ်"လို့ ပြောပါတယ်။ မကွေးတိုင်းဒေသကြီးအတွင်းမှာ ပြီးခဲ့တဲ့ ၂၀၁၈ ခုနှစ်မှာ မီးလောင်မှု ၁၅၀ ကျော်ဖြစ်ပွားခဲ့ပြီး ကျပ်သိန်း ၁၅၀၀ ကျော် ဆုံးရှုံးခဲ့ကာ ၂၀၁၉ ခုနှစ်မှာတော့ မီးလောင်မှု ၂၄၃ ကြိမ်ဖြစ်ပွားခဲ့ပြီး ကျပ်သိန်း ၂၀၀၀ ကျော်ဖိုးဆုံးရှုံး ခဲ့တယ်လို့ မီးသတ်ဦးစီးဌာနက သိရပါတယ်။ သတင်း-မင်းထီး
1 year Ago
More News
Up