ထောင်သား

October 24, 2021

နိုင်ဂျီးရီးယားထောင်ကို သေနတ်သမားများ တိုက်ခိုက်၊ ထောင်သား ၈၀၀ ကျော်ကို လွှတ်ပေး

နိုင်ဂျီးရီးယားနိုင်ငံ၊ အိုယိုပြည်နယ်က ထောင်တခုကို သေနတ်သမားတွေက အောက်တိုဘာ ၂၂ ရက်မှာ တိုက်ခိုက်ခဲ့ပြီး ထောင်သား အယောက် ၈၀၀ ကျော်ကို အတင်း နှင်ထုတ်လွှတ်ပေးလိုက် တယ်။

ဒါဟာ ဒီနှစ်အတွင်း တတိယမြောက် အကြီးစား တိုက်ခိုက်မှုလို့ အကျဉ်းဦးစီးဌာနက အောက်တိုဘာ ၂၃ ရက်မှာ ကြေညာချက် ထုတ်ပြန်ပါတယ်။

တိုက်ခိုက်သူတွေက လက်နက်တွေ အကြီးအကျယ် ကိုင်ဆောင်ထားပြီး အကျဉ်းဦးစီး အရာရှိတွေနဲ့ အပြန်အလှန် ပစ်ခတ်ခဲ့ကာ  ထောင်နံရံတွေကို ဒိုင်းနမိုက်တွေနဲ့ ဖောက်ခွဲခဲ့ပြီး ထောင်ဝင်းထဲကို ဝင်နိုင်ခဲ့တယ်လို့ အကျဉ်းဦးစီးဌာနက ပြောပါတယ်။

ပြစ်ဒဏ်စီရင်ခံဖို့ စောင့်နေတဲ့ ထောင်သား ၅၇၅ ယောက် ပျောက်နေပြီး ၂၆၂ ယောက် ထွက်ပြေးခဲ့ပေမဲ့ ထွက်မပြေးတဲ့လူ ၆၄ ယောက်သာ ကျန်တယ်လို့ ဆိုပါတယ်။ 

နိုင်ဂျီးရီးယားနိုင်ငံဟာ ကျယ်ပြန့်တဲ့ နယ်နိမိတ်အတွင်း လုံခြုံရေးပြဿနာတွေကို ရုန်းကန် ရင်ဆိုင်နေရပါတယ်။

နိုင်ငံအနောက်မြောက်ပိုင်းမှာတော့ ရာဇဝတ်ဂိုဏ်းတွေက ပြန်ရွေးငွေ အတွက် ကျောင်းသားတွေကို ပြန်ပေးဆွဲနေပြီး နိုင်ငံအရှေ့မြောက်ဘက်မှာတော့ အစ္စလာမစ် သူပုန်တွေကို ရင်ဆိုင်နေရပါတယ်။

ဧပြီလတုန်းကလည်း အီမိုပြည်နယ်မှာ အလားတူ ထောင်တိုက်ခိုက်မှုအတွင်း ထောင်သား အယောက် ၁၈၀၀ ကျော် လွတ်သွားခဲ့ပြီး အရင်လက ဂိုဂီပြည်နယ်မှာတော့ တခြားထောင်သား ၂၆၆ ယောက် လွတ်သွားခဲ့ပါတယ်။ 

3 months Ago

December 1, 2020

သီရိလင်္ကာအကျဉ်းထောင်တွင် အဓိကရုဏ်းဖြစ်ပြီး ထောင်သား ၈ ဦးထက်မနည်း သေဆုံး

သီရိလင်္ကာနိုင်ငံထဲက အကျဉ်းထောင်တခုအတွင်း နိုဝင်ဘာ ၃၀ရက်က အဓိကရုဏ်းဖြစ်လို့ ထောင်သား ၈ ဦးထက် မနည်း သေဆုံးပြီး အယောက် ၅၀ ကျော်  ဒဏ်ရာရတယ်လို့ အရာရှိတွေက ပြောပါတယ်။ လူတွေ ကြပ်ညပ်နေတဲ့ ထောင်အတွင်း ကပ်ဘေးနဲ့ ပတ်သက်တဲ့ မကျေနပ်ချက်တွေကြောင့် အကြမ်းဖက်မှုဖို့ ကြိုးစားခဲ့တာပါ။ လတ်တလော သီတင်းပတ်တွေအတွင်း သီရိလင်္ကာနိုင်ငံထဲက ထောင်တချို့မှာ ထောင်သားတွေက ရဲတွေကို ဆန့်ကျင် ဆန္ဒပြလို့ မတည်ငြိမ်မှု တိုးနေခဲ့တာပါ။  ထောင်သားတွေက ကိုဗစ်-၁၉  ကပ်ရောဂါ ကူးစက်ခံ ထောင်သားတွေ အတွက် သီးခြားခွဲထားတဲ့ နေရာသစ်တွေနဲ့ ကိုရိုနာဗိုင်းရပ်စ် ကူးစက်ခံ ဟုတ်၊ မဟုတ် စမ်းသပ်မှုတွေ တိုးလုပ်ပေးဖို့ တောင်းဆိုနေခဲ့ကြပါတယ်။ ကိုလံဘိုမြို့တော် မြောက်ဘက် ၁၀ မိုင်အကွာက မဟာရာထောင်မှာ ရုန်းရင်းဆန်ခတ်ဖြစ်ပွားမှုတွေ နိုဝင်ဘာ ၂၉ ရက်က စခဲ့တာပါ။ ရောဂါကူးစက်ခံ ထောင်သားတွေကို တခြားထောင်တွေကနေ ဒီထောင်ထဲ ရွှေ့လာတာကို ထောင်သားတချို့က ကန့်ကွက်ဆန္ဒပြခဲ့ကြပါတယ်။ ခုတော့ သီရိလင်္ကာ နိုင်ငံထဲက ထောင်အားလုံးမှာ လုံခြုံရေး အားဖြည့်ထားပြီး အစောင့်တွေကို ကူညီဖို့ နောက်ထပ် ရဲတွေရာနဲ့ချီ တပ်ချထားပါတယ်။ သီရိလင်္ကာနိုင်ငံမှာ အရင်လကတည်းက ကိုဗစ်-၁၉ ရောဂါ ကူးစက်ခံဦးရေ မြင့်တက်ခဲ့တာဖြစ်ပြီး နိုင်ငံအနှံ့ရှိ လူတွေ ကြပ်ညပ်နေတဲ့ ထောင်တွေမှာ ကိုဗစ်-၁၉ ကပ်ရောဂါ အသစ်ကူးစက်ခံ ဦးရေ ထောင်ချီရှိနေပါတယ်။
1 year Ago
More News
Up