ဒုက္ခသည်စခန်း

February 10, 2021

ထိုင်းမြန်မာနယ်စပ်ရှိ အကြီးဆုံးဒုက္ခသည်စခန်းမီးလောင် အိမ်ခြေ ၁၀၀ ကျော်ပါသွား

ထိုင်းမြန်မာနယ်စပ်ရှိ အကြီးဆုံးဒုက္ခသည်စခန်းမီးလောင် အိမ်ခြေ ၁၀၀ ကျော်ပါသွား

ဒီဗွီဘီ

ထိုင်းမြန်မာနယ်စပ် တာ့ခ်ခရိုင် ထာ့ဆောင်ယန်းမြို့နယ်က မယ်လကျေးရွာဒုက္ခသည်စခန်းမှာ ယမန်နေ့ည ၉ နာရီခွဲလောက်က မီးလောင်မှုဖြစ်ပွါးပြီး အိမ်ခြေ အလုံး ၁၀၀ ကျော် မီးထဲပါ သွားတယ်လို့  သနေရှင်းထိုင်းသတင်းမှာ ဖော်ပြပါတယ် ။

မီးစလောင်တာနဲ့ စခန်းထဲကလူတွေဟာ သူတို့ကိုယ်တိုင် မီးငြိမ်းသတ်ဖို့ ကြိုးစားသလို မီးသတ်ဌာနကိုချက်ချင်းဆက်သွယ်ခဲ့ကြောင်း ၊  မီးသတ်ကား ၂ စီး လာရောက်ငြိမ်းသတ်ခဲ့ပေမယ့် နေအိမ်အများစုဟာ  အင်ဖက်မိုးတဲ့ တဲအိမ်တွေဖြစ်တော့ လောင်စာလိုဖြစ်နေပြီး မီးရှိန်ပြင်းကာ နေအိမ်အလုံး ၁၀၀ ကျော်ဆုံးရှုံးသွားတယ်လို့ ဆိုပါတယ် ။

ထိခိုက်ဒဏ်ရာရသူရှိမရှိတော့ သတင်းမှာဖော်ပြထားခြင်းမရှိပါဘူး ။ မီးလောင်ရတဲ့ အကြောင်းရင်းကို တာဝန်ရှိသူတွေ စုံစမ်းဆဲဘဲလို့ ဆိုပါတယ် ။

မယ်လ ဒုက္ခသည်စခန်းမှာ လူပေါင်း ၃၇၀၀၀ ကျော်ရှိပြီး ထိုင်းမြန်မာနယ်စပ်ရှိ ဒုက္ခသည်စခန်းတွေ ထဲမှာ အကြီးဆုံးစခန်းကြီးဖြစ်ပါတယ် ။ အများစုဟာ ကရင်တိုင်းရင်းသားတွေဖြစ်ပြီး လွန်ခဲ့သော နှစ် ၃၀ ကျော်က မြန်မာနိုင်ငံတွင်း ပြည်တွင်းစစ်ကြောင့်ထိုင်းဘက်ခြမ်းကို ခိုလှုံရာက တစတစလူတွေများလာပြီး နေအိမ်ပေါင်း ထောင်ချီရှိလာတာဖြစ်ပါတယ် ။

ကိုးကား - nation tv

3 months Ago

January 15, 2021

ဘင်္ဂလားဒေ့ရှ်တောင်ပိုင်းက ဒုက္ခသည်စခန်းတွင် မီးလောင်၊ နေအိမ် ၅၅၀ ကျော် ပျက်စီးဆုံးရှုံး

ဘင်္ဂလားဒေ့ရှ် တောင်ပိုင်းက ဒုက္ခသည်စခန်းမှာ ဇန်နဝါရီ ၁၄ ရက် မနက်အစောပိုင်းက မီးအကြီးအကျယ်လောင်ခဲ့ပြီး ထောင်နဲ့ချီတဲ့ လူတွေ ပိုင်ဆိုင်တဲ့ နေအိမ်တွေ ပျက်စီးခဲ့တယ်လို့  ကုလသမဂ္ဂက ပြောပါတယ်။ လူပေါင်း ၃,၅၀၀ လောက် နေထိုင်တဲ့ နေအိမ်ပေါင်း ၅၅၀ ကျော်ဟာ လုံး၀ ဒါမှမဟုတ် တစိတ်တပိုင်း မီးလောင်ခဲ့ပြီး NGO အဖွဲ့တွေရဲ့ ဈေးဆိုင် ၁၅၀ လောက်နဲ့ အဆောက်အဦ တခုလည်း  ပျက်စီးခဲ့တယ်လို့ ကုလသမဂ္ဂ ဒုက္ခသည်များဆိုင်ရာမဟာမင်းကြီးရုံး (UNHCR)က ဆိုပါတယ်။  မီးလောင်မှုကြောင့် သေဆုံးဒဏ်ရာရတဲ့ သတင်းကို မသိရပါဘူး။  ကော့ဘဇားဒုက္ခသည်စခန်းက နေရပ်စွန့်ခွာခဲ့ရတဲ့ ဒုက္ခသည်တွေကို နေစရာ၊ ဆောင်းရာသီ အဝတ်အထည်၊ အစားအစာနဲ့ ဆေးဝါး ပံ့ပိုးနေတယ်လို့ UNHCR က ပြောဆိုပါတယ်။  ဘင်္ဂလားဒေ့ရှ် တောင်ပိုင်းမှာ နေရပ်စွန့်ခွာ ဒုက္ခသည်ပေါင်း ၁ သန်းကျော် နေထိုင်နေတယ်လို့ ရိုက်တာသတင်းမှာ ဖော်ပြပါတယ်။
4 months Ago
Up