တောင်းပန်

December 25, 2020

ရွေးကောက်ပွဲရန်ပုံငွေကိစ္စ ဂျပန်ဝန်ကြီးချုပ်ဟောင်း ပြည်သူများကို တောင်းပန်

ရွေးကောက်ပွဲရန်ပုံငွေ ဥပဒေချိုးဖောက်မှုနဲ့ပတ်သက်လို့  ဂျပန်ဝန်ကြီးချုပ်ဟောင်း ရှင်ဇိုအာဘေးက ပြည်သူတွေကို  ဒီဇင်ဘာ ၂၄ ရက်မှာ ဝန်ချတောင်းပန်ခဲ့ပါတယ်။  သတင်းစာရှင်းလင်းပွဲမှာ ဝန်ကြီးချုပ်ဟောင်း အာဘေးက "အဲဒီကိစ္စကို သူမသိခဲ့ပေမဲ့ သူ့မှာ တာဝန်ရှိတယ်လို့ ခံစားမိပါတယ်။ အဲဒီအတွက် နောင်တရမိပြီး ပြည်သူတွေကို အနူးအညွတ် တောင်းပန်ပါတယ်"လို့  ပြောပါတယ်။  ထောက်ခံသူတွေအတွက် လုပ်ပေးတဲ့  ညစာစား ပွဲကုန်ကျစရိတ်တွေကို အာဘေးရဲ့ရုံးက ကူညီပံ့ပိုးခဲ့တယ်ဆိုတဲ့ သံသယနဲ့  အာဘေးဟာ ဝေဖန်ခံနေရပါတယ်။  ဒါက ရွေးကောက်ပွဲဥပဒေကို ချိုးဖောက်ဖွယ်ရှိပြီး မနှစ်က ပါလီမန်မှာ မေးခွန်းထုတ်ခဲ့ရာမှာ တော့ အာဘေးက ငြင်းဆိုခဲ့ပါတယ်။  အာဘေးရဲ့အတွင်းရေးမှူး ဟီရိုယူကီ-ဟာကီကာဝါအပေါ် စွဲဆိုတဲ့ စွဲချက်ကို တိုကျိုအစိုးရ ရှေ့နေတွေက ဒီဇင်ဘာ ၂၄ ရက်မှာ တင်သွင်းခဲ့ပေမဲ့ အာဘေးအပေါ် စွဲချက်တင်ဖို့ မဆုံးဖြတ်ခဲ့ဘူး လို့ ပြည်တွင်းမီဒီယာတွေက ဆိုပါတယ်။   အာဘေးကို  မေးမြန်းဖို့ ပါလီမန်က ဒီဇင်ဘာ ၂၅ ရက်မှာ   ဆင့်ခေါ်ဖို့ စီစဉ်ထားတယ်လို့ ရိုက်တာက ဖော်ပြပါတယ်။ 
5 months Ago

November 21, 2020

ကျင့်ဝတ်ချိုးဖောက်ခဲ့မှုအတွက် ဗြိတိန်ပြည်ထဲရေးဝန်ကြီး တောင်းပန်

လူတဖက်သားအပေါ် ထိခိုက်သွားစေနိုင်တဲ့ မိမိအပြုအမူအတွက် တောင်းပန်ပါတယ်လို့  ဗြိတိန်ပြည်ထဲရေးဝန်ကြီး ပရီတီ ပတယ်က  နိုဝင်ဘာလ ၂၀ ရက်မှာ ပြောဆိုခဲ့ပါတယ်။  ပြည်ထဲရေးဝန်ကြီး ပတယ်ဟာ ဝန်ထမ်းတွေအပေါ်  အော်ငေါက်တာနဲ့ ဆဲဆိုတာအပါအဝင် ဝန်ကြီးဌာန ကျင့်ဝတ်တွေကို  ချိုးဖောက်ခဲ့တယ်လို့  စုံစမ်းရေးအစီရင်ခံစာက မှတ်ချက်ပြုပြီးနောက်မှာ  သူက တောင်းပန်လိုက်တာပါ။  သီးခြားအကြံပေး အဲလက်စ် အလန်က ပြုလုပ်တဲ့ အစီရင်ခံစာက ပြည်ထဲရေး ဝန်ကြီး  ပတယ်ရဲ့ အပြုအမူဟာ ဝန်ထမ်းတွေကို လေးလေးစားစား ဆက်ဆံသင့်တယ်ဆိုတဲ့ ဗြိတိန်ဝန်ကြီးဌာန ကျင့်ဝတ်တွေနဲ့ မကိုက်ညီဘူးလို့ ဆိုပါတယ်။  များသောအားဖြင့် ကျင့်ဝတ်ချိုးဖောက်တာကို တွေ့ရှိရင် ဝန်ကြီးတွေဟာ ရာထူးကနေ နုတ်ထွက်လေ့ရှိပါတယ်။ ဒါပေမဲ့ ပတယ်ကတော့ သူဟာ တခြားလူတွေအပေါ် ထိခိုက်လိုစိတ် မရှိခဲ့ဘူးလို့ ပြောဆိုခဲ့ပြီး ဝန်ကြီးချုပ် ဂျွန်ဆင်ကလည်း ပတယ်ဟာ ကျင့်ဝတ် မချိုးဖောက်ခဲ့ဘူးဆိုပြီး ဆုံးဖြတ်ခဲ့တယ်လို့ အစိုးရ ထုတ်ပြန်ချက်က ဆိုပါတယ်။  ပတယ်မှာ အပြစ်မရှိဘူးလို့ ဂျွန်ဆင်က ဆုံးဖြတ်ပြီးပြီးချင်းမှာပဲ  စုံစမ်းရေး ပြုလုပ်တဲ့ အလန်က ရာထူးက နုတ်ထွက်ခဲ့ပြီး အတိုက်အခံတွေကလည်း ဝန်ကြီးချုပ်ဟာ အနိုင်ကျင့်မှုကို ခွင့်ပြုနေတယ်ဆိုပြီး စွပ်စွဲခဲ့ပါတယ်။  
6 months Ago
More News
Up