ဓာတ်ပုံသတင်းထောက်

May 28, 2021

မန္တလေးတွင် ဓာတ်ပုံသတင်းထောက်နှင့် အရန်မီးသတ်တပ်ဖွဲ့ဝင်အချို့အပါအဝင် ၁၀ ဦးကျော် ဖမ်းဆီးခံရ

မန္တလေးမြို့ ချမ်းအေးသာစံမြို့နယ် အောင်နန်းရိပ်သာအရှေ့ရပ်ကွက်မှာ အာဏာသိမ်းစစ်ကောင်စီရဲ့ လက်နက်ကိုင်အဖွဲ့တွေ ဒီနေ့ နေ့လယ် ဝင်ရောက်ဖမ်းဆီးရာ ဓာတ်ပုံသတင်းထောက်၊ အရန်မီးသတ်တပ်ဖွဲ့ဝင် ၃ ဦး အပါအဝင် ၁၀ ဦးကျော်ဖမ်းဆီးခံရတယ်လို့ သိရပါတယ်။

အောင်နန်းရိပ်သာအရှေ့ရပ်ကွက်ထဲ ဝင်ရောက်ဖမ်းဆီးတာဖြစ်ပြီး ၈၂ လမ်း နဲ့ ၈၃ လမ်းကြား၊ ၃၂ လမ်းနဲ့ ၃၃ လမ်းကြားရှိ အရန်မီးသတ်တပ်ဖွဲ့ရုံးမှာ ဝင်ရောက်ဖမ်းဆီးခဲ့ကာ အရန်မီးသတ် ၃ ဦးဖမ်းဆီးခံခဲ့ရပါတယ်။

ဒါ့အပြင် Myanmar Pressphoto Agency က ဓာတ်ပုံသတင်းထောက် ကိုမျိုးသီဟကျော်ကိုလည်း ဖမ်းဆီးသွားပြီး ရပ်ကွက်ထဲက လူတချို့လည်း ဖမ်းဆီးခေါ်ဆောင်သွားတယ်လို့ သိရပါတယ်။

3 weeks Ago

April 17, 2021

ဓာတ်ပုံသတင်းထောက် ၁ ဦးအပါအဝင် နောက်ထပ် အယောက် ၂၀ ကို ပုဒ်မ ၅၀၅ (က) ဖြင့်အမှုဖွင့်

ဓာတ်ပုံသတင်းထောက် ၁ ဦးအပါအဝင် နောက်ထပ် လူပုဂ္ဂိုလ် အယောက် ၂၀ ကို ရာဇသတ်ကြီး ပုဒ်မ ၅၀၅ (က) နဲ့ အမှုဖွင့်အရေးယူ ဆောင်ရွက်နေတယ်လို့ အာဏာသိမ်း စစ်တပ်ရဲ့မီဒီယာက ဧပြီ ၁၇ ရက်မှာ ကြေညာပါတယ်။

အမှုဖွင့်ခံထားရသူတွေအထဲမှာ နန်းခင်သက်ထား၊ ထက်မြက်၊ ညိုလွင်ဦး၊ စန်းကြူ၊ မာန်ဇာမြေမွန်၊ ကျော်ဇေယျာလင်း၊ ခင်မောင်ဝေ၊ ရဲနိုင်၊ ကောင်းထက်ကျော်၊ ခင်မောင်ဝင်း၊ ဆန်းဆန်းဝင်း၊ ညီညီတင်၊ ကျော်စိုးနိုင်၊ ဓာတ်ပုံသတင်းထောက် စိုးဇေယျာထွန်း (ထိုင်းနိုင်ငံ)၊ ညီညီဝင်း၊ မိုးကျော်အောင်၊ ဘုန်းမြတ်ထူး၊ ကြည်ရွှင်၊ နေမျိုးလင်းနဲ့ လူမင်းသောင်းထွန်း တို့ ပါဝင်ပါတယ်။

အဆိုပါ ပုဂ္ဂိုလ်တွေဟာ နိုင်ငံ့ဝန်ထမ်းတွေကို CDM လှုပ်ရှားမှုမှာ ပါဝင်စေဖို့ လှုံ့ဆော်တာ၊ CRPHကိုထောက်ခံတာ၊ နိုင်ငံတော်တည်ငြိမ်အေးချမ်းမှုကို ပျက်ပြားစေပြီး ဆူပူအုံကြွမှုဖြစ်ပေါ်စေဖို့  အများပြည်သူအထိတ်တလန့်ဖြစ်စေဖို့ သွေးထိုးလှုံ့ဆော်တာတွေကို လူမှုကွန်ရက် စာမျက်နှာမှာ  ဖော်ပြ ဖြန့်ဝေခဲ့တယ်လို့ စွပ်စွဲဖော်ပြထားပါတယ်။

အလားတူ ထင်ရှားတဲ့ အကယ်ဒမီ ရုပ်ရှင်သရုပ်ဆောင်တွေ၊ အဆိုတော်တွေ၊ ရုပ်ရှင်ဒါရိုက်တာတွေ၊ မော်ဒယ်တွေ အနုပညာရှင်တွေနဲ့ အွန်လိုင်းမှာလူသိများသူတွေ အပါအဝင် ဒီကနေ့အထိ ပုဒ်မ ၅၀၅ (က) နဲ့ အမှုဖွင့်အရေးယူခံထားရသူပေါင်း အယောက် ၂၀၀ ကျော် ရှိသွားပြီဖြစ်ပါတယ်။

2 months Ago
Up