နန်းဆိုင်နွမ်

December 26, 2018

ရှေးထုံးတိုင်းမယူပါနှင့်

“ဈေးသုံးလည်း မလွယ်နဲ့၊ ရှေ့ထုံးလည်း မပယ်နဲ့ဆိုတဲ့ ဆိုရိုးအတိုင်းပါပဲ၊ ကျေန်ာတို့ ထုံးတွေကိုလည်း မပယ်သင့်ပါဘူး” ဟု ပြည်သူ့လွှတ်တော်ကိုယ်စားလှယ် ဦးကျော်စိုးလင်းက ဆိုသည်။ မြန်မာနိုင်ငံတွင် တိုင်းရင်းသားပေါင်းစုံ၊ ဘာသာပေါင်းစုံ နေထိုင်သဖြင့် ဓလေ့ရိုးရာ ယဉ်ကျေးမှုများကလည်း ကွဲပြားသလို ဓလေ့ရိုးရာ ယဉ်ကျေးမှု ထုံးတမ်းဆိုင်ရာ ဥပဒေများလည်း ကွဲပြားသည်။ ထိုကွဲပြားမှုများနှင့်အတူ ဓလေ့ရိုးရာယဉ်ကျေးမှု ဥပဒေများတွင် အမျိုးသမီးများကို  ထိခိုက်နစ်နာစေသည့် ဥပဒေများအား ပယ်ဖျက်ပေးရန် အမျိုးသမီးအရေး ဆောင်ရွက်သူများ၊ တိုင်းရင်းသူများက စဉ်ဆက်မပြတ် တောင်းဆိုခဲ့ကြသည်။ သို့သော်လည်း အမျိုးသမီးအဖွဲ့အစည်းများနှင့် ဌာနေတိုင်းရင်းသူများ၏အသံကို လျစ်လျူရှုကာ နိုဝင်ဘာ (၂၈) ရက်နေ့က ကလေးသူငယ် အခွင့်အရေးများဆိုင်ရာ ဥပဒေကြမ်းတွင်ပါသည့် အခန်း (၇) ပုဒ်မ (၂၃) လက်ထပ်ထိမ်းမြားခြင်း အသက်အရွယ် ကန့်သတ်ချက်နှင့်ပတ်သက်ပြီး လူမျိုး၊ ဘာသာ၊ ဓလေ့ထုံးတမ်းများ၏ သတ်မှတ်ချက်ကို ထည့်သွင်းစဉ်းစားသင့်ကြောင်း  မန္တလေးတိုင်းဒေသကြီး၊ ပြည်ကြီးတံခွန်မဲဆန္ဒနယ်က ပြည်သူ့လွှတ်တော်ကိုယ်စားလှယ် ဦးကျော်စိုးလင်းက တင်သွင်းခဲ့သည်။ တည်ဆဲဥပဒေများ၊ ဓလေ့ထုံးတမ်းများဆိုသည်မှာ ဥပမာအားဖြင့် ဗုဒ္ဓဘာသာ ဓလေ့ထုံးတမ်းတွင် “ပုဆိုးတန်းတင်ရုံနဲ့ ကျနော်တို့ အကြင်လင်မယား၊ အရှေ့ (၇) အိမ်၊ အနောက် (၇) အိမ် အသိပေးရုံနဲ့ အကြင်လင်မယားဆိုတဲ့ဓလေ့ ရှိပါတယ်” ဟုလည်း ဦးကျော်စိုးလင်းက ပြောဆိုခဲ့သည်။ ချင်းပြည်နယ်တွင် အသက် (၁၃) နှစ်ပြည့်လျှင် စေ့စပ်မင်္ဂလာပွဲများ ပြုလုပ်ရကြောင်း၊ ရှမ်းပြည်နယ်တွင် လက်ဖက်တရိုး၊ ကွမ်းတရိုး ကျွေးရုံနှင့် အကြင်လင်မယားဖြစ်သည့် ဓလေ့များရှိကြောင်း ဦးကျော်စိုးလင်းက ထပ်လောင်းပြောသည်။ ဗုဒ္ဓဘာသာဝင် (၁၄) နှစ်ထက်မငယ်သည့် မိန်းမသည် ထိမ်းမြားလို့ရကြောင်း၊ ထို့ကြောင့် ယခင်ပြဋ္ဌာန်းထားသည့် ဥပဒေတွင် အသက် (၁၈) နှစ်ပြည့်မှ အိမ်ထောင်ပြုနိုင်မည်ဆိုသည့် သတ်မှတ်ချက်သည် ရှေ့နောက်ညီညွတ်မှု မရှိသဖြင့် ပြည်သူ့လွှတ်တော် ဥပဒေကြမ်းကော်မတီမှ  အသက် (၁၈) နှစ်ပြည့်ပြီးဖြစ်ရမည် ဆိုသည့်အချက်ကို ပယ်ဖျက်လိုက်ခြင်းဖြစ်သည်ဟု လွှတ်တော်အမတ် ဦးကျော်စိုးလင်းက မှတ်ချက်ပြုသည်။ “တည်ဆဲဥပဒေတွေ၊ ဓလေ့ထုံးတမ်း ဥပဒေတွေ ရှိပါရက်နဲ့ နောက်က အသက် (၁၈) နှစ်ပြည့်မှ ပဋိညာဉ်ပြုနိုင်မယ် ဆိုတဲ့အချက်က သက်ဆိုင်ရာဥပဒေ၊ တည်ဆဲဥပဒေတွေနဲ့ ဆန့်ကျင်ကွဲလွဲလျက် ရှိနေပါတယ်” ဟုလည်း သူက ထပ်မံပြောသည်။ ထိုတင်သွင်းမှုနှင့်ပတ်သက်ပြီး လက်ထပ်ထိမ်းမြားနိုင်သည့် အသက်အရွယ်ကို အသက် (၁၈) နှစ်အဖြစ် တိကျသေချာအောင် ပြဋ္ဌာန်းပေးဖို့ ပြည်သူ့လွှတ်တော် အမတ်တချို့နှင့် အမျိုးသမီး အခွင့်အရေး ဆောင်ရွက်သူများက တောင်းဆိုလိုက်သည်။ ပြည်သူ့လွှတ်တော် အစည်းအဝေးတွင် ကလေးသူငယ်များ အခွင့်အရေးထဲမှ လက်ထပ်ထိမ်းမြားနိုင်သည့် အသက်ကို (၁၈) နှစ်အဖြစ် သတ်မှတ်ချက်အား ပယ်ဖျက်ခဲ့သည့်အပေါ် ကန့်ကွက်ခဲ့သည့် ကျောက်တန်းမဲဆန္ဒနယ် ဒေါ်အေးမြမြချိုက “အမျိုးသားနဲ့ အမျိုးသမီး လက်ထပ်နိုင်တဲ့ အသက်က (၁၈) နှစ် ဖြစ်ရမယ်လို့ တကြောင်းတည်း ကျမက ရေးစေချင်တယ်။ ပြဋ္ဌာန်းစေချင်တယ်” ဟု ပြောကြားခဲ့သည်။ လိင်ပိုင်းဆိုင်ရာ အကြမ်းဖက်ခြင်းဆိုသည့် ပုဒ်မတွင် ကလေးသူငယ်များကို လက်ထပ်စေခြင်းဆိုသည့် အချက်နှင့် ဆက်စပ်နေသည်ကို တွေ့ရှိရကြောင်း၊ ပြဋ္ဌာန်းမည့် ဥပဒေသည် ကလေးသူငယ် အခွင့်အရေးဆိုင်ရာ ဥပဒေဖြစ်သည်ကို သတိပြုသင့်ကြောင်း ဒေါ်အေးမြမြချိုက ထည့်သွင်းပြောခဲ့သည်။ “ဥပဒေမူကြမ်းကိုယ်တိုင်က ရှင်းရှင်းလင်းလင်းရေးထားတာ မရှိဘူး” ဟု ဥပဒေရေးရာ ကုစားရေးအဖွဲ့ (မြန်မာ) မှ ဒါရိုက်တာ၊ တရားလွှတ်တော်ရှေ့နေ ဒေါ်လှလှရီကလည်း ပြောဆိုသည်။ ဓလေ့ရိုးရာ ယဉ်ကျေးမှုအရ လက်ထပ်နိုင်ခြင်းသည် ကလေးသူငယ်များကို အဆင်သင့် လက်ထပ်ခွင့်ပြုလိုက်ခြင်းနှင့်တူကြောင်း၊ ထိုကဲ့သို့ ခွင့်ပြုခြင်းသည် ကလေးသူငယ် အခွင့်အရေးကို ကာကွယ်ပေးရာ မရောက်ကြောင်း ဒေါ်လှလှရီက ထပ်လောင်းပြောသည်။ “ကလေးသူငယ် အခွင့်အရေးဆိုင်ရာ ဥပဒေမှာ ဘယ်အသက်အရွယ်ပိုင်းဆို လက်ထပ်လို့မရဘူးဆိုတဲ့ တားမြစ် ပြဋ္ဌာန်းမှု လိုတယ်” ဟုလည်း သူမက ထောက်ပြလိုက်သည်။ မြန်မာနိုင်ငံတွင် ဘာသာရေးနှင့် တိုင်းရင်းသား လူမျိုးများဆိုင်ရာ ဓလေ့ထုံးတမ်းများနှင့် ပတ်သက်ပြီး ရှုပ်ထွေးမှုရှိကြောင်း၊ မတူညီကြသည့် ဓလေ့ရိုးရာ ယဉ်ကျေးမှု ဥပဒေများကို တူညီသည့် ဥပဒေတရပ်ဖြစ်ဖို့ စဉ်ဆက်မပြတ် တိုက်တွန်းပြောဆိုခဲ့ကြကြောင်း Triangle Women’s Support အဖွဲ့ တည်ထောင်သူ ဒေါ်ခင်လေးက ပြောသည်။ “ကျမတို့မှာ ရိုးရာတွေ ဘယ်လောက်ပဲရှိရှိ ကျမတို့ကို အုပ်ချုပ်တဲ့ အစိုးရက အားလုံးအပေါ် ထိခိုက်မှုမဖြစ်အောင် ထည့်သွင်းစဉ်းစားမှုတွေ မလုပ်နိုင်တာ ဝမ်းနည်းစရာပါ” ဟု ဒေါ်ခင်လေးက ဆိုသည်။ ယခုကဲ့သို့ သတ်မှတ်လိုက်ခြင်းအားဖြင့် ရှုပ်ထွေးမှုများ ဖြစ်ပေါ်စေကြောင်း၊ တိုင်းရင်းသူများ၏အသံကို ထည့်သွင်းစဉ်းစားသင့်ကြောင်း၊ တိကျပြီး တန်းတူသည့် ဥပဒေတရပ်ဖြစ်ရန် လိုအပ်ကြောင်း ဒေါ်ခင်လေးက ပြောသည်။ လက်ရှိ ပြည်သူ့လွှတ်တော်တွင် တင်သွင်းခဲ့သည့် ကလေးသူငယ်များ အခွင့်အရေးဆိုင်ရာမှ လက်ထပ်ထိမ်းမြားခြင်းနှင့် ပတ်သက်ပြီး ဒေါ်ခင်လေးက “ဥပဒေပြဋ္ဌာန်းတဲ့အခါ တိတိကျကျ ပြဋ္ဌာန်းသင့်တယ်။ ဥပဒေကိုယ်တိုင်က ဝေဝါးနေရင် လိုက်နာတဲ့သူအတွက်လည်း ပြဿနာဖြစ်တယ်။ သေသေချာချာ ပြဋ္ဌာန်းတာတောင် အားနည်းချက်ကို အခွင့်ကောင်းယူပြီး လုပ်တာတွေ ရှိတဲ့အခါ သေသေချာချာ လုပ်ထားဖို့လိုမယ်လို့ ကျမထင်ပါတယ်” ဟုလည်း ဝေဖန်ထောက်ပြသည်။ အမျိုးသမီးများနှင့် ကလေးငယ်များဆိုင်ရာ ဥပဒေနှင့်ပတ်သက်ပြီး တဖက်သတ် စဉ်းစားပြီး ပြုလုပ်သည်ဟု ကျား/မ ရေးရာ တန်းတူညီမျှရေးကွန်ရက် (GEN) မှ ဒါရိုက်တာ ဒေါ်မေစံပယ်ဖြူကလည်း ပြောသည်။ “ဓလေ့ထုံးတမ်းတွေက တကယ်တမ်းမှာ ခေတ်နဲ့မညီတော့ဘူးဆိုရင် ပြင်ဆင်ကြရတာပါပဲ။ အမျိုးသမီးနဲ့ ကလေးဆိုရင် သူတို့စိတ်တိုင်းကျ စီမံလို့ရတယ်၊ သူတို့စိတ်တိုင်းကျ ဆုံးဖြတ်လို့ရတယ်ဆိုတဲ့ သဘော ပါနေတယ်” ဟု ကျား/မ ရေးရာ တန်းတူညီမျှရေးကွန်ရက် (GEN) မှ ဒါရိုက်တာ ဒေါ်မေစံပယ်ဖြူက ဆိုသည်။ ဥပဒေတရပ်ကို ပြုသည့်အခါ ပြည်သူများ၏ ကောင်းကျိုးကို ရည်ရွယ်ပြီး အကာအကွယ်ပေးရန် ဖြစ်ကြောင်း၊ ဥပဒေတရပ်သည် ပြည်သူများအတွက် ဆိုးကျိုးဖြစ်နေပါက ပြန်လည်စဉ်းစား ပြင်ဆင်သင့်ကြောင်းလည်း ဒေါ်မေစံပယ်ဖြူက တိုက်တွန်းပြောဆိုလိုက်သည်။ ဓလေ့ထုံးတမ်း ဥပဒေများသည် အမျိုးသမီးများကို ခွဲခြားနှိမ့်ချထားသည့်အတွက် တိုင်းရင်းသူ အမျိုးသမီးများ၊ အမျိုးသမီးအခွင့်အရေး ဆောင်ရွက်သူများက နိုင်ငံတော်ဥပဒေဖြင့် အကာအကွယ်ပေးရန် လိုလားနေချိန်တွင် ပြည်သူ့လွှတ်တော်မှ ယခုလို ခွင့်ပြုလိုက်ခြင်းသည် အလွန်အကျည်းတန်သည်ဟု ထားဝယ်အမျိုးသမီးသမဂ္ဂမှ မယ်စုစုဆွေကလည်း ဝေဖန်လိုက်သည်။ “အမျိုးသမီးတွေကို အကာအကွယ်မပေးတဲ့ ဓလေ့ထုံးတမ်းတွေကို ကျမတို့က မရှိစေချင်တာ၊ မကြားချင်တာဖြစ်တယ်။ ဓလေ့ထုံးတမ်းတွေ ဘယ်လောက်ပဲ ရှိနေပါစေ နိုင်ငံတကာဥပဒေက သွားလို့ရတယ်။ တိုင်းရင်းသူ အမျိုးသမီးတွေကလည်း တောင်းဆိုနေချိန် ဒီလို ဓလေ့ထုံးတမ်းဥပဒေကို လုပ်လိုက်တာ အင်မတန် စိတ်ဓာတ်ကျတယ်၊ လွှတ်တော်ကိုလည်း ရှုတ်ချတယ်” ဟု မယ်စုစုဆွေက ပြောသည်။ မြန်မာနိုင်ငံသည် အမျိုးသမီးများအပေါ် နည်းမျိုးစုံဖြင့် ခွဲခြားဆက်ဆံမှု ပပျောက်ရေးဆိုင်ရာ နိုင်ငံတကာ သဘောတူစာချုပ် (CEDAW) နှင့် ကလေးသူငယ် အခွင့်အရေးများဆိုင်ရာ ကုလသမဂ္ဂညီလာခံ သဘောတူစာချုပ် (CRC) ကို လက်မှတ်ရေးထိုးထားသည့် နိုင်ငံတခု ဖြစ်သည်။ ပြည်သူ့လွှတ်တော်က ကလေးသူငယ် အခွင့်အရေးများဆိုင်ရာ ဥပဒေထဲမှ လက်ထပ်ထိမ်းမြားခြင်းနှင့် ပတ်သက်ပြီး ဓလေ့ရိုးရာ ယဉ်ကျေးမှုတွင် အသက်ကန့်သတ်ချက် မပါဝင်မှု အဆိုကို ထောက်ခံခဲ့ခြင်းသည် CEDAW နှင့် CRC ကို ချိုးဖောက်သည်ဟု အမျိုးသမီးရေး တက်ကြွဆောင်ရွက်သူများက ဆိုနေကြခြင်းဖြစ်သည်။ “စီဒေါအရရော ကလေးသူငယ် အခွင့်အရေးအရရော ကိုက်ညီမှုမရှိဘူး။ အမျိုးသမီးတွေကို ထိခိုက်နစ်နာစေတဲ့ ဓလေ့ထုံးတမ်း ဥပဒေကို ပယ်ဖျက်ပေးရမယ်” ဟု ဒေါ်မေစံပယ်ဖြူက ဆိုသည်။ နိုင်ငံတကာစာချုပ်များကို လက်မှတ်ရေးထိုးထားသည့် နိုင်ငံတခုအနေဖြင့် အမျိုးသမီးများကို ထိခိုက်စေမည့် ဓလေ့ထုံးတမ်းများကို ပယ်ဖျက်ပေးရန် တာဝန်ရှိကြောင်းလည်း ဒေါ်မေစံပယ်ဖြူက တိုက်တွန်းသည်။ ကလေးသူငယ် အခွင့်အရေးဆိုင်ရာ ကော်မတီက အရွယ်မတိုင်မီ (၁၈) နှစ်အောက် အိမ်ထောင်ပြုခြင်းသည် အန္တရာယ်ရှိသည်ဟု သတ်မှတ်ခဲ့သည်။ ကမ္ဘာတဝှမ်းတွင် အသက် (၁၈) နှစ်အောက် အိမ်ထောင်ပြုသည့် ယောက်ျားလေး အရေအတွက်မှာ (၅) ရာခိုင်နှုန်းသာရှိသည်။ ခန့်မှန်းချက်အရဆိုလျှင် ဖွံ့ဖြိုးဆဲနိုင်ငံများတွင် မိန်းကလေး (၃) ဦးတွင် (၁) ဦးမှာ အသက် (၁၈) နှစ်မတိုင်မီ အိမ်ထောင်ကျကြသည်ဟု Segri Socio-Economic & Gender Resource Institute ၏ ဒါရိုက်တာ ဒေါ်စန္ဒာသန့်က သူမ၏ လူမှုကွန်ရက်စာမျက်နှာတွင် ရေးသားထားသည်။ အခြားခန့်မှန်းချက်တခုမှာလည်း နှစ်စဉ် မိန်းကလေး (၁၀) သန်းသည် အရွယ်မတိုင်မီ အိမ်ထောင်ကျကြသည်။ ကမ္ဘာတဝှမ်းတွင် ကလေးသူငယ် သတို့သမီးပေါင်း (၆၇) သန်းကျော်ရှိသည်။ အချို့နိုင်ငံများတွင် မိန်းကလေးထက်ဝက်ကျော်သည် (၁၈) နှစ်မတိုင်မီ အိမ်ထောင်ကျကြသည်ဟု ဆိုသည်။ အရွယ်မတိုင်မီ အိမ်ထောင်ပြုခြင်းကြောင့် အမျိုးသမီးများနှင့် မိန်းကလေးငယ်များ၏ ကျန်းမာရေး ထိခိုက်မှုသည် အသက်ဆုံးရှုံးသည်အထိ အန္တရာယ်ဖြစ်စေနိုင်ကြောင်း၊ အရွယ်မတိုင်မီ လိင်ဆက်ဆံခြင်းကြောင့် လိင်မှတဆင့် ရောဂါကူးစက်ခြင်း အပါအဝင် ကျန်းမာရေးအန္တရာယ် များစွာကိုလည်း ဖြစ်ပေါ်စေကြောင်း အမျိုးသမီးအခွင့်အရေးနှင့် ကလေးသူငယ် အခွင့်အရေး ဆောင်ရွက်နေသူများက ဆိုကြသည်။ အရွယ်မတိုင်မီ ကိုယ်ဝန်ဆောင်ခြင်းကြောင့် မိခင်နှင့်ကလေး သေနှုန်းကိုလည်း မြင့်မားစေသည်ဟု ဒေါ်စန္ဒာသန့်၏ လူမှုကွန်ရက်စာမျက်နှာတွင် ရေးသားထားသည်။ မြန်မာနိုင်ငံသည် အရှေ့တောင်အာရှတွင် ကလေးမီးဖွားသည့်မိခင် သေနှုန်း အမြင့်မားဆုံးနိုင်ငံ ဖြစ်သည်။ အရွယ်မရောက်မီ (၁၈) နှစ်မပြည့်သေးသည့် အမျိုးသမီးငယ်များ အိမ်ထောင်ပြုခြင်းသည် ကျန်းမာရေးရှုထောင့်၊ စီးပွားရေးရှုထောင့်နှင့် လူမှုရေးရှုထောင့်တွင် ဆုံးရှုံးမှုများသာ ဖြစ်ပေါ်စေကြောင်း အမျိုးသမီးရေး တက်ကြွလှုပ်ရှားသူများက ပြောဆိုကြသည်။ ဥပဒေတရပ်ကို ပြုသည့်အခါ အများပြည်သူ၏ ကောင်းကျိုးကိုသာ ရည်ရွယ်ပြီး အကာအကွယ်ပေးရမည် ဖြစ်သဖြင့် ဥပဒေတရပ်သည် ပြည်သူအများအတွက် ဆိုးကျိုးဖြစ်နေပါက ပြန်လည်စဉ်းစား ပြင်ဆင်သင့်ကြောင်း ဒေါ်မေစံပယ်ဖြူက တိုက်တွန်းပြောဆိုလိုက်သည်။ ပြည်သူ့လွှတ်တော်က အတည်ပြုလိုက်သည့် ပြင်ဆင်ချက် (၁၂၉) ချက်ပါဝင်သည့် ကလေးသူငယ် အခွင့်အရေးဆိုင်ရာ ဥပဒေမှ လက်ထပ်ထိမ်းမြားခြင်းဆိုင်ရာနှင့် ပတ်သက်ပြီး  ပြန်လည်စိစစ်ကာ၊ ပြင်ဆင်ပေးရန် အမျိုးသမီးအခွင့်အရေး ဆောင်ရွက်သူများက တောင်းဆိုလိုက်သည်။ နန်းဆိုင်နွမ် (hiburma.net ဝက်ဘ်ဆိုက်မှ ပြန်လည်ဖော်ပြသည်။)
3 years Ago

September 28, 2018

လိင်စိတ်ကွဲပြားသူတွေရဲ့ ဂုဏ်သိက္ခာအတွက် တရားမျှတမှုကို အားပေးစို့

“တံခါးတွေ အလုံပိတ်ပြီး တခန်းလုံး အမှောင်ချထားတာ တွေးမိရင် ကြောက်နေတုန်းပဲ” လို့ မောင်အာကာ (အမည်လွှဲ) က တုန်ရီစွာ ပြောပါတယ်။ လွန်ခဲ့တဲ့ ဖေဖော်ဝါရီလကုန်ပိုင်းက မောင်အာကာတယောက် ဧရာဝတီတိုင်း၊ မြန်အောင်မှ ရန်ကုန်မြို့ရှိ မယ့်လိမ်လုံ (သူဌေးမကြီး) ရိုးရာစားသောက်ဆိုင်မှာ သူငယ်ချင်းတယောက်ရဲ့ အကူအညီကြောင့် တလ ၈ သောင်းကျပ်နဲ့ အလုပ်ဝင်လုပ်ခဲ့ပါတယ်။ နယ်မှာနေထိုင်သူတယောက်အနေနဲ့ စရိတ်ငြိမ်း ၈ သောင်းကျပ်ဟာ အလွန်များနေတဲ့အတွက် ဝမ်းသာအားရနဲ့ အလုပ်ဝင်ခဲ့ခြင်းဖြစ်တယ်လို့ ဆိုပါတယ်။ သူဟာ မိခင်ဖြစ်သူကို လျှပ်စစ်မီတာ တပ်ဆင်ပေးလိုစိတ်၊ ညီမလေးကို ကျောင်းထားပေးလိုစိတ်တွေနဲ့ ရန်ကုန်ကိုတက်လာပြီး အလုပ်ဝင်လုပ်ခဲ့တာ ဖြစ်ပါတယ်။ “အခုလို ဖြစ်သွားမယ်လို့ မထင်ခဲ့ဘူး။ အမေ့ကို လျှပ်စစ်မီးမီတာ ဆွဲပေးချင်တယ်။ ကျနော့်ညီမလေးကို ပညာတတ် ဖြစ်စေချင်တယ်။ ကျနော့်အမေကိုလည်း အကောင်းဆုံး ထားပေးချင်တယ်” လို့ သူက စိတ်မကောင်းစွာ ပြောပြပါတယ်။ အလုပ်စဝင်ချိန်က မယ့်လိမ်လုံဆိုင်ပိုင်ရှင် အောင်မျိုးထွဋ် (ခ) အက်ဒီချမ်းမှ သူ့အား နှိပ်နယ်ပေးရန် ခေါ်ပါက သူ့အခန်းထဲသို့ လာရောက်နှိပ်နယ်ပေးရမယ်လို့ ပြောဆိုခဲ့ကြောင်း (မောင်) အာကာက ပြန်လည်ပြောပြပါတယ်။ “ကျနော့်ကို မတ်လ ၅ ရက်နဲ့  ၆ ရက်မှာ သူ့ကိုနှိပ်ပေးဖို့ လှမ်းခေါ်တယ်။ ကျနော်သွားခဲ့တယ်။ ဒါပေမယ့် သူက သူ့လိင်တံကို ပါးစပ်နဲ့လုပ်ခိုင်းတယ်။ ကျနော်လည်း ကြောက်လို့ လုပ်ပေးလိုက်တယ်” လို့ ဖြစ်ပျက်ခဲ့တာကို ဝမ်းနည်းစွာ ပြန်ပြောပြပါတယ်။ ဒီလိုပြုလုပ်ပေးတဲ့အတွက် ၅ ထောင်ကျပ် ၂ ကြိမ်ပေးခဲ့ပြီး မည်သူ့ကိုမျှ ပြန်မပြောဖို့ အက်ဒီချမ်းက ပြောခဲ့တယ်လို့ (မောင်)အာကာက ပြောပါတယ်။ မတ်လ ၇ ရက်နေ့မှာတော့ မယ့်လိမ်လုံဆိုင်ရဲ့ မန်နေဂျာ မဟန်နာမှတဆင့် ထပ်မံခေါ်ခဲ့ပါတယ်။ အဲဒီနေ့ကတော့ သူ့အတွက် ကြမ္မာဆိုးဝင်တဲ့နေ့ပါ။ “အဲဒီနေ့က အခန်းတံခါးကို ဖွင့်ဝင်လိုက်တော့ တခန်းလုံး မှောင်မည်းနေတယ်။ နောက် သူ့ကိုယ်ပေါ်မှာ တဘက်တထည်ပဲ ခြုံထားတယ်။ ကျနော့်ကို တံခါးလော့ချခိုင်းတယ်။ ပြီးတော့ သား ဒီချမ်းရဲ့ဆန္ဒကို လိုက်လျောပေးပါ” လို့ တောင်းဆိုတယ်လို့ ဖြစ်ခဲ့တာကို တုန်ရီစွာ ပြောပြခဲ့ပါတယ်။ ဆက်လက်ပြီး (မောင်)အာကာက “အဲဒီချိန်က ကျနော်က ကြောက်တယ်။ အတွေ့အကြုံမရှိဘူးလို့ ပြောလိုက်တယ်။ သူက လက်ညှိုးလောက်ရှိတဲ့ ရှူဆေးဘူးကို နှာခေါင်းမှာ ဘယ်ရောညာရောတေ့ပြီး ပြင်းပြင်းရှူလိုက်ပါလို့ ပြောတယ်။ ကျနော်လည်း ဘာမှန်းမသိဘူး၊ ရှူလိုက်တယ်။ အသားတွေပူလာတယ်။ မူးလာတယ်။ အဲဒီမှာ သူ စိတ်ကြိုက်လုပ်တယ်။ ခံရခက်တယ်။ ဆေးကြောင့် သိနေပေမယ့် ရုန်းလို့မရဘူး။ ကျနော့်လက် ၂ ဖက်ကိုကိုင်ပြီး လုပ်တယ်။ သူကြိုက်သလို လုပ်ခဲ့တယ်” လို့ ခံခဲ့ရတာတွေကို ပြန်ပြောပြတယ်။ အဲဒီလို အတင်းအဓမ္မ ပြုကျင့်နေချိန်မှာ တစုံတရာ ရုန်းကန်လို့မရအောင် ခန္ဓာကိုယ်က ရှူဆေးအရှိန်နဲ့ အားပျော့နေသလို မိမိကို အန္တရာယ်ပြုမှာကိုလည်း စိုးရိမ်နေတယ်လို့ (မောင်) အာကာက ဆိုပါတယ်။ “အစကတော့ ငါ့ဘဝ ငါ့ဝဋ်ကြွေးရှိလို့ ခံရတယ်။ ဒီကနေ ထွက်သွားမယ်လို့ပဲ ဖြေသိမ့်ခဲ့တယ်” လို့ သူက ဆက်ပြောပါတယ်။ ဒါပေမယ့် ဒီလို မတရားလုပ်ခံရသူတယောက် အနေနဲ့ နှုတ်ပိတ်ပြီး ထွက်သွားမယ်ဆိုရင်လည်း အခြား လက်အောက်ငယ်သားတွေကို ဒီလိုပြုမူတာတွေ ဆက်ဖြစ်လာနိုင်တဲ့အတွက် အမှုဖွင့်ခဲ့ပါတယ်လို့ သူကပြောပါတယ်။ ဒီဖြစ်စဉ်နဲ့ပတ်သက်ပြီး ဓမ္မတာနဲ့ဆန့်ကျင်တဲ့ လိင်တူကျူးလွန်မှုများ ပြုလုပ်ခဲ့တယ်လို့ စွပ်စွဲတိုင်ကြားခံရတဲ့ ကိုအောင်မျိုးထွဋ် ခေါ် အက်ဒီချမ်းကို ဓမ္မတာနှင့် ဆန့်ကျင်သည့် အဓမ္မမှု ပုဒ်မ ၃၇၇ နဲ့ အမှုဖွင့်ကာ ၂၀၁၈ ခုနှစ်၊ မတ်လ ၉ ရက်နေ့မှာ ဖမ်းဆီးထိန်းသိမ်းခဲ့ပါတယ်။ လိင်တူမုဒိမ်းမှုဆိုတာ မြန်မာနိုင်ငံမှာတော့ ထူးဆန်းတဲ့အမှုတခုဖြစ်ပြီး ဒီလိုအမှုလိုမျိုး ဖြစ်လာရင် တိုင်ကြားမှုလည်း သိပ်မရှိဘူးလို့ သိရပါတယ်။ “အခန်းထဲကနေ ထွက်လာတဲ့အချိန်မှာ သူပြန်ပြောပြတော့ ကျမ အံ့သြသွားတယ်။ သားကို ဒီလိုပြုကျင့်လိုက်တယ်ဆိုတော့ အဲဒီမှာ ကျမက ကွန်ဒုံသုံးလားမေးတော့ မသုံးဘူးဆိုတာနဲ့ ကျမ အရမ်းလန့်သွားတယ်” လို့ (မောင်)အာကာရဲ့ အဖြစ်အပျက်ကို ပထမဆုံး အသိပေးခဲ့တဲ့ မယ့်လိမ်လုံမန်နေဂျာ မဟန်နာက ပြန်ပြောပြပါတယ်။ သူလန့်သွားရတဲ့ အကြောင်းကတော့ အက်ဒီချမ်းဟာ နိုင်ငံတကာ HIV/AIDS နဲ့ပတ်သက်တဲ့ NGO အဖွဲ့အစည်းများမှာ လုပ်ကိုင်ဆောင်ရွက်ခဲ့သူဖြစ်ပြီး သူကိုယ်တိုင်လည်း HIV ဝေဒနာရှင်တဦးဖြစ်လို့ပါလို့ မဟန်နာက ပြောခဲ့ပါတယ်။ “ကျမ ချက်ချင်းသတိရလိုက်တာ သူ့မှာ အေအိုင်ဒီအက်စ်ရှိတယ် ဆိုတာပဲ။ သူကိုယ်တိုင်လည်း ပြောပြထားတယ်။ သူကိုယ်တိုင်လည်း ဆေးသောက်နေရတယ်” လို့ မဟန်နာက ဆိုပါတယ်။ လိင်တူပြုကျင့်ခံရသူ (မောင်)အာကာကို ရောဂါကူးစက်ခံရခြင်းရှိမရှိ စစ်ဆေးကာ ဆေးသောက်နိုင်ဖို့အတွက် ပြုလုပ်ပေးနေရတယ်လို့ မဟန်နာက ဆက်လက်ပြောပြပါတယ်။ “သူအိမ်ပြန်သွားရင် ရောဂါကူးသွားသလား၊ မကူးဘူးလားဆိုတာ မသိနိုင်ဘူး။ ပိုက်ဆံရှိတဲ့သူတွေ အတွက်တော့ ကောင်းကောင်းစား၊ ကောင်းကောင်းသောက်ပြီး ထိန်းနိုင်တယ်။ ဆေးစားနိုင်ပြီးတော့ ထိန်းနိုင်ပေမယ့် သူကတော့ ဒီလိုနေနိုင်မှာမဟုတ်တော့ ခဏလေးနဲ့ ဒုက္ခရောက်သွားနိုင်တယ်” လို့ မဟန်နာက ဆိုပါတယ်။ ဒီလိုအမှုမျိုး မကြုံဘူးလို့ ဘယ်မှာတိုင်ကြားရမယ်ဆိုတာကို နားမလည်တဲ့အတွက် ချက်ချင်း အမှုမဖွင့်နိုင်ခဲ့ဘူးလို့လည်း မဟန်နာက ရှင်းပြပါတယ်။ “ဖြစ်ဖြစ်ချင်း ဆေးစစ်ခဲ့မယ်ဆိုရင် ဆေးစစ်တာ တခုခုတော့ ကျန်ခဲ့နိုင်တယ်။ ဖြစ်ပြီး ၂ ရက်ကွာမှ သွားတိုင်တာတွေ၊ ဆေးစစ်တာတွေ လုပ်ရတယ်” လို့ သူမက ပြောပါတယ်။ ဒီအမှုနဲ့ပတ်သက်ပြီး အားနည်းတဲ့ (မောင်)အာကာဘက်မှ အမှန်တရားအတိုင်းဖြစ်ဖို့ ဆက်လက်ကူညီသွားမယ်လို့လည်း မဟန်နာက ဆက်လက်ပြောပြခဲ့တယ်။ လက်ရှိ မယ့်လိမ်လုံစားသောက်ဆိုင်ပိုင်ရှင်မှ အလုပ်သမား အမျိုးသားကို လိင်တူမုဒိမ်းမှု ပြုကျင့်တဲ့အမှုဟာ ၂၀၁၀ ခုနှစ်နောက်ပိုင်း ပထမဆုံးကြားဖူးတဲ့ အမှုဖြစ်ပြီး LGBT များအနေနဲ့ ပွင့်ပွင့်လင်းလင်းဖြင့် မိမိတို့ဘဝမှာ နေထိုင်စေချင်ကြောင်း၊ အလိုမတူဘဲ အတင်းအကျပ် ပြုလုပ်ခြင်းဟာ ရာဇဝတ်မှုဖြစ်ကြောင်း LGBT အရေး ဆောင်ရွက်နေသူ မရှင်းသန့်က ပြောပါတယ်။ လိင်တူချစ်သူ (LGBT) ဆိုတာ အမျိုးသမီးချင်း ချစ်ခင်စုံမက်သူများ (Lesbian)၊ အမျိုးသားချင်း ချစ်ခင်စုံမက်သူများ (Gay)၊ အမျိုးသား၊ အမျိုးသမီး နှစ်မျိုးစလုံးကို ချစ်ခင်စုံမက်သူများ (Bisexual)၊ ဆန့်ကျင်ဘက်လိင်သို့ ပြောင်းလဲခွဲစိတ်ထားသူများ (Transgender) ကို ခေါ်ဆိုတာဖြစ်ပါတယ်။ အခုလို လိင်တူမုဒိမ်းမှုနဲ့ ပတ်သက်ပြီး မရှင်းသန့်က “ဂယက်ကတော့ လူဝေဖန်စရာ ဖြစ်တာပေါ့။ မိမိပြုသောကံ ပဲ့တင်သံ မိမိထံသာ ပြန်လာမှာပါ။ ဂုဏ်ရှိစွာနေသူများအဖို့ လူ့ဂုဏ်သိက္ခာ ရမှာပါ။ အနေမတတ်သူတွေကတော့ ဒီကိစ္စကြောင့်မဟုတ်လည်း တနည်းနည်းနဲ့ လူအထင်သေးခံရမှာပါ” လို့ ဆိုပြန်ပါတယ်။ လူ့အခွင့်အရေး တက်ကြွလှုပ်ရှားသူတဦးလည်းဖြစ်ပြီး Equality Myanmar လို့ခေါ်တဲ့ ညီမျှခြင်းမြန်မာအဖွဲ့က ဒါရိုက်တာလည်းဖြစ်တဲ့ ဦးအောင်မျိုးမင်းက “အမျိုးသားကိုပဲဖြစ်ဖြစ်၊ အမျိုးသမီးကိုပဲဖြစ်ဖြစ် ဆန္ဒမပါဘဲ လိင်ပိုင်းဆိုင်ရာ စော်ကားမှု၊ အကြမ်းဖက်မှု၊ အားလုံးကို ရှုတ်ချပါတယ်။ ကျူးလွန်တဲ့သူက ယောက်ျားပဲဖြစ်ပါစေ၊ မိန်းမပဲဖြစ်ပါစေ၊ ဆန္ဒမပါဘဲ လုပ်ဆောင်မှုက လိင်ပိုင်းဆိုင်ရာ ကြီးလေးသောပြစ်ဒဏ် ဖြစ်တယ်လို့ ကျနော်တို့ ပြောထားပါတယ်”  လို့ ပြောပါတယ်။ လက်ရှိမှာ မယ့်လိမ်လုံ စားသောက်ဆိုင်ပိုင်ရှင် ကျူးလွန်ခံရတယ်လို့ စွပ်စွဲခံထားရတဲ့အမှုနဲ့ ပတ်သက်ပြီး သက်သေအထောက်အထား ခိုင်လုံကာ စီရင်ချက်ချရင်လည်း တိကျခိုင်မာပြီး  ထိုက်သင့်တဲ့ စီရင်ချက် ချမှတ်နိုင်မလားဆိုတာ စောင့်ကြည့်နေကြောင်း ဦးအောင်မျိုးမင်းက ပြောဆိုပါတယ်။ “ကျနော်တို့ LGBT လို့ခေါ်တဲ့ လိင်စိတ်ကွဲပြားတဲ့သူတွေကို လူတွေက နဂိုကတည်းက အထင်သေးတဲ့စိတ်တွေ ရှိပြီးသားပါ။ ရုပ်ရှင်တွေ၊ ဗွီဒီယိုတွေ၊ အငြိမ့်ပြက်လုံးတွေကလည်း လိင်ပိုင်းဆိုင်ရာ မထိန်းနိုင်၊ မသိမ်းနိုင်ဖြစ်တဲ့သူတွေအဖြစ် တင်ပြဖော်ပြကြတယ်။ ဒီလိုအစွဲရှိတဲ့ကိစ္စမျိုးမှာ အခုလိုမျိုး ကိုယ့်ရဲ့ဆိုင်က လက်အောက်ငယ်သားတယောက်ကို အခွင့်ကောင်းယူတာ အမှန်ဖြစ်ရင် နဂိုကမှ အထင်သေးချင်တဲ့စိတ်တွေ၊ ပုံစံခွက်တွေ၊ အဆိုးမြင်တဲ့ စိတ်တွေကို အင်္ဂတေလောင်းလိုက်သလို ပိုပြီးခိုင်မာသွားစေမှာ ဖြစ်ပါတယ်” လို့ ဦးအောင်မျိုးမင်းက မှတ်ချက်ပြုလိုက်ပါတယ်။ လိင်တူချစ်သူများကို လူသားအဖြစ် ဂုဏ်သိက္ခာရရှိဖို့၊ အသိအမှတ်ပြုဖို့၊ လိုအပ်နေချိန်မှာ အခုလို ဂုဏ်သိက္ခာမဲ့တဲ့အမှုကို အမှန်တကယ် ကျူးလွန်ခဲ့ပါက LGBT အရေး တောင်းဆိုလှုပ်ရှားမှုများ၊ လှုပ်ရှားနေသူများအတွက် အနည်းနဲ့အများ ထိခိုက်မှု ရှိလာနိုင်ကြောင်းလည်း လူ့အခွင့်အရေး ပညာပေးမှုများ လုပ်ဆောင်နေသူ ဦးအောင်မျိုးမင်းက ထောက်ပြ ပြောဆိုပါတယ်။ “လိင်တူကျူးလွန်တဲ့ မုဒိမ်းမှုတွေမှာ တိုင်ကြားမှုတွေက ရှိတော့ရှိတယ်။ အများမသိတာ နောက်တခုက တရားစီရင်တဲ့ အဆင့်အထိ မရောက်ဘဲ ငွေကြေးအရ တရားမမှုနဲ့ ဖြေရှင်းလိုက်တဲ့ သဘောမျိုးတွေ ရှိနိုင်တယ်။ အရင်ကတည်းက ဒါမျိုးတွေရှိတယ်။ ဒါပေမယ့် အားလုံးသိတဲ့၊ အခုလို ကျော်ကြားတဲ့ အမှုတော့ မရှိပါဘူး” လို့လည်း ဦးအောင်မျိုးမင်းက ပြောပါတယ်။ ဆက်လက်ပြီး ဦးအောင်မျိုးမင်းက “ဘယ်သူက ဘယ်သူ့ကိုပဲ ကျူးလွန်ကျူးလွန် လိင်ပိုင်းဆိုင်ရာ စော်ကားမှုက လိင်ပိုင်းဆိုင်ရာ စော်ကားမှု ဖြစ်တယ်။ ဘယ်သူမှ လက်ခံလို့မရဘူး။ အဲဒါကြောင့် ဥပဒေအရ ၃၇၆ အရ အရေးမယူနိုင်သေးရင်တောင် ၃၇၇ နဲ့ အရေးယူမှု ပေါ်လာတာပါ” လို့ ဆိုပြန်ပါတယ်။ အက်ဒီချမ်းဟာ ART ဆေး သောက်နေရလို့ဆိုပြီး အာမခံလျှောက်ထားခဲ့ပေမယ့် တောင်ဥက္ကလာပမြို့နယ် တရားရုံးက မေလ ၂ ရက်နေ့မှာ သူ့အမှုဟာ ထောင်ဒဏ်အနှစ် ၂၀ အထိ ချမှတ်နိုင်တဲ့ ပုဒ်မဖြစ်လို့ အာမခံပေးလို့ မရတဲ့အမှု ဖြစ်တဲ့အတွက် သူ့ရဲ့လျှောက်ထားမှုကို ပယ်ချခဲ့ပါတယ်။ “ကျူးလွန်သူကလည်း ဒါမျိုးမပြုလုပ်သင့်ဘူးဆိုတဲ့ အသိရှိဖို့ လိုအပ်သလို ခံရတဲ့သူကလည်း ဒါမျိုးဖြစ်လာရင် တရားဥပဒေအတိုင်း ရင်ဆိုင်ပြီး ထိခိုက်နစ်နာမှု ဆက်မဖြစ်အောင်၊ နောက် တိတ်တိတ်ဆိတ်ဆိတ်နေခြင်းကြောင့် နောက်ထပ်ဖြစ်လာမယ့်ပုံစံကို အားပေးအားမြှောက်လုပ်သလို မဖြစ်အောင် သတိပြုကြပါ။ တရားဥပဒေအရ ပြန်ပြီးတော့ ဖြေရှင်းကြပါ” လို့ ဦးအောင်မျိုးမင်းက တိုက်တွန်းလိုက်ပါတယ်။ လိင်တူမုဒိမ်းမှုနဲ့ပတ်သက်ပြီး ကျူးလွန်ခံရသူ အသက် ၂၂ နှစ်အရွယ် မယ့်လိမ်လုံ စားသောက်ဆိုင် အလုပ်သမားကို “ယောက်ျားတန်မဲ့ ငြိမ်ခံနေရလား၊ ပိုင်ရှင်ဆီက ငွေကြေးလိုချင်လို့လား” ဆိုတဲ့ ပြစ်တင်ရှုတ်ချမှုများလည်း လူမှုကွန်ရက် စာမျက်နှာတွေမှာ တွေ့မြင်ရပါတယ်။ “ကိုယ်ဖြစ်တာ ကိုယ်ပဲသိတယ်။ ပတ်ဝန်းကျင်ကတော့ ကဲ့ရဲ့မှာ သိတယ်။ ပြောကြမှာပဲ။ ကျနော်ခံရတာ ကျနော်ပဲသိတယ်။ စစချင်းဖြစ်တော့ ရဲစခန်းကအစ အမှုကို လက်မခံပေးဘူး” လို့လည်း (မောင်)အာကာက ထပ်လောင်းဆိုပါတယ်။ ကျူးလွန်ခံခဲ့ရသူ (မောင်)အာကာဟာ ငွေကြေးမပြည့်စုံမှုကြောင့် အမှုရင်ဆိုင်တဲ့နေရာမှာ အခက်အခဲမျိုးစုံ ရှိနေပြီး အမှုမှန်မပေါ်ပေါက်မှာကိုလည်း စိုးရိမ်နေရတယ်လို့လည်း ရင်ဖွင့်ပါတယ်။ “စိုးရိမ်မှုတွေ ရှိပါတယ်။ ဒါပေမယ့် ကျနော် ဆက်ပြီးရင်ဆိုင်မယ်။ ကျနော့်မှာ ငွေကြေးမပြည့်စုံပေမယ့်လည်း ဆက်ရင်ဆိုင်မယ်။ ဥပဒေအတိုင်း ဆက်သွားမယ်” လို့ မျှော်လင့်ချက်တစုံတရာနဲ့ သူက ပြောပြပါတယ်။ မယ့်လိမ်လုံ စားသောက်ဆိုင်ပိုင်ရှင်ဘက်မှ ငွေကြေးလာရောက်ပေးခဲ့သော်လည်း လက်မခံခဲ့ကြောင်း၊ အမှုကျေအေးပေးသွားမှာ မဟုတ်ဘဲ တရားဥပဒေအရသာ ဆက်လက်ရင်ဆိုင်သွားမယ်လို့ (မောင်)အာကာက ဆိုပါတယ်။ “ကျနော်ကတော့ ကျေအေးပေးမှာမဟုတ်ဘူး။ ကျနော် ကလဲ့စားချေတာတော့ မဟုတ်ဘူး။ ကျနော်ခံစားသလိုတော့ ပြန်ခံစားစေချင်တယ်” လို့ သူဖြစ်စေချင်တာကို ပြောပါတယ်။ လာမယ့်လမှာ AIDS ကူးစက်ခံရမှု အခြေအနေ ရှိမရှိ ဆေးစစ်မှုကို ထပ်မံပြုလုပ်သွားမှာဖြစ်ပြီး လက်ရှိမှာတော့ ရောဂါမကူးစက်နိုင်အောင် ဆေးများသောက်သုံးနေရကြောင်း သူက စိုးရိမ်ပူပန်စွာ ထပ်ပြောပြတယ်။ “အခုဆိုရင် ကျနော့်စိတ်ကို ကျနော် ပြန်ကုစားနေရတယ်။ တရားထိုင်တယ်။ ကွန်ပျူတာတွေ လေ့လာတယ်။ ကိုယ့်ကိုယ်ကိုယ် အားပေးမှုတွေ ပြန်လုပ်နေရတယ်” လို့ ညှိုးငယ်စွာ ပြောပြနေသူကတော့ (မောင်)အာကာပဲ ဖြစ်ပါတယ်။ နန်းဆိုင်နွမ် (hiburma.net ဝက်ဘ်ဆိုက်မှ ပြန်လည်ဖော်ပြသည်။)
3 years Ago
More News
Up