ထုတ်လုပ်

January 24, 2021

မကွေးတိုင်းတွင် စီးပွားဖြစ် ဝါးအလုံးရေ ၁၄ သန်းခွဲကျော် ထုတ်လုပ်ခွင့်ပြုမည်

မကွေးတိုင်းဒေသကြီးမှာ ၂၀၂၀-၂၀၂၁ ဘဏ္ဍာနှစ်အတွင်း စီးပွားဖြစ်အနေနဲ့ ပုဂ္ဂလိက လုပ်ငန်းရှင်တွေကို ဝါးအလုံးရေ ၁၄ သန်းခွဲကျော် (၁၄,၅၈၀,၀၀၀) ထုတ်လုပ်ခွင့်ပြုမယ်လို့ တိုင်းဒေသကြီး သစ်တောဦးစီးဌာနကနေ သိရပါတယ်။ မကွေးတိုင်းအတွင်းက ခရိုင် ၅ ခရိုင်မှာ ဝါးအလုံးရေ ၁၄,၅၈၀,၀၀၀ ထုပ်လုပ်ခွင့်ပြုထားပြီး မြို့နယ်အလိုက် လျှောက်ထားတဲ့အပေါ်မူတည်ပြီး ဝါးထုတ်လုပ်တဲ့ နေရာတစ်ခုကို ၃ နှစ်ကို တစ်ကြိမ် ခွင့်ပြုပေးတာလို့ မကွေးတိုင်း သစ်တောဦးစီးဌာန ညွှန်​ကြားရေးမှူး ဦးဌေးမောင်က ပြောပါတယ်။ သစ်တောကြိုးဝိုင်းကြိုးပြင်ကာကွယ်တောတွေမှာ ဝါးပြုန်းတီးမှုမဖြစ်အောင် ဝါးအရေးအတွက် တစ်သိန်းထုတ်ပြီးတိုင်း တစ်ဧကနှုန်း ပြန်လည်အစားထိုး စိုက်ပျိုးပေးရပြီး ဝါးပျိုးပင်တွေကိုလည်း အခမဲ့ဖြန့်ဝေနိုင်အောင် ပျိုးထောင်ပေးထားတယ်လို့ ဆိုပါတယ်။ ဝါးထုတ်လုပ်တဲ့ လုပ်ငန်းရှင်တွေကို သယ်ယူခွင့်အနေနဲ့ ဝါးလုံး အကြီးအသေးအပေါ်မူတည်ပြီးတော့ ဝါးတစ်လုံးကို ၅ ကျပ်ကနေ ၁၀၀ ကျပ်အထိ နိုင်ငံတော်အတွက် အခွန်ငွေ ကောက်ခံတယ်လို့ သိရပါတယ်။ ပြီးခဲ့တဲ့ ၂၀၁၈-၂၀၁၉ ဘဏ္ဍာနှစ်မှာ လုပ်ငန်းရှင် ၇၀ ဦးက ဝါး ၈၆ ဧက ကျော် နဲ့ ၂၀၁၉-၂၀၂၀ ဘဏ္ဍာနှစ်မှာ ဝါးလုပ်ငန်းရှင် ၁၄၉ ဦးက ဧက ၁၆၀ ကျော်အစားထိုးစိုက်ပျိုးပေးခဲ့ပြီး ဝါးအစားထိုးစိုက်ပျိုးမှု လျာထားချက်ပြည့်မီအောင် လုပ်ဆောင်နေတယ်လို့ တိုင်းဒေသကြီး သစ်တောဦးစီးဌာနကနေ သိရပါတယ်။ မင်းထီး
6 months Ago

September 27, 2020

ကိုဗစ်ကာကွယ်ဆေး ထုတ်လုပ်ပြီး လူသားအားလုံးကို ကူညီမည်ဟု အိန္ဒိယဝန်ကြီးချုပ်ပြော

အိန္ဒိယရဲ့ ကိုဗစ်-၁၉ ကာကွယ်ဆေး ထုတ်လုပ်နိုင်စွမ်းနဲ့ လူသားအားလုံးကို ကူညီပြီး ကိုဗစ်-၁၉ ပြဿနာကို တိုက်ထုတ်သွားမယ်လို့ ဝန်ကြီးချုပ် နာရန်ဒြာမိုဒီက စက်တင်ဘာ ၂၆ ရက်မှာ ပြောဆိုလိုက်ပါတယ်။  ကုလသမဂ္ဂအထွေထွေညီလာခံမှာ ကြိုတင်သွင်းယူထားတဲ့ ဗွီဒီယိုမက်ဆေ့ကနေ  ဝန်ကြီးချုပ်  မိုဒီက ပြောခဲ့တာပါ။   အိန္ဒိယဟာ ကာကွယ်ဆေးအဆင့် ၃ ကို စမ်းသပ်နေပြီး ကာကွယ်ဆေးဖြန့်ဝေဖို့အတွက် နိုင်ငံအားလုံးရဲ့  အအေးပေးပို့ဆောင်ရေးနဲ့ သိုလှောင်ရေးစွမ်းဆောင်ရည် မြင့်တက်အောင် ကူညီ ပေးသွားမယ်လို့ ဝန်ကြီးချုပ် မိုဒီက ပြောခဲ့ပါတယ်။  အိန္ဒိယဟာ ကမ္ဘာမှာ အမေရိကန်ပြီးရင် ကိုရိုနာဗိုင်းရပ်စ် ကူးစက်ခံရသူ အများဆုံးဖြစ်ပြီး ကူးစက်ခံရသူ ၅ ဒသမ ၈ သန်းကျော်ရှိပါတယ်။  အိန္ဒိယဟာ လူဦးရေ သိပ်သည်းပြီး ကျန်းမာရေးအခြေခံအဆောက်အအုံပိုင်း အားနည်းတာ ကြောင့် တနေ့တာ ပိုးကူးစက်နှုန်းမှာ ကမ္ဘာမှာ အမြင့်ဆုံးဖြစ်တယ်လို့ ရိုက်တာက သုံးသပ် ထားပါတယ်။ 
10 months Ago
Up