ဆီနီဂေါ

July 20, 2019

အယ်လ်ဂျီးယားက ဆီနီဂေါကို အနိုင်ယူပြီး အာဖရိကနိုင်ငံများဖလား ဗိုလ်စွဲ (ရုပ်သံ)

အာဖရိကနိုင်ငံများဖလားပြိုင်ပွဲ  ဗိုလ်လုပွဲကို အီဂျစ်နိုင်ငံမှာ ဒီနေ့မနက်အစောပိုင်း ယှဉ်ပြိုင်းကစားရာမှာ အယ်လ်ဂျီယားအသင်းက ဆီနီဂေါကို ၁ ဂိုး ဂိုးမရှိနဲ့ အနိုင်ရရှိသွားပါတယ်။ အာဖရိကနိုင်ငံများဖလား ဗိုလ်လုပွဲမှာ ဆီနီဂေါအသင်းက ဘောလုံးပိုင်ဆိုင်မှု အပြတ်အသတ် ၆၄ ရာခိုင်နှုန်းအထိ အသာစီးယူကစားနိုင်ခဲ့ပေမယ့် ပထမပိုင်း ပွဲစစချင်း သွင်းဂိုးနဲ့ ရှုံးနိမ့်ခဲ့တာပါ။ ဂိုးပေါက်ကန်သွင်းခွင့်မှာတော့ အယ်လ်ဂျီးယားအသင်းက ပိုမို အခွင့်အရေးရရှိခဲ့ပြီး တလုံးတည်းသော အနိုင်ဂိုးကို ပွဲကစားချိန် ၂ မိနစ်မှာ  ဘက်ဂ်ျဒက် ကန်သွင်းတဲ့ ဘောလုံး ဆီနီဂေါ နောက်ခံလူ ခြေထောက်နဲ့ ထိပြီး ဂိုးဝင်သွားခဲ့တာပါ။ ပြီးခဲ့တဲ့ ဇူလိုင် ၁၈ ရက်နေ့က ကစားခဲ့တဲ့ အာဖရိကနိုင်ငံများဖလား တတိယနေရာလုပွဲမှာတော့ နိုင်ဂျီးရီးယားအသင်းက တူနီးရှားကို ၁ ဂိုး ဂိုးမရှိနဲ့ အနိုင်ရရှိခဲ့ပါတယ်။
2 years Ago

July 15, 2019

တူနီးရှားကိုနိုင်ပြီး ဆီနီဂေါ အာဖရိကနိုင်ငံများဖလား ဗိုလ်လုပွဲတက် (ရုပ်သံ)

အာဖရိကနိုင်ငံများဖလားပြိုင်ပွဲ ဆီမီးဖိုင်နယ်ပွဲစဉ်အဖြစ် ဆီနီဂေါနဲ့ တူနီးရှားတို့ မနေ့ကယှဉ်ပြိုင်ရာ ဆီနီဂေါက တဂိုး ဂိုးမရှိနဲ့နိုင်ပြီး ဗိုလ်လုပွဲ တက်ရောက်သွားပါတယ်။ ဆီနီဂေါအသင်းအတွက်တော့ အာဖရိကနိုင်ငံများဖလားပြိုင်ပွဲ ဗိုလ်လုပွဲကို ဒုတိယအကြိမ်မြောက် တက်လှမ်းနိုင်တာ ဖြစ်ပါတယ်။ အဓိက တိုက်စစ်မှူး မာနေး၊ နီယန်၊ ဂူယီတို့နဲ့ ဦးဆောင် ပွဲထွက်လာတဲ့ ဆီနီဂေါအသင်းဟာ ဘောလုံးပိုင်ဆိုင်မှု အနည်းငယ် အသာရပေမယ့် ထိုးဖောက်ကန်သွင်းရာမှာတော့ တူနီရှားက အသာရခဲ့ပါတယ်။ ပွဲကစားချိန် မိနစ် ၉၀ အတွင်းမှာ နှစ်သင်းစလုံး ပယ်နယ်တီ တကြိမ်စီ ကန်သွင်းခွင့်ရပေမယ့် ဂိုးအဖြစ်တော့ မပြောင်းလဲနိုင်ဘဲ သရေကျနေလို့ အချိန်ပို ဆက်လက်ယှဉ်ပြိုင်ခဲ့ရပါတယ်။ အချိန်ပို ၁၀၁ မိနစ်အရောက်မှာတော့ တူနီရှားနောက်ခံလူရဲ့ ကိုယ့်ဂိုးကိုယ်သွင်းမိတာကြောင့် ဆီနီဂေါအသင်း တလုံးတည်းသော အနိုင်ဂိုးနဲ့ နောက်ဆုံးဗိုလ်လုပွဲ တက်လှမ်းနိုင်ခဲ့ပါတယ်။ နောက်ဆုံးဗိုလ်လုပွဲကိုတော့ လာမယ့် ဇူလိုင် ၁၉ ရက်နေ့ ယှဉ်ပြိုင်မှာဖြစ်ပြီး ဆီနီဂေါနဲ့ အယ်လ်ဂျီးရီးယားတို့ ဗိုလ်လုရမှာ ဖြစ်ပါတယ်။
2 years Ago
More News
Up