ဒီမိုကရက်

August 12, 2020

ဒီမိုကရက်ဒုသမ္မတကိုယ်စားလှယ်လောင်းအဖြစ် ကမ်မရာဟဲရစ်ကို ရွေးချယ်

ဒီမိုကရက်ဒုသမ္မတကိုယ်စားလှယ်လောင်းအဖြစ် ကယ်လီဖိုးနီးယား အထက်လွှတ်တော်အမတ် ကမ်မရာဟဲရစ်ကို ဂျိုးဘိုင်ဒင်က သြဂုတ် ၁၁ ရက်မှာ ရွေးချယ်လိုက်ပါတယ်။  ဟဲရစ်ဟာ အမေရိကန်သမ္မတ ကိုယ်စားလှယ်လောင်း သမိုင်းမှာ ပါဝင်တဲ့ ပထမဆုံး လူမည်းအမျိုးသမီး   ဖြစ်လာတာပါ။ ဒါဟာ ရီပတ်ဘလီကန်သမ္မတ ဒေါ်နယ်ထရမ့်ကို ဆက်တိုက်ဖို့ သင့်တော်တဲ့  တွဲဖက်တစ်ဦးကို   ဒီမိုကရက်သမ္မတ ကိုယ်စားလှယ်လောင်း ဘိုင်ဒန်က ရခဲ့တာပါ။  ဘိုင်ဒင်ရဲ့  တွစ်တာစာမျက်နှာမှာ   “အကြောက်အလန့်မဲ့စွာ တိုက်ခိုက်မယ့်  အတော်ဆုံး ပြည်သူ့ဝန်ထမ်းတွေထဲက တစ်ယောက်ဖြစ်တဲ့  ကမ်မရာဟဲရစ်ကို    သမ္မတကိုယ်စားလှယ်လောင်း တွဲဖက်အဖြစ်  ဂုဏ်ယူစွာ ကြေညာပါတယ်”လို့ ရေးသားခဲ့ပါတယ်။   ဒီမိုကရက်တွေရဲ့ သစ္စာအရှိဆုံး  မဲဆန္ဒနယ်မြေဖြစ်တဲ့  အာဖရိကန်-အမေရိကန်တွေရဲ့  ထောက်ခံမှုကို  ရရှိဖို့ ဟဲရစ်ကို အားထားရမှာပါ။ လွန်ခဲ့တဲ့ ၄ နှစ်က  နှစ်ပေါင်း ၂၀ အတွင်း  လူမည်းတွေ မဲပေးမှု ပထမဆုံးအကြိမ် ကျဆင်းခဲ့တာဟာ  ဒီမိုကရက်သမ္မတ ကိုယ်စားလှယ်လောင်း ဟီလာရီကလင်တန်က ထရမ့်ကို ရှုံးနိမ့်ခဲ့တာကြောင့် ဖြစ်တယ်လို့ ရိုက်တာသတင်းမှာ ရေးပါတယ်။
9 months Ago

May 9, 2020

ဟောင်ကောင်လွှတ်တော်တွင် တရုတ်အစိုးရ ထောက်ခံသူများနှင့် ဒီမိုကရက်များ ခိုက်ရန်ဖြစ်

ဟောင်ကောင်လွှတ်တော်အတွင်း အရေးပါတဲ့ ကော်မတီဥက္ကဋ္ဌ တင်မြောက်ရေးနဲ့ ပတ်သက်လို့   မေ ၈  ရက်က တရုတ်အစိုးရ ထောက်ခံသူတွေနဲ့ ဒီမိုကရက်တွေအကြား ခိုက်ရန် ဖြစ်ပွားခဲ့ပါတယ်။   ဒါဟာ ကိုရိုနာဗိုင်းရပ်စ် ကပ်ရောဂါ လျော့ပါးလာတဲ့  ဟောင်ကောင်မှာ  နိုင်ငံရေး တင်းမာမှုတွေ အသစ်တဖန် ပြန်ပေါ်လာတဲ့ လက္ခဏာပဲ ဖြစ်ပါတယ်။   လွှတ်တော်ကောင်စီ အစည်းအဝေးမှာ အမတ်တွေက တယောက်ကို တယောက် အော်ဟစ် တွန်းထိုးခဲ့ကြပါတယ်‌။ အစည်းအဝေးမှာ သဘာပတိလုပ်ဖို့ ကြိုးပမ်းတဲ့ တရုတ်အစိုးရဘက်တော်သား လွှတ်တော်အမတ်ကို ဒီမိုကရက်တွေက လုပ်ထုံးလုပ်နည်းနဲ့ မညီဘူးလို့ဆိုပြီး နှင်ထုတ်ဖို့  ကြိုးစားတာပါ။   ကော်မတီအစည်းဝေးမှာ တရုတ်အစိုးရ ထောက်ခံတဲ့ စတာရီလီက ဥက္ကဋ္ဌ နေရာယူဖို့ ကြိုးပမ်းတာကို ဒီမိုကရက်တွေက အော်ဟစ်ကန့်ကွက်ခဲ့ပါတယ်။ အဲဒီနောက် လုံခြုံရေးတွေက ဒီမိုကရက် အများအပြားကို လွှတ်တော်ခန်းမထဲကနေ ခေါ်သွားခဲ့တယ်လို့ ရိုက်တာသတင်းမှာ ရေးသားထားပါတယ်။
12 months Ago
More News
Up