နဒဲလ်

November 16, 2020

မက်ဆီနှင့်အတူ ချန်ပီယံလိဂ်ဖလားထပ်ရရန် ဘာစီလိုနာ ဥက္ကဋ္ဌလောင်း နဒဲလ်မျှော်လင့်

မက်ဆီအနေနဲ့ ဘာစီလိုနာအသင်းနဲ့အတူ နောက်ထပ်ချန်ပီယံလိဂ်ဆုဖလား ကိုင်မြှောက်နိုင်ဖို့ မျှော်လင့်တယ်လို့ တင်းနစ်အကျော်အမော် ရာဖေးနဒဲလ်က ပြောပါတယ်။ မက်ဆီဟာ အခုနှစ် နွေရာသီကာလက အသင်းပြောင်းရွှေ့ဖို့ ပြင်ဆင်ခဲ့ပေမယ့် ဘာစီလိုနာအသင်းက လျော်ကြေး တောင်းဆိုခဲ့တာကြောင့် အဆင်မပြေဖြစ်ခဲ့ရတာပါ။ ဘာစီလိုနာအသင်းဥက္ကဋ္ဌရာထူးအတွက် လျှောက်ထားရာမှာပါဝင်ခဲ့တဲ့နဒဲလ်ဟာ ဘာစီလိုနာနဲ့ မက်ဆီကို အားပေးတဲ့ ပရိသတ်တစ်ဦး ဖြစ်ပါတယ်။ မက်ဆီရဲ့ ခြေစွမ်းက အမြဲတမ်းအကောင်းဆုံးဖြစ်နေတယ်လို့ ခံစားမိပြီး အသင်းမှာ ဆက်ရှိအောင် လုပ်ဆောင်နိုင်မယ်ဆိုတာ သေချာမသိပေမယ့် အသင်းမှာဆက်ရှိဖို့ ကြိုးပမ်း မယ်လို့ နဒလ်ကပြောပါတယ်။  ပရိသတ်တွေဘက်က အခွင့်အရေးပေးဖို့မျှော်လင့်ပြီး မက်ဆီကို နောက်ထပ် ချန်ပီယံလိဂ်ဆုဖလားတစ်လုံးနဲ့ အတူမြင်တွေ့ချင်တယ်လို့ နဒဲလ်ကပြောပါတယ်။  နောက်ထပ် ဘလွန်းဒီအော ဆုထပ်မံရယူပြီး စိတ်လူပ်ရှားစရာ စီမံကိန်းတစ်ခု လုပ်ဆောင်သွားမယ်လို့ နဒဲလ်က ပြောပါတယ်။
6 months Ago

May 26, 2020

ကမ္ဘာ့တင်းနစ် အနာဂတ်နှင့်ပတ်သက်၍ ဖက်ဒရာ၊ နဒဲလ်တို့နှင့် ဆွေးနွေးခဲ့ဟု ဂျိုကိုဗစ်ပြော

ကိုရိုနာဗိုင်းရပ်စ် ကပ်ဘေးကာလအတွင်းမှာ တင်းနစ်အနာဂတ်နဲ့ ပတ်သက်လို့ ရောဂျာဖက်ဒရာ၊ နဒဲလ်တို့နဲ့ ဆွေးနွေးခဲ့တယ်လို့ ဂျိုကိုဗစ်က ပြောပါတယ်။  ဘောလ်ကန်ဒေသရန်ပုံငွေ တင်းနစ်ပြိုင်ပွဲအတွက် ပြုလုပ်တဲ့ သတင်းစာရှင်းလင်းပွဲမှာ  ကမ္ဘာ့နံပါတ်တစ် တင်းနစ်သမား ဂျိုကိုဗစ်က ပြောခဲ့တာပါ။  ဗိုင်းရပ်စ်ကာလအတွင်း ဖက်ဒရားနဲ့ နဒဲလ်တို့ကို ပုံမှန်အချိန်တွေထက် စကားပိုပြောဖြစ်ခဲ့ပြီး ဗိုင်းရပ်စ်အကျပ်အတည်းက ကမ္ဘာ့တင်းနစ်လောကနဲ့ စီးပွားရေး အခြေအနေကို ထိခိုက်နိုင်တဲ့ အကြောင်းတွေကို ဆွေးနွေးခဲ့တယ်လို့ ဂျိုကိုဗစ်က ပြောပါတယ်။  ဒါ့အပြင် ATP  အဆင့်သတ်မှတ်ချက် နိမ့်ပါးတဲ့ ကစားသမားတွေရဲ့ ဘဏ္ဍာရေး အခက်အခဲတွေနဲ့ပတ်သက်ပြီးလည်း ဆွေးနွေးခဲ့ကြတယ်လို့ ဂျိုကိုဗစ်က ပြောပါတယ်။  ဂျိုကိုဗစ်ဟာ ဇွန်လ ၁၃ ရက်ကနေ ဇူလိုင် ၅ ရက်အထိ ဘောလ်ကန်ဒေသနိုင်ငံတွေ ဖြစ်တဲ့ ဆားဘီးယား၊ ခရိုအေးရှား၊ မွန်တီနီဂရိုး၊ ဘော့စနီးယားနိုင်ငံတွေမှာ တင်းနစ်ဖိတ်ခေါ်ပွဲတွေ ကျင်းပပြီး ဒေသခံတွေအတွက် အလှူငွေရရှိဖို့  ဦးဆောင်စီစဉ်နေတာ ဖြစ်ပါတယ်။
12 months Ago
Up