ဓားထိုးမှု

October 6, 2018

ဘော်ဒါဆောင်နေ ၁၀ တန်းကျောင်းသား အချင်းချင်း စကားများပြီး ဓားထိုးမှုဖြစ်ပွား

မန္တလေးတိုင်းဒေသကြီး၊ ဝမ်းတွင်းမြို့နယ်၊ သဲတောမြို့ ဘော်ဒါဆောင်တခုမှာ စာသင်မယ့် ဆရာအလာကို စောင့်ရင်း ၁၀ တန်း ကျောင်းသား အချင်းချင်း စကားများရာကနေ ဓားထိုးမှုဖြစ်ပွားခဲ့ပါတယ်။ စာသင်ခုံကို ကျောမှီလိုက်ရာကနေ စကားများရန်ဖြစ်ပြီး မောင်အောင်ကိုကိုက မောင်ရဲလင်းကို ဓားနဲ့ ထိုးခဲ့တာလို့ ဝမ်းတွင်းမြို့မရဲစခန်းက သိရပါတယ်။ ဒဏ်ရာရရှိတဲ့ မောင်ရဲလင်းကိုတော့ မန္တလေးဆေးရုံကို ပြောင်းရွှေ့ပို့ဆောင်ထားပြီး ဓားဒဏ်ရာသက်သာနေပြီလို့ ဒုပညာရေးမှူး ဦးကျော်မြင့်ကပြောပါတယ်။ ဝမ်းတွင်းမြို့မရဲစခန်းမှာ မောင်အောင်ကိုကိုကို ပြတ်ရှချွန်ထက်တဲ့လက်နက်နဲ့ ပြင်းထန်နာကျင်စေမှု ရာဇသတ်ကြီးပုဒ်မ ၃၂၆ နဲ့ အမှုဖွင့်အရေးယူထားပါတယ်။ သတင်း-မောင်မောင်လင်း(ဝမ်းတွင်း)
3 years Ago

July 3, 2018

လာအိုကာစီနိုရုံတွင် အလုပ်လုပ်ရန်သွားသည့် မြန်မာ ၂ ဦး စကားများပြီး ဓားထိုးမှုဖြစ်ပွား

ရွှေတြိဂံဒေသ လာအိုနိုင်ငံဘက်ခြမ်းက ကာစီနိုလောင်းကစားရုံတွေမှာ အလုပ်လုပ်ဖို့ သွားရောက်တဲ့ မြန်မာအချင်းချင်း ဇူလိုင် ၂ ရက် ညနေပိုင်းက ဇယ်တောက်ရင်း စကားများရာက ဓားထိုးမှု ဖြစ်ပွားခဲ့ပါတယ်။ လာအိုဘက်ခြမ်းက China Town ကို သွားရောက်အလုပ်လုပ်ကိုင်ဖို့ ရောက်ရှိနေတဲ့ မြန်မာနိုင်ငံသား ၂ ဦး စကားများ ရန်ဖြစ်ပြီး ဓားထိုးမှု ဖြစ်ပွားခဲ့တဲ့အတွက် မယ်ခေါင်မြစ်ကူး သယ်ယူလာပြီး အခုလက်ရှိ တာချီလိတ်ပြည်သူ့ဆေးရုံကို ဆေးကုသဖို့ ရောက်ရှိနေပါတယ်။ လာအိုနိုင်ငံရောက် ပရဟိတအသင်းက တာဝန်ရှိသူတဦးကတော့ “ဆွေမျိုးအချင်းချင်း ဇယ်ခုံမှာ စကားများရန်ဖြစ်ပြီး ဓားထိုးမှုဖြစ်တာပါ၊ ဓားနဲ့ထိုးတဲ့သူကတော့ ထွက်ပြေးသွားပြီ။ အထိုးခံရတဲ့သူကတော့ အူထွက်နေတယ်။ တာချီလိတ်ကို ပို့လိုက်ပြီ။ မယ်ခေါင်မြစ် တဖက်ကမ်းကို အလင်းရောင်ပရဟိတအသင်းက လူနာတင်ကားနဲ့ လာသယ်သွားတယ်လို့ သိရပါတယ်”လို့ ပြောပါတယ်။ ဓားထိုးမှုဖြစ်ပွားခဲ့တဲ့ မြန်မာနိုင်ငံသား ၂ ဦးဟာ လာအို China Town ကို ရောက်ရှိတာ ၁၀ ရက်လောက်သာ ရှိသေးပြီး အလုပ်အကိုင် ရှာဖွေနေဆဲ ဖြစ်တယ်လို့ သိရပါတယ်။ ဓားနဲ့ထိုးပြီး ထွက်ပြေးသွားတဲ့ မြန်မာနိုင်ငံသားကိုတော့ လာအိုက သက်ဆိုင်ရာတွေ လိုက်လံရှာဖွေနေတယ်လို့လည်း သိရပါတယ်။ ကိုဇက်
3 years Ago
More News
Up