နည်းပြ

January 18, 2021

အက်သလက်တီကို B အသင်းနည်းပြအဖြစ် တောရက်စ် တာဝန်ယူမည်

စပိန်တိုက်စစ်မှူးဟောင်း ဖာနန်ဒိုတောရက်စ်ဟာ အက်သလက်တီကိုမက်ဒရစ် B အသင်း နည်းပြအဖြစ် ခန့်အပ်ခံရပါတယ်။ အသက် ၃၆ နှစ်ရှိပြီဖြစ်တဲ့ လီဗာပူးနဲ့ ချဲလ်ဆီး တိုက်စစ်မှူးဟောင်း တောရက်စ်ဟာ ၂၀၁၉ ခုနှစ်က ကစားသမားဘဝကနေ အနားယူခဲ့တာပါ။ အက်သလက်တီကိုမှာ ကစားခဲ့ပြီး ဂျပန်ကလပ် ဆာဂမ်တိုဆူအသင်းမှာ ကစားပြီး ကစားသမားဘဝကနေ အနားယူခဲ့တာပါ။ စပိန်သတင်းစာ မာကာရဲ့ အဆိုအရ တောရက်စ်ဟာ လူငယ်နည်းပြချုပ် ရစ်ကီအလွန်ဆိုရဲ့ နည်းပြအဖွဲ့စာရင်းမှာ ပါဝင်ခဲ့ပြီးနောက် အက်သလက်တီကိုဘီအသင်း နည်းပြအဖြစ် တာဝန်ပေးခံခဲ့ရတာလို့ သိရပါတယ်။ တောရက်စ်ဟာ ကစားသမားဘဝက နာမည်ကြီးနည်းပြတွေဖြစ်တဲ့ ဒယ်ဘော့စကေး၊ ဘင်နီတက်ဇ်၊ မော်ရင်ဟို အစရှိတဲ့နည်းပြတွေရဲ့ လက်အောက်မှာ ပါဝင်ကစားခဲ့ပါတယ်။
4 months Ago

September 28, 2020

၂ ပွဲဆက်ရှုံးနိမ့်ခဲ့သဖြင့် နည်းပြ ဒေးဗစ်ဝါနာကို ရှော်ကေးအသင်း ထုတ်ပယ်

ဘွန်ဒက်စ်လီဂါအဖွင့် ၂ ပွဲဆက်တိုက်ရှုံးပွဲတွေ့ခဲ့တဲ့ ရှော်ကေးအသင်းဟာ နည်းပြချုပ် ဒေးဗစ်ဝါနာကို ရာထူးကနေ ထုတ်ပယ်လိုက်ပါတယ်။  ရှော်ကေးအသင်းဟာ အဖွင့်ပွဲစဉ်မှာ ဘိုင်ယန်မြူးနစ်အသင်းကို ၈ ဂိုး ဂိုးမရှိနဲ့ ရှုံးနိမ့်ခဲ့သလို  စက်တင်ဘာ ၂၆ ရက်ညက ကစားခဲ့တဲ့ ပွဲစဉ်မှာလည်း ဝါဒါဘရီမင်ကို ၃ ဂိုး ၁ ဂိုးနဲ့ရှုံးနိမ့်ခဲ့တာပါ။  ပြီးခဲ့တဲ့ နှစ်ကတည်းက ရလဒ်တွေ တောက်လျှောက် ဆိုးရွားခဲ့တဲ့ ရှော်ကေးဟာ နည်းပြ ဝါနာလက်ထက်မှာ နောက်ဆုံး ၁၈ ပွဲဆက်တိုက် နိုင်ပွဲပျောက်ဆုံးခဲ့ပါတယ်။  အသက် ၄၈ နှစ်ရှိ အမေရိကန်နည်းပြ ဝါနာဟာ ၂၀၁၉ ခုနှစ်က အင်္ဂလန်ကလပ် ဟတ်ဒါဖီးလ်တောင်းကနေ ပြောင်းရွှေ့လာခဲ့တာ ဖြစ်ပါတယ်။  ဝါနာဟာ ရှော်ကေးနဲ့အတူ စုစုပေါင်း ပွဲ ၄၀ မှာ ၁၂ ပွဲနိုင် ၁၂ ပွဲသရေ၊ ၁၆ ပွဲရှုံးခဲ့ပြီး နိုင်ပွဲ ရာခိုင်နှုန်း ၃၀ ပဲ ရှိခဲ့တာဖြစ်ပါတယ်။  
8 months Ago
More News
Up