နီပေါ

July 16, 2019

အိန္ဒိယ၊ နီပေါနှင့် ဘင်္ဂလားဒေ့ရ်ှတို့တွင် ရေကြီးမှုကြောင့် သေဆုံးသူ ၁၀၀ ကျော်ရှိ၊ ၄ သန်းကျော် နေရပ်စွန့်ခွာ

အိန္ဒိယ၊ နီပေါနဲ့ ဘင်္ဂလားဒေ့ရှ် နိုင်ငံတွေမှာ ရေကြီးမှုကြောင့် ဇူလိုင် ၁၅ ရက်နေ့အထိ   သေဆုံးသူ ၁၀၀ ကျေ်ာနေပြီး လူပေါင်း ၄ သန်းကျော် နေရပ်စွန့်ခွာခဲ့ရပါတယ်။ အိန္ဒိယမှာဆိုရင် အာသံနဲ့ ဘီဟာပြည်နယ်တွေဟာ ရေကြီးမှုဒဏ် အဆိုးဆုံးခံရတဲ့အထဲ ပါဝင်ပါတယ်။ ပြီးခဲ့တဲ့ ၁၀ ရက်အတွင်း ရေကြီးတာကြောင့် အာသံနယ်မှာ လူဦးရေ ၄ ဒသမ ၃ သန်း နေရပ်စွန့်ခဲ့ရတယ်လို့ အိန္ဒိယအစိုးရက သတင်းထုတ်ပြန်ပါတယ်။ ဘီဟာပြည်နယ်မြောက်ပိုင်း ဒေသတွေဟာ နီပေါနိုင်ငံနဲ့ နယ်နိမိတ် ထိစပ်နေပြီး ရေကြီးတဲ့ အစဉ်အလာ ရှိပါတယ်။ လာမယ့်နှစ်ရက်အတွင်း အာသံနဲ့ ဘီဟာနယ်တွေမှာ မိုးပိုကြီးလိမ့်မယ်လို့ အိန္ဒိယ မိုးလေဝသဌာနက ကြိုတင်ခန့်မှန်းပါတယ်။ ဘင်္ဂလားဒေ့ရ်ှနိုင်ငံမှာတော့ ရေကြီးမှုကြောင့် ခန့်မှန်း လူ ၁ သိန်း ၉ သောင်းဟာ နေအိမ်တွေကို စွန့်ခွာခဲ့ရတယ်လို့ အစိုးရ တာန်ရှိသူတွေက ပြောပါတယ်။ ဒုက္ခသည် ၇ သိန်းရှိတဲ့ ကော့ဘဇားခရိုင်မှာလည်း ရေကြီးမှုကြောင့် လူ ၁ သိန်းကျော် အိုးအိမ်မဲ့ ဖြစ်ခဲ့ပါတယ်။
2 years Ago

July 15, 2019

နီပေါတွင် ရုတ်တရက် ရေကြီး မြေပြိုမှုကြောင့် သေဆုံးသူဦးရေ ၅၅ ဦးထိ မြင့်တက်

နီပေါနိုင်ငံမှာ ရုတ်တရက် ရေကြီး၊ မြေပြိုတာတွေကြောင့် သေဆုံးသူဦးရေဟာ ဇူလိုင် ၁၄ ရက်နေ့မှာ ၅၅ ယောက်ထိ မြင့်တက်လာတယ်လို့ နီပေါအစိုးရက ပြောပါတယ်။ ဇူလိုင် ၁၁ ရက်နေ့ကတည်းက နီပေါနိုင်ငံရဲ့ တောင်တန်းဒေသတွေမှာ မိုးသည်းသည်းမည်းမည်း ရွာနေပြီး နိုင်ငံတလွှားက လမ်း၊ တံတားတွေလည်း ပျက်စီးခဲ့တာကြောင့် ထောင်ချီတဲ့လူတွေ ဘေးလွတ်ရာ ရွှေ့ပြောင်းခဲ့ကြရပါတယ်။ ဆိုးရွားတဲ့ ရာသီဥတု အခြေအနေအတွင်း လူ ၅၅ ယောက်သေဆုံးပြီး ၃၃ ယောက် ဒဏ်ရာရခဲ့တဲ့အပြင် အယောက် ၃၀ ပျောက်ဆုံးနေဆဲပဲလို့ ပြည်ထဲရေးဝန်ကြီးဌာနက အတည်ပြု ပြောကြားခဲ့ပါတယ်။ ဒါ့အပြင် အိမ်နီးချင်းဖြစ်တဲ့ အိန္ဒိယနဲ့ ဘင်္ဂလားဒေ့ရှ် နိုင်ငံတွေမှာလည်း အားကောင်းတဲ့ မုတ်သုံမိုးကြောင့် လူသေဆုံးတာတွေနဲ့ ရေဘေးသင့်ပြည်သူ အရေအတွက် မြင့်တက်နေကြပါတယ်။ ဘင်္ဂလားဒေ့ရ်ှနိုင်ငံ စစ်တကောင်းနယ်မှာ ရေကြီးလို့ လူ ၁၀ ယောက်သေပြီး အယောက် ငါးသိန်း ဘေးကင်းရာ ရွှေ့ပြောင်းခဲ့ရတယ်၊ ရွာပေါင်း ၂၀၀ ရေအောက်မြုပ်နေတယ်လို့ ရိုက်တာသတင်းဌာနက ဖော်ပြပါတယ်။ အိန္ဒိယနိုင်ငံ အာသံပြည်နယ်မှာတော့ ရေဘေးကြောင့် လူ ၁၀ ယောက် သေဆုံးပြီး ၁ ဒသမ ၅ သန်းထက်မနည်း အိုးအိမ်စွန့်ခွာ ရွှေ့ပြောင်းနေရပါတယ်။
2 years Ago
More News
Up