ဓားထိုးခံရ

January 16, 2022

တိုကျိုတက္ကသိုလ်ဝင်ခွင့် ဖြေမည့်ကျောင်းသား ၃ ဦး ဓားထိုးခံရ

ဂျပန်နိုင်ငံ တိုကျိုမြို့မှာ တက္ကသိုလ်ဝင်ခွင့်စာမေးဖွဲဖြေမယ့် ကျောင်းသားတွေကို ဓားနဲ့ဝင်ထိုးမှု ဇန်နဝါရီ ၁၅ ရက်နေ့က ဖြစ်ပွားခဲ့တာကြောင့် ၃ ဦး ပြင်းထန်ဒဏ်ရာရသွားတယ်လို့ NHK သတင်းဌာနမှာ ဖော်ပြပါတယ်။ 

တိုက်ခိုက်ခဲ့တဲ့ ကျောင်းသားက အသက် ၁၇ နှစ် ရှိပြီး ဝင်ခွင့်စာမေးပွဲဖြေဖို့ စုဝေးနေကြစဉ်မှာ ထိုးခဲ့တာဖြစ်ပြီး ကျောင်းသား ၃ ဦး ပြင်းထန်ဓားဒဏ်ရာနဲ့ သတိလစ်မေ့မျောသွားတယ်လို့ ဆိုပါတယ္။

ဇန်နဝါရီ ၁၅ နဲ့ ၁၆ ရက်တွေမှာ ဂျပန်တနိုင်ငံလုံးရှိ  အထက်တန်းကျောင်းသား သန်းတစ်ဝက်နီးပါး ဟာ တက္ကသိုလ်ဝင်ခွင့်စာမေးပွဲ ဖြေဆိုနေကြတာပါ။ 

ဓားထိုးမှုဖြစ်ရပ်ကို ရဲဌာနက တစုံတရာ သတင်းထုတ်ပြန်ခြင်း မရှိသေးပါ။

1 week Ago

December 30, 2021

ဇီးကုန်းမြို့တွင် နယ်ထိန်းရဲ ၁ ဦး လိုင်းကြေးသွားတောင်းစဉ် ဓားထိုးခံရ

ပဲခူးတိုင်း၊ သာယာဝတီခရိုင်၊ ဇီးကုန်းမြို့နယ်မှာ ဒီဇင်ဘာ ၃၀ ရက်နေ့ မနက်စော ၃ နာရီဝန်းကျင်က နယ်ထိန်းရာထူးရှိတဲ့ ရဲ ၁ ဦးဟာ တရားမဝင်လောင်းကစားလိုင်းကြေးသွားတောင်းစဉ် ဓားနဲ့အထိုးခံလိုက်ရတယ်လို့ သိရပါတယ်။

အမည်မဖော်လိုတဲ့ ဒေသခံတဦးက “နယ်ထိန်း ကိုဝင်းက သူ့အပိုင် အမှတ် ၅ ရပ်ကွက်ထဲက ဘိလိယက်ခုံနဲ့တွဲထားတဲ့ လောင်းကစားဒိုင်ဆီကို လိုင်းကြေးလာတောင်းတဲ့အချိန် လည်ပင်းကို ဓားနဲ့အထိုးခံရတာ မသေဘူးလို့တော့ သိရပါတယ်” လို့ ပြောပါတယ်။

နယ်ထိန်းဖြစ်သူ ကိုဝင်းဟာ ဓားထိုးခံရတဲ့အတွက် ဆေးကုသမှုခံယူနေတယ်လို့ သိရပါတယ်။

ဇီးကုန်းမြို့နယ်၊ မြို့မရဲစခန်း တာဝန်ကျရဲတဦးက “သူက အမှတ် ၅ ရပ်ကွက်နယ်ထိန်း ဟုတ်ပါတယ်။ လိုင်းကြေးတောင်းရင်းဖြစ်တာလားဆိုတာတော့ မပြောတတ်ဘူး။ သူ့မေးကြည့်လေဗျာ။ လည်ပင်းနဲ့ လက်တွေမှာတော့ ဓားဒဏ်ရာရထားတယ်။ အမှုဖွင့်မဖွင့်ဆိုတာကလည်း သူ့သဘောပဲ” လို့ ပြောပါတယ်။

ဓားထိုးခံရပြီး အချိန်အနည်းငယ်အကြာမှာ အခင်းဖြစ်တဲ့နေရာကို ရဲတွေရောက်လာပြီး သေနတ်တွေ ပစ်ဖောက်သွားတယ်လို့ ဒေသခံတွေဆီကသိရပြီး ဓားနဲ့ထိုးသူကတော့ ထွက်ပြေးလွတ်မြောက်သွားတယ်လို့ ရဲစခန်းနဲ့နီးစပ်တဲ့ အသိုင်းအဝိုင်းဆီက သိရပါတယ်။

4 weeks Ago
More News
Up