ထိုင်းနိုင်ငံ

January 23, 2023

ထိုင်းနိုင်ငံ၊ ချင်းမိုင်မှာ ကျင်းပနေတဲ့ တရုတ်ရိုးရာ နှစ်သစ်ကူးပွဲ (ဓာတ်ပုံ)

ထိုင်းနိုင်ငံမြောက်ပိုင်း၊ ချင်းမိုင်မြို့မှာ တရုတ်နှစ်သစ်ကူးပွဲတော်ကို ဇန်နဝါရီ ၂၁ ရက်ကနေ ၂၃ ရက်နေ့အထိ တရုတ်တန်းရှိ ဝါရာလို့တ်ဈေး (ကတ်လုန်ဈေး)မှာ ကျင်းပနေပါတယ်။

ဒီနှစ်ဟာ တရုတ်ရိုးရာ ပြက္ခဒိန်အရ ဇန်နဝါရီ ၂၂ ရက်မှာ ကျားနှစ်ကနေ ယုန်နှစ်ကို ကူးပြောင်းတာ ဖြစ်ပါတယ်။ ၂၀၂၃ တရုတ်နှစ်သစ်ကူးပွဲကို ထိုင်းနိုင်ငံမှာ နေထိုင်ကြတဲ့ တရုတ်လူမျိုးတွေ၊ ကမ္ဘာလှည့် ခရီးသွားဧည့်သည်တွေနဲ့ ပြည်တွင်းခရီးသွားတွေ ပါဝင်ဆင်နွှဲနေပါတယ်။

ကိုဗစ်-၁၉ ကူးစက်ရောဂါကြောင့် ၂ နှစ်ကျော်ကြာ ပိတ်ထားခဲ့တဲ့ တရုတ်ပြည် နယ်စပ် တံခါးပေါက်တွေကို ပြီးခဲ့တဲ့ ဇန်နဝါရီ ၈ ရက်နေ့မှာ ပြန်ဖွင့်ခဲ့ပြီးနောက် ထိုင်းနိုင်ငံကို တရုတ်ခရီးသွား ဧည့်သည်တွေ ဇန်နဝါရီ ၉ ရက်ကစလို့ ထောင်သောင်းချီ ဝင်ရောက်ခဲ့ပါတယ်။

နေ့စဉ် ခရီးသွားဧည့်သည် ထောင်ချီဝင်ဖို့ ရှိတာကြောင့် ၂၀၂၃ ခုနှစ်ထဲမှာ တရုတ်ပြည်က ခရီးသွားဧည့်သည် ၇ သန်းကနေ ၁၀ သန်းအထိ ဝင်ရောက်လာနိုင်တယ်လို့ ထိုင်းကျန်းမာရေးဝန်ကြီးက ခန့်မှန်းပြောထားပါတယ်။

သတင်း/ဓာတ်ပုံ - ဇွဲသစ်

4 days Ago

January 19, 2023

ကော့သောင်းတွင် ဖမ်းဆီးထားသည့် နိုင်ငံခြားသား ၇ ဦးကို ထိုင်းနိုင်ငံသို့ လွှဲပြောင်းပေး

တနင်္သာရီတိုင်း၊ ကော့သောင်းမြို့နယ် မြန်မာရေပိုင်နက်ထဲမှာ ဖမ်းဆီးထိန်းသိမ်းခံထားရတဲ့ ဗြိတိန်နဲ့ ဆွစ်ဇာလန်နိုင်ငံသားတွေ အပါအဝင် နိုင်ငံခြားသား ၇ ဦးကို မြန်မာအာဏာပိုင်တွေက ပြည်နှင်ဒဏ်ပေးလိုက်ပါတယ်။

ပြီးခဲ့တဲ့ ၂၀၂၂ ခုနှစ်၊ ဒီဇင်ဘာ ၁၇ ရက်က ဗြိတိန်နိုင်ငံသား ၃ ဦး၊ ထိုင်းနိုင်ငံသား ၃ ဦးနဲ့ ဆွစ်ဇာလန်နိုင်ငံသား ၁ ဦးတို့ဟာ မြန်မာ့ပင်လယ်ရေပိုင်နက်ထဲ အပျော်တမ်း ငါးဖမ်းလှေနဲ့ ဝင်ရောက်လာပြီးနောက် မြန်မာအာဏာပိုင်တွေက ဖမ်းဆီးလိုက်တာပါ။

အဆိုပါ ဖမ်းဆီးခံရတဲ့ နိုင်ငံခြားသား ၇ ဦးကို စစ်ကောင်စီလက်အောက်ခံ အာဏာပိုင်တွေက ထိုင်းနိုင်ငံ အာဏာပိုင်တွေထံ ပြန်လည်လွှဲပြောင်းပေးခဲ့ကြောင်း ဒေသခံတဦးက ပြောပါတယ်။

“သိရတာတော့ နိုင်ငံခြားသား‌ ၇ ဦးက ရေပိုင်နက်ကျော်ပြီးတော့ ရောက်လာတာ။ မနေ့က ထိုင်းဘက်ကို ပြန်ပြီးလွှဲပေးလိုက်တယ်။ ပြည်နှင်ဒဏ်ပေးလိုက်တယ်ပေါ့။”

ဖမ်းဆီးခံရတဲ့ နိုင်ငံခြားသား ၇ ဦးကို မြန်မာနိုင်ငံ လူဝင်မှုကြီးကြပ်ရေး အက်ဥပဒေပုဒ်မ ၁၃ နဲ့ ပြစ်ဒဏ်ချမှတ်ခဲ့ပြီး ၁၉၄၇ ခုနှစ်၊ မြန်မာနိုင်ငံ လူဝင်မှုကြီးကြပ်ရေး (လတ်တလောဥပဒေများ) အက်ဥပဒေပုဒ်မ ၇(မ) နဲ့ ပြည်နှင်ဒဏ် ပေးလိုက်တယ်လို့ သိရပါတယ်။

ပြည်နှင်ဒဏ်ပေးခံရတဲ့ နိုင်ငံခြားသား ၇ ဦးကို ကော့သောင်းခရိုင် တာဝန်ရှိသူတွေက ကော့သောင်းမြို့ ဂိတ်မှတဆင့် ထိုင်းနိုင်ငံ ရနောင်းမြို့ရှိ တာဝန်ရှိသူတွေဆီ ပြန်လည်လွှဲပြောင်းပေးလိုက်ကြောင်း သိရပါတယ်။

1 week Ago
More News
Up