တောင်ကိုရီးယား

April 17, 2021

တောင်ကိုရီးယားရောက်မြန်မာများ ကချင်စစ်ဘေးရှောင်များအတွက် အလှူခံပေးနေ

တောင်ကိုရီးယားနိူင်ငံ Ulsan အူဆန်မြို့မှာ ဧပြီလ ၁၇ ရက်နေ့ မြန်မာနှစ်ဆန်း ၁ ရက်နေ့က ကိုရီးယားရောက် မြန်မာနိုင်ငံသားတွေက ကချင်ပြည်နယ်က စစ်ဘေးရှောင်တွေအတွက် အလှူခံပေးနေကြပါတယ်။

အူဆန်မြို့က နိုင်ငံခြားအလုပ်သမားကူညီရေးစင်တာမှ ကိုရီးယားတွေ၊ အူဆန်တက္ကသိုလ်က ကျောင်းသားတွေ၊ ပြည်ပရောက်မြန်မာစုပေါင်းပြီး အပတ်စဉ် စနေနေ့နဲ့ တနင်္ဂနွေနေ့တွေမှာ စစ်အာဏာရှင်ဆန့်ကျင် ရေးလှုပ်ရှားမှုတွေ ပြုလုပ်နေသလို စစ်ဘေးရှောင်တွေအတွက်ပါ အလှူခံပေးနေတာလို့ ပါဝင်သူ ၁ ဦးက ပြောပါတယ်။

အလှူခံလို့ ရရှိလာတဲ့ ငွေတွေကိုတော့  ပဲခူးမှာ ကျဆုံးခဲ့တဲ့ သူရဲကောင်းတွေ၊ စစ်ဘေးရှောင်နဲ့ နေရာအနှံ့ လှူဒါန်းတာတွေ ပြုလုပ်ပေးနေတယ်လို့ ဆိုပါတယ်။

3 weeks Ago

တောင်ကိုရီးယားရောက်မြန်မာများ စစ်အာဏာရှင်ဆန့်ကျင်ရေး ဆန္ဒပြ

တောင်ကိုရီးယားနိူင်ငံ Ulsan (အူဆန်မြို့) မှာ ဧပြီလ ၁၇ ရက်နေ့ မြန်မာနှစ်ဆန်း ၁ ရက်နေ့က စစ်အာဏာရှင်ဆန့်ကျင်ရေး ဆန္ဒပြခဲ့ကြပါတယ်။

အူဆန်မြို့က နိုင်ငံခြား အလုပ်သမားကူညီရေးစင်တာက ကိုရီးယားတွေ၊ အူဆန် တက္ကသိုလ်က ကျောင်းသားတွေနဲ့ မြန်မာနိုင်ငံသာ‌းတွေ စုပေါင်းပြီး ဆန္ဒပြခဲ့ကြတာလို့ ပါဝင်သူတဦးက ပြောပါတယ်။

တောင်ကိုရီးယားနိူင်ငံ အူဆန်မြို့မှာ မြန်မာနိုင်ငံသားတွေ စုပြီး အပတ်စဉ် စနေနေ့နဲ့ တနင်္ဂနွေနေ့တွေမှာ စစ်အာဏာရှင်ဆန့်ကျင် ရေးလှုပ်ရှားမှုတွေ ပြုလုပ်နေတယ်လို့ ဆိုပါတယ်။

3 weeks Ago

March 16, 2021

တောင်ကိုရီးယား Jeonju မြို့တော်ဝန်နှင့် မြန်မာကျောင်းသားများ မြန်မာ့အရေး တွေ့ဆုံဆွေးနွေး

ကိုရီးယားနိုင်ငံ Jeonju မြို့တော်ဝန် Kim Seung-su ဟာ မြန်မာနိုင်ငံအရေးကို တတ်နိုင်တဲ့ဘက်က ဆောင်ရွက်ပေးနိုင်ဖို့ မတ်လ ၁၅ရက်နေ့ မနက်ပိုင်းက ကိုရီးယားကျောင်းမှာ ရှိတဲ့ မြန်မာကျောင်းသားတွေနဲ့ Jeonju မြို့တော်စည်ပင်သာယာရုံးမှာ တွေ့ဆုံခဲ့ပါတယ်။ 

Jeonju မြို့တော်ဝန်က တွေ့ဆုံလိုကြောင်း ဆက်သွယ်လာတာဖြစ်ပြီး Jeonju University, Jeonju Vision College နဲ့ Chonbuk University က ကျောင်းသားကျောင်းသူတွေနဲ့ တွေ့ဆုံခဲ့တာပါ။

“CDM လုပ်နေတဲ့သူတွေအတွက် အလှူငွေကောက်ခံနေပြီး ဒီအတွက်လည်း တတ်နိုင် သလောက် ကူညီပေးဖို့ ပြောခဲ့ပါတယ်။ လက်ရှိ မြန်မာနိုင်ငံမှာ စစ်ကောင်စီရဲ့ လက်နက်ကိုင် တပ်ဖွဲ့ဝင်တွေရန်က ကာကွယ်ဖို့ ရပ်ကွက်အလိုက် လုံခြုံရေးဆောင်ရွက်တဲ့အခါ လိုအပ်တဲ့ပစ္စည်း တတ်နိုင်သလောက် ထောက်ပံ့ပေးဖို့လည်း ပြောခဲ့တယ်။ လက်ရှိ ကိုရီးယားကကျောင်းတွေမှာ တက်နေတဲ့ စစ်ကောင်စီနဲ့ ပတ်သတ်ဆက်နွယ်သူတွေကိုလည်း အရေးယူဆောင်ရွက်ပေးဖို့ ပြောခဲ့ပါတယ်။ မြန်မာနိုင်ငံအတွက် အရေးပေါ်ဆေးဝါးပစ္စည်းတွေ ကူညီပေးဖို့၊ လတ်တလော တိုက်ပွဲဖြစ်ပွါးနေတဲ့ ဒေသတွေက စစ်ဘေးဒုက္ခသည်တွေ အတွက် ဆေးဝါးနဲ့ အစားအသောက် အထောက်အပံ့တွေ ကူညီပေးဖို့ ပြောခဲ့တယ်” လို့  Jeonju University  ကိုယ်စားပြု သွားရောက်တွေ့ဆုံခဲ့တဲ့ ကျောင်းသူက ပြောပါတယ်။

Jeonju မြို့တော်ဝန် Kim Seung-su ကလည်း ကျောင်းသား/ကျောင်းသူတွေရဲ့ ပြောဆို တောင်းဆိုချက်တွေကို မြို့တော်ဝန်တွေရဲ့ အစည်းအဝေးနဲ့ လွှတ်တော် အစည်းအဝေးတွေမှာလည်း ထည့်သွင်း တင်ပြပေးသွားမယ်လို့ ပြောကြားသွားတယ်လို့ ဆိုပါတယ်။

2 months Ago
More News
Up