ညမထွက်ရအမိန့်

November 26, 2021

ထိုင်းနိုင်ငံ ခရိုင်အချို့တွင် ညမထွက်ရအမိန့် ဒီဇင်ဘာ ၁ ရက်မှ စတင်ရုပ်သိမ်းမည်

ထိုင်းနိုင်ငံမှာ ကိုဗစ်-၁၉ ကူးစက်မှုလျော့ချရေးအတွက် ထုတ်ပြန်ထားတဲ့ ညမထွက်ရအမိန့်ကို ဒီဇင်ဘာ ၁ ရက်နေ့ကစတင်ပြီး သတ်မှတ်ဇုန်နယ်မြေ  ခရိုင်တချို့မှာ စတင်ရုပ်သိမ်းမယ်လို့ ထိုင်းနိုင်ငံ ကိုဗစ်-၁၉ အခြေအနေ ထိန်းချုပ်ကွပ်ကဲရေး ဗဟိုကော်မတီက ပြောပါတယ်။ 

ထိုင်းနိုင်ငံမှာ ညမထွက်ရအမိန့်ကို နယ်မြေ အခြေအနေအလိုက်ဖြေလျော့ပေးခဲ့ရာမှာ စက်တင်ဘာ ၂၁ ရက်က ည ၉ နာရီမှ မနက် ၄ နာရီထိ၊ အောက်တိုဘာ ၁ ရက်နေ့ ည ၁၀ နာရီမှ မနက် ၄ နာရီထိ၊  အောက်တိုဘာ ၁၄ ရက်က ည ၁၁ နာရီမှ မနက် ၃ နာရီထိ အဆင့်ဆင့်ဖြေလျော့ပေးခဲ့ပြီး  လာမယ့် ဒီဇင်ဘာ ၁ ရက်ကစလို့ ညမထွက်ရအမိန့် ရုပ်သိမ်းတော့မယ်လို့ ထိုင်းကိုဗစ်ထိန်းချုပ်ရေးကော်မတီ ပြောခွင့်ရ ဒေါက်တာ ထဝီးဆင် ဝိစနုယိုးထင်းက နိုဝင်ဘာ ၂၆ ရက် သတင်းစာရှင်းပွဲမှာ ပြောပါတယ်။

ဒါပေမဲ့ အရေးပေါ်အခြေအနေထုတ်ပြန်ထားတာကိုတော့ မရုပ်သိမ်းပဲ လာမယ့် ၂၀၂၂ ဇန်နဝါရီ ၃၁ ရက်နေ့အထိ အချိန် ၂ လတာ ထပ်မံတိုးမြှင့်လိုက်ပါတယ်။ 

ကိုဗစ်-၁၉ ကူးစက်မှုမြင့်မားလို့ အနီရင့်ရောင်ဇုန် ( အမြင့်ဆုံးထိန်းချုပ်ဇုန်) လို့ ကြေညာခဲ့တဲ့ ခရိုင် ၆ ခု (တာ့ခ်၊ နခွန်းဆီထမရတ်၊ နာရာသီဝပ်၊ ပတ္တနီ၊ ယလား၊ ဆုန်ခလာ) ကိုလည်း သုညဇုန်အဖြစ်သတ်မှတ်ပြီး ကူးစက်မှုလျော့ပါးတဲ့ အခြေအနေအလိုက် အနီရောင်၊ လိမ္မော်ရောင်၊ အစိမ်းရောင် စတဲ့ ဇုန်တွေကို လျော့ချသတ်မှတ်လိုက်ပါတယ်။

နိုင်ငံခြားခရီးသွားလည်ပတ်လို့ရတဲ့ အပြာရောင်ဇုန် ၄ ခရိုင်သာ သတ်မှတ်ထားရာမှာ နောက်ထပ် ၃ ခရိုင်တိုးပြီး စုစုပေါင်း ၇ ခရိုင်ထိ ရှိလာပါတယ်။ အဆိုပါ ခရိုင်တွေထက ဘန်ကောက်၊ နွန်ထပူရီ၊ ကရပီ၊ ကန်ကျနပူရီ၊ ပထုန်ဌာနီ၊ ဖန်င နဲ့ ဖူးကက်ခရိုင်တို့ ဖြစ်ပါတယ်။

