တက္ကသိုလ်ကျောင်းသားသမဂ္ဂများ

June 22, 2021

မန္တလေးအခြေစိုက် တက္ကသိုလ်ကျောင်းသားသမဂ္ဂများက ဖက်ဆစ်စစ်ကျွန်အလံ မီးရှို့ဆန္ဒပြ

မန္တလေးမြို့မှာ ဇွန် ၂၂ ရက်က မန္တလေးအခြေစိုက် တက္ကသိုလ်ကျောင်းသားသမဂ္ဂတွေက ဖက်ဆစ်စစ်ကျွန်အလံကို  မီးရှို့ဆန္ဒပြခဲ့ကြပါတယ်။

၂၀၀၈ စစ်ကျွန်ဖွဲ့စည်းပုံနဲ့အတူ ကပ်ပါလာတဲ့ စစ်ကျွန်အလံ (ဝါစိမ်းနီအလံ)ကို မီးရှို့ခဲ့တာလို့  မန္တလေးအခြေစိုက် တက္ကသိုလ်ကျောင်းသားသမဂ္ဂများ သပိတ်စစ်ကြောင်း ပြန်ကြားရေးတာဝန်ခံ တစ်ဦးက ပြောပါတယ်။ 

"ခုအခါ ပြည်သူ့ဆန္ဒအရ ပြည်ထောင်စုလွှတ်တော်ကိုယ်စားပြုကော်မတီက ၂၀၀၈ စစ်ကျွန်ဖွဲ့စည်းပုံ အား ဖျက်သိမ်းလိုက်ပြီဖြစ်ပါတယ်။ ဒါကြောင့် ကျွန်ုပ်တို့ တကသတွေကလည်း ၂၀၀၈ စစ်ကျွန်ဖွဲ့စည်းပုံဥပဒေ ဖျက်သိမ်းခြင်းနဲ့အတူ ဒီ သွေးညှီနံ့တွေနဲ့ စွဲကပ်နေတဲ့ ဖက်ဆစ်စစ်ကျွန်အလံအား တပါးတည်း မီးရှို့ ဖျောက်ဖျက်ပစ်လိုက်တာပါ”။ 

ဆန္ဒပြကျောင်းသားတွေဟာ   ဖက်ဆစ်ဝါဒ ဆန့်ကျင်ကြ၊ ဖက်ဆစ်စစ်တပ် အမြစ်ဖြတ်စတဲ့ ကြွေးကြော်သံတွေနဲ့  စစ်အာဏာရှင်ကို ငြိမ်းချမ်းစွာ ဆန့်ကျင် ဆန္ဒထုတ်ဖော်ခဲ့ကြပါတယ်။

Photo - Panda

3 months Ago

April 4, 2021

ကျောင်းသားသမဂ္ဂများက CRPH ထံ ဖက်ဒရယ်ဒီမိုကရေစီပညာရေး ကတိပြုချက် တောင်းဆို

မြန်မာနိုင်ငံတဝန်းက တက္ကသိုလ်၊ ကောလိပ်၊ သိပ္ပံ ကျောင်းသားသမဂ္ဂပေါင်း ၁၂၀ ကျော်က ပြည်ထောင်စုလွှတ်တော်ကိုယ်စားပြုကော်မတီ(CRPH) ထံကို အချက် ၉ ချက်ပါ ဖက်ဒရယ်ဒီမိုကရေစီ အနာဂတ်ပညာရေးအတွက်  ကတိပြုလွှာကို တောင်းဆိုလိုက်ပါတယ်။

အဆိုပါ ကတိပြုလွှာထဲမှာတော့ ပညာရေးဟာ လူ့အခွင့်အရေး ဖြစ်တဲ့အပြင် ဖွဲ့ စည်းပုံအခြေခံဉပဒေဆိုင်ရာ အခွင့်အရေးလည်း ဖြစ်ကြောင်း၊ ဖက်ဒရယ်ဒီမိုကရေစီပညာ ရေးစနစ်အတွက် အာမခံချက်ထားရှိခြင်းဟာ လူမျိုးကြီးဝါဒနဲ့ ဖက်ဆစ်အာဏာရှင်စနစ် တိုက်ဖျက်ရေးနဲ့ ဖက်ဒရယ်ဒီမိုကရေစီစနစ်တည်ဆောက်ရေးမှာ အရေးကြီးတဲ့ ကဏ္ဍက ပါဝင်တယ်လို့ ယုံကြည်ကြောင်း ဖော်ပြထားခဲ့တာပါ။

ဒါကြောင့်မို့ ဖက်ဒရယ်ဒီမိုကရေစီပညာရေးအတွက် အချက် ၉ ချက်ကို အာမခံချက် အမြန်ဆုံးပေးဖို့ လိုအပ်ကြောင်း တောင်းဆိုလိုက်တာ ဖြစ်ပါတယ်။

အချက် ၉ ချက်ကတော့ ပညာရေးမူဝါဒ၊ ဉပဒေများ၊ နည်းဉပဒေများ၊ ဆက်စပ်ဉပဒေများ ရေးဆွဲရာတွင် ကျောင်းသား သမဂ္ဂကိုယ်စားလှယ်များ၊ ဆရာသမဂ္ဂကိုယ်စားလှယ်များနှင့် ပညာရှင်များ ပါဝင်ရေး၊ တက္ကသိုလ်များ ကိုယ်ပိုင်အုပ်ချုပ်ခွင့်ရရှိရေး၊ ပညာရေးလွတ်လပ်ခွင့်ရရေး၊ လူမျိုးအလိုက်၊ ဒေသအလိုက်၊ ကျောင်းအလိုက် ကိုယ်ပိုင်ပြဋ္ဌာန်းခွင့်ရှိတဲ့  ပညာရေးဖြစ်ဖို့ပါဝင်ပါတယ်။

ဒါ့အပြင် ဖက်ဒရယ်သဘောမူဝါဒများနှင့်အညီ လူမျိုးစုံဘာသာစကား၊ စာပေလွတ်လပ်ခွင့်နှင့် မိခင်ဘာ သာစကား အခြေပြုသော ဘာသာစကားစုံ ပညာရေး၊  လူတိုင်းအကျုံးဝင်ပညာရေး၊ ကျောင်းသားအားလုံး ပညာရေးအခွင့်အလမ်း သာတူညီမျှရရှိရေး၊ ပဋိပက္ခများကြောင့် နစ်နာဆုံးရှုံးရသူများ၏ ပညာရေးဆိုင်ရာ လိုအပ်ချက်များကို ဖြည့်ဆည်း ရေးနဲ့ အရည်အသွေးပြည့်မီရန်လိုအပ်ချက်ကို ဖြည့်ဆည်းသော ဘဏ္ဍာရေးမူဝါဒ ထားရှိရေးတို့ဖြစ်ပါတယ်။

တက္ကသိုလ်ကျောင်းသားသမဂ္ဂများရဲ့ ဧပြီ ၄ ရက် ရက်စွဲနဲ့ ဒီထုတ်ပြန်ချက်ကိုတော့ ရန်ကုန်တက္ကသိုလ်၊ မန္တလေးတက္ကသိုလ်တို့အပါအဝင် မြန်မာနိုင်ငံတဝန်းက တက္ကသိုလ်၊ ကောလိပ်၊ သိပ္ပံ ကျောင်းသားသမဂ္ဂပေါင်း ၁၂၁ ခု ပူးပေါင်းထုတ်ပြန်လိုက်တာ ဖြစ်ပါတယ်။

6 months Ago
Up