တိုင်းပြည်

May 5, 2019

တိုင်းပြည်ကို တရားသဖြင့် အုပ်ချုပ်သွားမည်ဟု ထိုင်းဘုရင်ကတိပြု

တိုင်းပြည်ကို တရားသဖြင့် အုပ်ချုပ်သွားမယ်လို့ မေလ ၄ ရက်မှာ နန်းတက်တဲ့ ထိုင်းဘုရင်  မဟာဝချီရာလောင်ကွန်းက ကတိသစ္စာပြုခဲ့ပါတယ်။ မိဖုရားနဲ့ တော်ဝင်မိသားစုဝင်တွေရဲ့ အမြင့်နေရာ  ရွှေပုလ္လင်ထက်မှာ ဘုရင် ၀ချီရာလောင်ကွန်းက မကိုဋ်သရဖူကိုဆောင်းပြီး ဘုရင်ဘွဲ့ခံယူခဲ့တာပါ။ ၁၆ ပေါင်လေးတဲ့ အဲဒီ မကိုဋ်သရဖူဟာ ဟိန္ဒူနတ်ဘုရား အန်ဒရာနေထိုင်ရာ မယ်ရုတောင်ကို အမှတ်လက္ခဏာပြုပါတယ်။ နောက်ပြီး မကိုဋ် အလေးချိန်ဟာလည်း ရှင်ဘုရင်တွေရဲ့ တာဝန်ကြီးမားပုံကို ကိုယ်စားပြုတယ်လို့ သိရပါတယ်။ မင်းမြောက်တန်ဆာ အပြည့်အစုံနဲ့ ဆင်ယင်ကျင်းပတဲ့ နန်းတက်ပွဲမှာ ဘုရင် ၀ချီရာလောင်ကွန်းက ပြည်သူတွေ သာယာဝပြောပြီး စိတ်ချမ်းသာစေဖို့ တရားသဖြင့် တိုင်းပြည် အုပ်ချုပ်သွားမယ်လို့ ပြောကြားခဲ့ပါတယ်။ အဲဒီနောက် ဘုရင် ၀ချီရာလောင်ကွန်းက ကြင်ယာတော် ဆုသီယာကို  မိဖုရား တင်မြှောက်ကြောင်း ကြေညာပြီး မိဖုရားဘွဲ့ အပ်နှင်းခဲ့ပါတယ်။ သက်တော် ၆၆ နှစ်အရွယ် ဘုရင် ၀ချီရာလောင်ကွန်းဟာ ဖမည်းတော် ဘူမိဘောအဒူလျာဒက် နတ်ရွာစံပြီး နောက် စည်းမျဉ်းခံ ဘုရင်ဖြစ်လာခဲ့ပါတယ်။ ခမည်းတော် ဘုရင်ကြီး ဘူမိဘောဟာ ထိုင်းနိုင်ငံကို နှစ်ပေါင်း ၇၀ အုပ်ချုပ်ခဲ့ပြီး ၂၀၁၆ ခုနှစ် အောက်တိုဘာလက နတ်ရွာစံခဲ့ပါတယ်။
2 years Ago
Up