တရုတ်ထုတ်

January 8, 2021

တရုတ်ထုတ် ကိုဗစ်-၁၉ ကာကွယ်ဆေး ထိရောက်မှုရှိဟု ဘရာဇီးကြေညာ

တရုတ်စီနိုဗက်ကုမ္ပဏီထုတ် ကိုဗစ်-၁၉ ကာကွယ်ဆေးက  ဘရာဇီးနိုင်ငံရဲ့ နှောင်းပိုင်း အဆင့် စမ်းသပ်ချက်တွေအရ ၇၈ ရာခိုင်နှုန်း ထိရောက်ပြီး ပြင်းထန်တဲ့ ကူးစက်မှုတွေကို လုံးလုံး လျားလျား ကာကွယ်ပေးတယ်လို့  တာဝန်ရှိသူတွေကပြောပါတယ်။ ဒီဇင်ဘာလမှာ  တူရကီသုတေသီတွေက ကြားဖြတ် အချက်အလက်တွေ အပေါ် အစီရင်ခံပြီး  စီနိုဗက်ကာကွယ်ဆေးဟာ ၉၁ ဒသမ  ၂၅ ရာခိုင်နှုန်း ထိရောက်တယ်လို့ ပြောဆိုပြီး အခုလို ရလဒ် ပေါ်ထွက်လာတာပါ။ လက်တင်အမေရိကနဲ့ အရှေ့တောင်အာရှမှာ ကိုဗစ်-၁၉ ရောဂါ ကူးစက်မှု အများဆုံး  နိုင်ငံတွေဖြစ်တဲ့ ဘရာဇီးနဲ့ အင်ဒိုနီးရှားဟာ ကိုရိုနာဗက်လို့လည်းခေါ်တဲ့ စီနိုဗက်ကိုဗစ်-၁၉ ကာကွယ်ဆေးကို ဒီလထဲမှာ ဖြန့်ချိဖို့ ပြင်ဆင်နေပါတယ်။  စီနိုဗက်ရဲ့ ထိရောက်မှုဟာ  ၉၀ ရာခိုင်နှုန်းကျော် ထိရောက်တဲ့ မိုဒါနာနဲ့ ဖိုင်ဇာ ကာကွယ်ဆေးတွေထက်  နောက်ကိုရောက်ပေမဲ့ စီနိုဗက်ဟာ ပို့ဆောင်ရလွယ်ပြီး သာမန်ရေခဲသေတ္တာ အပူချိန်မှာ သိမ်းဆည်းနိုင်ပါတယ်။ တူရကီ ၊ ချီလီ ၊ စင်္ကာပူ ၊ ယူကရိန်းနဲ့ ထိုင်းတို့ကလည်း စီနိုဗက်နဲ့ ကာကွယ်ဆေး ဝယ်ယူရေး စာချုပ် ချုပ်ဆိုထားပါတယ်။  အမေရိကန်ပြီးရင် ကမ္ဘာမှာ ကိုဗစ်-၁၉ ရောဂါကြောင့် ဒုတိယသေဆုံးမှု အများဆုံး ဖြစ်တဲ့ ဘရာဇီးဟာ ၂၀၂၁ ရဲ့ ပထမနှစ်ဝက်မှာ လူဦးရေ လေးပုံတစ်ပုံဖြစ်တဲ့   လူပေါင်း ၅၁  သန်းကို ကိုဗစ်- ၁၉ ကာကွယ်ဆေးထိုးဖို့ ရည်မှန်းထားတယ်လို့ ရိုက်တာက ဖော်ပြပါတယ်။     
4 months Ago

December 31, 2020

တရုတ်ထုတ် ကိုဗစ်-၁၉ ကာကွယ်ဆေး မြန်မာနိုင်ငံကိုရောက်ရှိမည်  

တရုတ်နိုင်ငံက ထုတ်လုပ်တဲ့ ကိုဗစ်-၁၉ ကာကွယ်ဆေးတွေကို ၂၀၂၁ ခုနှစ် အစောပိုင်းကာလမှာ မြန်မာနိုင်ငံကို ရောက်ရှိမယ့် အခြေအနေမှာ ရှိနေတယ်လို့ ပေကျင်းမြို့မှာရှိတဲ့ မြန်မာသံရုံးက သတင်းထုတ်ပြန်ပါတယ်။ တရုတ်နိုင်ငံမှ ထုတ်လုပ်တဲ့ ကိုဗစ်-၁၉ ကာကွယ်ဆေးတွေကို တရုတ်အစိုးရက ၂၀၂၀ ဇွန်လမှာ ခွင့်ပြုပေးခဲ့ပြီး စတင်သုံးစွဲခဲ့တဲ့ အချိန်ကစပြီး မြန်မာသံရုံးအနေနဲ့ တရုတ်နိုင်ငံရဲ့ ကာကွယ်ဆေးထုတ်လုပ်မှု စမ်းသပ်မှုနဲ့ သုံးစွဲမှုတွေကို သေချာလေ့လာစောင့်ကြည့်ခဲ့တယ်လို့ ဆိုပါတယ်။  တရုတ်နိုင်ငံဟာ ကာကွယ်ဆေးစမ်းသပ်ထုတ်လုပ်မှုနဲ့ အဆင့်လိုက်စမ်းသပ်မှုတွေမှာ အောင်မြင်နေပြီး အစိုးရအသိအမှတ်ပြု အရေးပေါ် ခွင့်ပြုချက်ရရှိထားတဲ့ Sinopharm နဲ့ Sinovac Botech တို့ကို ဆက်သွယ်ပြီး မြန်မာသံအမတ်ကြီးက သွားရောက်တွေ့ဆုံခဲ့သလို တချိန်တည်းမှာပဲ တရုတ်နိုင်ငံခြားရေးဝန်ကြီးဌာနနဲ့လည်း တွေ့ဆုံဆွေးနွေးခဲ့တယ်လို့ သိရပါတယ်။  ပေကျင်းမြို့ မြန်မာသံရုံးမှ မြန်မာသံအမတ်ကြီးနဲ့ တရုတ်နိုင်ငံခြားရေးဝန်ကြီးဌာန Sinopharm Sinovac နဲ့ တခြား ရောဂါကာကွယ်ရေးသုတေသနဌာနတွေနဲ့ တွေ့ဆုံဆွေးနွေးမှု ၃၁ ကြိမ်ပြုလုပ်ခဲ့တယ်လို့ သံရုံး ထုတ်ပြန်ချက်မှာ ဖော်ပြထားပါတယ်။
4 months Ago
More News
Up