အရက်ဘီယာဘားဆိုင်တွေလည်း လာမယ့် ဒီဇင်ဘာ ၁၆ ရက်နေ့ကစပြီး ည ၁၁ ရီထိ ဖွင့်ခွင့်ပြု မယ်လို့ ဒီကနေ့ သတင်းစာရှင်းပွဲမှာ ထည့်သွင်းပြောကြားပါတယ်။ 

ကိုးကား - https://www.matichon.co.th/politics/news_3059391

2 months Ago

October 16, 2021

မအူပင်မြို့မရဲစခန်းဝင်းထဲ ဗုံး ၃ လုံးပေါက်ကွဲ၊ ညမထွက်ရအမိန့်ထုတ်ပြန်

ဧရာ၀တီတိုင်း၊ မအူပင်မြို့နယ်မှာ အောက်တိုဘာ ၁၅ ရက်နေ့ညပိုင်းက လုံခြုံရေးတင်းကျပ်ထားတဲ့ မြို့မ ရဲစခန်းဝင်းထဲ ဗုံး ၃ လုံး ပေါက်ကွဲခဲ့တယ်လို့ သိရပါတယ်။

အမှတ် ၄ ရပ်ကွက်၊ အောင်ဇေယျလမ်းမှာရှိတဲ့ မြို့မရဲစခန်းဝင်းရဲ့ ဝန်ထမ်းအိမ်ရာ အနောက်ထောင့်မှာ ည ၆ နာရီ ၄၀ လောက်က ဗုံးစတင်ပေါက်ကွဲခဲ့ပြီး ည ၇ နာရီခွဲလောက်မှာ ဗုံး ၂ လုံး ထပ်မံပေါက်ကွဲခဲ့တာလို့ ဒေသခံတွေက ပြောပါတယ်။

မြစ်ဝကျွန်းပေါ်ပြောက်ကျားစစ်ဆင်ရေးတပ်ပေါင်းစုက တာဝန်ရှိသူတဦးက “ကျနော်တို့ မြစ်ဝကျွန်းပေါ်ပြောက်ကျားစစ်ဆင်ရေး တပ်ပေါင်းစုနဲ့ မအူပင်မြို့ပြပြောက်ကျားတပ်ဖွဲ့ ပူးပေါင်းပြီးလုပ်တာပါ။ အားလုံး ၃ လုံးထောင်ထားတာ။ နောက်လည်း စစ်အုပ်စုရဲ့ ထောက်တိုင်နေရာတွေကို တိုက်ခိုက်သွားမှာပါ” လို့ ပြောပါတယ်။

သံဆူးကြိုးဘယ်ရီဂိတ်တွေနဲ့ အထပ်ထပ်လုံခြုံရေးတင်းကျပ်ထားတဲ့ ရဲစခန်းဝင်းရဲ့ လိုင်းခန်းထောင့်မှာ ဗုံး ၃ လုံးပေါက်ကွဲခဲ့ပေမယ့် သေဆုံးထိခိုက် ဒဏ်ရာရရှိတာတော့ မရှိခဲ့ဘူးလို့ ဆိုပါတယ်။

ရဲစခန်းဝင်းထဲ ဗုံး ၃ လုံးပေါက်ကွဲပြီးတဲ့နောက် မအူပင်မြို့မှာ ညမထွက်ရ ပုဒ်မ ၁၄၄ အမိန့် ထုတ်ပြန်လိုက်တယ်လို့ သိရပါတယ်။

မအူပင်မြို့မှာ တညတည်း ဗုံး ၃ လုံးဆက်တိုက် ပေါက်ကွဲခဲ့သလို အောက်တိုဘာ ၂ ပတ်အတွင်း ဗုံးပေါက်ကွဲမှု ၃ ကြိမ်ရှိခဲ့တယ်လို့ သိရပါတယ်။

3 months Ago
More News
Up