နိုင်ငံခြားရေးဝန်ကြီး

November 9, 2021

ဩစတြေးလျ နိုင်ငံခြားရေးဝန်ကြီးနှင့် ကမ္ဘောဒီယား ဝန်ကြီးချုပ် တွေ့ဆုံ

ဩစတြေးလျ နိုင်ငံခြားရေးဝန်ကြီး မာရိစ်ပိန်းဟာ ကမ္ဘောဒီးယားနိုင်ငံဆီ တရားဝင် အလည်အပတ် ခရီးစဉ်အတွင်း ဝန်ကြီးချုပ် ဟွန်ဆန်နဲ့ မြို့တော်ဖနွမ်ပင်မှာ နိုဝင်ဘာ ၈ ရက်က တွေ့ဆုံပါတယ်။

အင်ဒိုပစိဖိတ်လုံခြုံရေးမိတ်ဖက်အဖွဲ့ အော်ကတ်စ်နဲ့ ထိတွေ့ဆက်ဆံရေးနဲ့ ဩစတြေးလျ ကမ္ဘောဒီးယား နှစ်နိုင်ငံကြား အပြန်အလှန် ဆက်ဆံရေးကို ပိန်းက ထပ်လောင်း အတည်ပြုခဲ့ တယ်လို့ ဟွန်ဆန်က ပြောပါတယ်။

ဩစတြေးလျဟာ ကမ္ဘောဒီးယားနိုင်ငံကို ကိုဗစ်-၁၉ ကပ်ရောဂါ ကာကွယ်ဆေး ထိုးဆေးလုံးရေ ၃ ဒသမ ၅ သန်း လှူဖို့ ကတိပြုထားပြီး ဒီနှစ်ကုန်ပိုင်းမှာ ထိုးဆေးလုံးရေ ၁ သန်း ရောက်လာမယ်လို့လည်း ဟွန်ဆန်က ပြောပါတယ်။

နိုဝင်ဘာ ၈ ရက်က ပိန်းဟာ ကမ္ဘောဒီးယား နိုင်ငံခြားရေးဝန်ကြီး ပရပ်ဆိုခွန်နဲ့ တွေ့ဆုံပြီး ဗီယက်နမ် နိုင်ငံဆီ ခရီးဆက်ခဲ့တာပါ။

သူဟာ ဒေသတွင်း ၄ နိုင်ငံ အလည်အပတ် ခရီးအတွင်း အင်ဒိုနီးရှားနဲ့ မလေးရှားနိုင်ငံတွေဆီ ဆက်လက် သွားရောက်လည်ပတ်မယ်လို့ ရိုက်တာသတင်းဌာနက ဖော်ပြပါတယ်။

3 weeks Ago

October 14, 2021

မြန်မာ့အရေးဆွေးနွေးရန် အာဆီယံနိုင်ငံခြားရေးဝန်ကြီးများ အရေးပေါ် အစည်းအဝေးပွဲပြုလုပ်မည်

ဒီလနှောင်းပိုင်းမှာကျင်းပဖို့ရှိတဲ့ အာဆီယံ ထိပ်သီးအစည်းအဝေးမှာ အဖွဲ့ဝင်နိုင်ငံရဲ့ ကိုယ်စားပြုမှုကိစ္စအပါအဝင် စစ်တပ်အုပ်စိုးနေတဲ့ မြန်မာနိုင်ငံနဲ့ပတ်သက်ပြီး အာဆီယံနိုင်ငံခြားရေးဝန်ကြီးတွေဟာ အောက်တိုဘာ ၁၅ ရက် သောကြာနေ့မှာ အရေးပေါ်အွန်လိုင်းအစည်းအဝေး ပြုလုပ်ဖို့ရှိတယ်လို့ အာဆီယံသတင်းရင်းမြစ်တွေက ပြောကြပါတယ်။

ဝန်ကြီးတွေဟာ မြန်မာစစ်ခေါင်းဆောင်ကို အာဆီယံထိပ်သီးအစည်းအဝေးမှာ မဖိတ်ကြားဖို့ တချို့အဖွဲ့ဝင်နိုင်ငံတွေရဲ့အဆိုပြုချက်ကို ထည့်သွင်းစဉ်းစားဖို့ မျှော်လင့်ရပြီး တဖက်မှာလည်း အာဆီယံ အချက် ၅ ချက်ပါ သဘောတူညီချက်ကို ဖော်ဆောင်မယ့် အထူးသံတမန်ကို လက်ခံဖို့ စစ်ကောင်စီကို ထပ်တလဲလဲ တောင်းဆိုနေပါတယ်။

လူထုခေါင်းဆောင် ဒေါ်အောင်ဆန်းစုကြည်ရဲ့ရွေးကောက်တင်မြှောက်ခံအစိုးရကို ဖြုတ်ချခဲ့တဲ့ ဖေဖော်ဝါရီ ၁ ရက်နေ့ အာဏာသိမ်းခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို ထိပ်သီးအစည်းအဝေးမှာ ပါ၀င်ခွင့်မပေးဖို့ စင်္ကာပူ၊ အင်ဒိုနီးရှားနဲ့ မလေးရှားနိုင်ငံတို့ဟာ ပြီးခဲ့တဲ့သောကြာနေ့က အဆင့်မြင့်အာဆီယံထိပ်သီးအစည်းအဝေးမှာ အဆိုပြုခဲ့တယ်လို့ သတင်းရင်းမြစ်တွေက ပြောပါတယ်။

အဲ့ဒီအစား မြန်မာ့စစ်တပ်ကခန့်အပ်ထားတဲ့ နိုင်ငံခြားရေး၀န်ကြီး သို့မဟုတ် အကြီးတန်းအရာရှိ တယောက်ယောက်ကတော့ ခေါင်းဆောင်တွေရဲ့အစည်းအဝေးမှာ ပါဝင်နိုင်တယ်လို့ ဆိုပေမယ့် သေချာတော့ မသိရသေးပါဘူး။ 

အခုသောကြာနေ့ virtual အစည်းအဝေးကို လက်ရှိအာဆီယံဥက္ကဋ္ဌ ဘရူနိုင်းက လက်ခံကျင်းပလိမ့်မယ်လို့ အာဆီယံနိုင်ငံတွေမှ သတင်းရင်းမြစ်တွေက ပြောပါတယ်။ ဒီအစည်းအဝေးနဲ့ပတ်သက်လို့ မြန်မာစစ်ကောင်စီရဲ့ ပြောရေးဆိုခွင့်ရှိသူ ဗိုလ်ချုပ် ဇော်မင်းထွန်းက ပြန်လည်ဖြေကြားခြင်းမရှိပါဘူး။

ဒီကိစ္စဘရူနိုင်းနိုင်ငံခြားရေး၀န်ကြီးဌာနကလည်း မှတ်ချက်ပြုဖို့ အီးမေးလ်ပေးပို့ တောင်းဆိုမှုကို ပြန်လည်ဖြေကြားခြင်း မရှိပါဘူး။ 

အာဆီယံရဲ့ သံတမန်ရင်းမြစ်တခုအရ ညှိနှိုင်းမှုတွေ ဆက်လက်လုပ်ဆောင်နေဆဲဖြစ်ပြီး ဘက်ပေါင်းစုံ သက်ဆိုင်သူအားလုံးနဲ့တွေ့ဆုံဆွေးနွေးရေးကတော့ မူအဖြစ် ရှိနေဆဲ လို့ ထိုင်းနိုင်ငံထုတ် ဘန်ကောက်ပို့စ် သတင်းစာမှာရေးသားဖော်ပြထားပါတယ်။  

1 month Ago
More News
Up