ထိတ်လန့်ဖွယ်

October 24, 2018

ထိတ်လန့်ဖွယ် ချောက်ကမ်းပါးစွန်းမှ ကမ္ဘာ့အမြင့်ဆုံး ဖန်သားဓာတ်လှေကား(ရုပ်သံ)

ကြောက်ရွံ့ထိတ်လန့်ဖွယ် ချောက်ကမ်းပါးစွန်းမှာ တည်ဆောက်ထားတဲ့ ဖန်သား ဓာတ်လှေကားကို သင်တို့ တွေ့ဖူးကြပါသလား။ ဒီဓာတ်လှေကားကတော့ တရုတ်နိုင်ငံမှာ အမှန်တကယ် ရှိနေတာပါ။ ဂင်းနစ်စံချိန် စံညွှန်းတွေနဲ့အညီ တည်ဆောက်ထားတဲ့ အဲဒီဖန်သား ဓာတ်လှေ ကားဟာ ဇန်ကျားကျိခရိုင်၊ ၀ူလင်ယွမ်ဒေသထဲမှာ တည်ရှိတယ်လို့ စီဂျီတီအဲန်သတင်းမှာ အောက်တိုဘာလ ၂၃ ရက်က ဖော်ပြပါတယ်။ အမြင့်ဆုံးဖြစ်တဲ့အပြင် မြန်နှုန်းလည်း မြင့်တဲ့ ဒီဓာတ်လှေကားဟာ အမြင့်ပေ ၁၀၇၀ ကို အချိန် တမိနစ်အတွင်းမှာ ရောက်ရှိနိုင်တယ်လို့ ဆိုပါတယ်။ ဓာတ်လှေကားစီးနင်းအသုံးပြုသူတွေအနေနဲ့ လေးဘက်လေးတန်ကနေ ဘေး  ပတ်ဝန်းကျင်မြင်ကွင်းတွေကို ရှင်းရှင်းလင်းလင်း မြင်နေရမှာဖြစ်ပြီး လူဦးရေ ၆၄ ယောက်အထိ စီးနင်းနိုင်မှာ ဖြစ်ပါတယ်။
3 years Ago

December 17, 2017

ထိတ်လန့်ဖွယ် တင်ဆက်မှုတွေနဲ့ Asia’s Got Talent မှာ ဒေါ်လာတသိန်းရသွားတဲ့ သရဲမလေး ရီယာနာ(ရုပ်သံ)

အခုနှစ်ရဲ့ Asia’s Got Talent ပြိုင်ပွဲမှာတော့ အင်ဒိုနီးရှားနိုင်ငံသူ ရီယာနာက ထိတ်လန့်စရာကောင်းတဲ့ သရုပ်ပြတင်ဆက်မှုတွေနဲ့ သရဖူဆောင်းသွားနိုင်ခဲ့ကာ ဆုကြေးငွေ အမေရိကန်ဒေါ်လာတသိန်းကို ရရှိသွားခဲ့ပါတယ်။ ပွဲစဉ်တလျှောက်မှာတော့ သူ့ကို The Sacred Riana လို့ သိခဲ့ကြပြီး အံ့သြစရာ ကောင်းတဲ့ ကြောက်စရာပြကွက်တွေနဲ့အတူ ဒိုင်တွေကိုရော ပရိတ်သတ်တွေကိုပါ ဖမ်း စားထားနိုင်ခဲ့တာပါ။ ဒီပြိုင်ပွဲတွေမှာ မြင်တွေ့ရခဲတဲ့ သမားရိုးကျ တင်ဆက်ပုံတွေကနေ ဖောက်ထွက်ပြီး သရဲတစ္ဆေတကောင်လို သရုပ်ပြမှုကြောင့် သူဟာ စုန်းမတယောက်လိုပဲ၊ မကောင်း ဆိုးဝါးတွေနဲ့ အဆက်အသွယ်ရှိနေတယ်လို့ စွပ်စွဲပြောနေကြရတဲ့ အထိကိုပဲ ဖြစ်ခဲ့ရပါ တယ်။ သူ့ရဲ့ မန်နေဂျာဖြစ်တဲ့ ဘိုးဗာနွန်ကတော့ “ရီယာနာဟာ အနိုင်ရရှိဖို့ စိတ်လှုပ်ရှား အံ့အားသင့်ခဲ့ရပါတယ်။ သူက တခြားသူတွေနဲ့အတူ သရုပ်ပြတင်ဆက်မှုတွေမျှဝေချင်တာမို့ ဒီအစီအစဉ်ကို ဆက်သွယ်ခဲ့တာပါ။ သူ့လို မှော်ဆန်ဆန်တင်ဆက်မှုမျိုး မြင်ဖူးကြမှာ မဟုတ်တဲ့အတွက် ရီယာနာကို ပရိတ်သတ်တွေက ချစ်ခင်အားပေးကြတာလို့ ကျ နော်ထင်ပါတယ်”လို့ ပြောပါတယ်။ ဒီသရုပ်ပြမှုရဲ့ အခက်အခဲနဲ့ ပတ်သက်ပြီး မေးမြန်းချိန်မှာလည်း ဗာနွန်က ရယ် ရယ်မောမောနဲ့ “သူ့သဘာဝက အေးဆေးတည်ငြိမ်တဲ့ မိန်းကလေးဆိုတော့ ဒါက လွယ် ကူပါတယ်။ သူက စကားများများပြောတဲ့ ပုံစံမျိုးမဟုတ်ဘူး”လို့ ပြောပါတယ်။ ဒါပေမယ့် ရီယာနာရဲ့ အသက်က ဘယ်လောက်လဲဆိုတာကိုတော့ သူက မပြောခဲ့ ပါဘူး။ ဘာလို့လဲဆိုတော့ The Sacred Riana လို့ ပြောလိုက်ရင် အသက် ၁၀၀ ကျော် ရှိနေပြီဖြစ်တယ်လို့ ဖော်ပြထားခဲ့လို့ပါပဲ။
3 years Ago
Up