ထိုင်းစာသင်ကျောင်း

January 26, 2021

ထိုင်းစာသင်ကျောင်းများတွင် ပိုးသတ်ဆေးဖျန်း၊ လာမည့်လတွင် ပြန်ဖွင့်ရန်မျှော်မှန်း

ထိုင်းနိုင်ငံမြို့တော် ဘန်ကောက်မြို့က စာသင်ကျောင်းတွေမှာ သက်ဆိုင်ရာက ပိုးသတ်ဆေးဖျန်းလုပ်ငန်းတွေ ဆောင်ရွက်နေပြီး လာမယ့်လထဲမှာ ပြန်လည်ဖွင့်လှစ်နိုင်ဖို့ မျှော်မှန်းထားတယ်လို့ နေးရှင်းသတင်းမှာ ဖော်ပြပါတယ်။

ဒီကနေ့မှာတော့ ထိုင်းစစ်တပ်ဓာတုဌာနက တာဝန်ရှိသူတွေဟာ ဘန်ကောက်မြို့၊ ချာတူချက်ခ်ခရိုင်ထဲက ဘန်ဘူစာသင်ကျောင်းဧရိယာထဲမှာ ပိုးသတ်ဆေးဖျန်းလုပ်ငန်းတွေကို လုပ်ဆောင်ပေးခဲ့ကြတာပါ။

တချိန်တည်းမှာပဲ ထိုင်းနိုင်ငံမှာ ဒီကနေ့ ကိုဗစ်-၁၉ ပိုးတွေ့လူနာ ၉၅၉ ယောက် ထပ်မံတွေ့ရှိခဲ့ရကြောင်း ရောဂါအခြေအနေစီမံခန့်ခွဲမှုဌာနက ထုတ်ပြန်ထားပြီး ဒါဟာ တနေ့တည်း ကူးစက်မှုအမြင့်ဆုံးအနေနဲ့ စံချိန်တင်ကူးစက်ခံရမှု ဖြစ်တယ်လို့ ဆိုပါတယ်။

ပိုးတွေ့လူနာအသစ်တွေထဲမှာ ၈၉ ယောက်ကတော့ ရောဂါကူးစက်ပျံ့နှံ့မှု မြင့်တက်နေတဲ့ နေရာတွေမှာ ကူးစက်ခံခဲ့ရတာ ဖြစ်ပါတယ်။ စမွတ်စာခွန်ဒေသကတော့ ရောဂါကူးစက်ခံရသူ အယောက် ၇၀ နဲ့ အမြင့်ဆုံးကူးစက်ခံထားရပြီး အဲဒီနောက်မှာ ဘန်ကောက်က ကူးစက်ခံရသူ ၁၇ ယောက်၊ စမွတ်ဆောင်ခရန်နဲ့ ဥဘွန်ရက်ချာဌာနီဒေသတွေက ၁ ယောက်စီအသီးသီး ကူးစက်ခံထားရတာပါ။

ထိုင်းနိုင်ငံတဝန်းမှာတော့ လက်ရှိအချိန်ထိ ကိုဗစ်-၁၉ ရောဂါကူးစက်ခံရသူပေါင်း ၁၄,၆၄၆ ယောက် ကူးစက်ခံထားရပြီး သေဆုံးသူ ၇၅ ယောက် ရှိပါတယ်။

4 months Ago

July 15, 2020

ထိုင်းစာသင်ကျောင်းပရဝဏ်တွင်း ၈ နှစ်အရွယ် ကျောင်းသားလေး ဓာတ်လိုက်သေဆုံး

ထိုင်းနိုင်ငံ စာသင်ကျောင်းတခုတွင်းမှာ အသက် ၈ နှစ်အရွယ် ကျောင်းသားလေး တယောက်ဟာ ဓာတ်လိုက် သေဆုံးသွားခဲ့တယ်လို့ နေးရှင်းသတင်းမှာ  ဖော်ပြပါတယ်။ ဒီအဖြစ်အပျက်ဟာ ဇူလိုင်လ ၁၃ ရက်နေ့က လမ်းဖန်းမြို့၊ ချမ်ချွန်ဘန်မိုင်စာသင်ကျောင်းမှာ ဖြစ်ခဲ့တာလို့ ဆိုပါတယ်။ ကျောင်းပရဝဏ်တွင်းမှာ တာဝန်ရှိသူတွေက တပ်ဆင်ထားတဲ့ ဗို့အားမြင့် အင်တာနက်ချိတ်ဆက်မှုဆိုင်ရာ ပုံးတခုကတဆင့် ခုလိုဖြစ်ခဲ့ရပြီး အခင်းဖြစ်တဲ့နေရာဆီ ရဲတွေ ရောက်ရှိလာချိန်မှာ ကလေးငယ်ကို မကယ်တင်နိုင်တော့ပါဘူး။ သူ့ရဲ့အလောင်းကို လမ်းဖန်းဆေးရုံကို ပို့ဆောင်ဓာတ်ခွဲစစ်ဆေးချိန်မှာတော့ ဆရာဝန်တွေက ဓာတ်လိုက် သေဆုံးရခြင်းဖြစ်ကြောင်း အတည်ပြုနိုင်ခဲ့တာပါ။ လတ်တလောမှာတော့ ကလေးမိဘတွေက သားဖြစ်သူ သေဆုံးရမှုအတွက် ကျောင်းတာဝန်ရှိသူတွေကို တာဝန်ယူပေးဖို့နဲ့ သေဆုံးရတဲ့ နောက်ကွယ်က အကြောင်းရင်းကို စုံစမ်းစစ်ဆေးပေးဖို့ တောင်းဆိုထားကြတယ်လို့ သိရပါတယ်။ ကိုးကား- THE NATION
10 months Ago
Up