ဆိုးလ်ရှာ

December 3, 2020

ပီအက်စ်ဂျီကို ရှုံးခဲ့သည့်ပွဲ၌ ဖရက်ဒ်ကို လူစားလဲရန် စဉ်းစားခဲ့ဟု မန်ယူနည်းပြဆိုးလ်ရှား ပြော

ဒီမနက်အစောပိုင်းကန်သွားတဲ့ ချန်ပီယံလိဂ် အုပ်စုပွဲစဉ်မှာ ယူနိုက်တက်အသင်းဟာ ပီအက်စ်ဂျီအသင်းကို  ၃ ဂိုး ၁ ဂိုးနဲ့ရှုံးနိမ့်ခဲ့ပြီး ဒီရလဒ်ကြောင့်    အုပ်စုကနေ နောက်တဆင့်တက်ရေး မေးခွန်းထုတ်စရာဖြစ်လာခဲ့ပါပြီ။  ဒီပွဲမှာပီအက်စ်ဂျီတိုက်စစ်မှူး နေမာက ပွဲချိန် ၆ မိနစ်မှာအသင်းအတွက် ဦးဆောင်ဂိုးကို သွင်းယူပေးခဲ့ပြီး ယူနိုက်တက်တိုက်စစ်မှူး ရက်ဖို့ဒ်က ဘစ်ဆာခါရဲ့ဖန်တီးပေးမှုကနေ ၃၂ မိနစ်မှာချေပနိုင်ခဲ့ပါတယ်။ ဒါပေမဲ့ ပီအက်စ်ဂျီအသင်းဘက်က မာကွင်ဟိုနဲ့ နေမာတို့ထပ်မံသွင်းယူတဲ့ အနိုင်ဂိုးတွေကိုတော့ ယူနိုက်တက်အသင်းဘက်က ပြန် လည်ချေပနိုင်ခဲ့ခြင်းတော့ မရှိခဲ့ပါဘူး။ ဒီပွဲမှာ မန်ယူကစားသမား ဖရက်ဒ်ဟာ ပီအက်စ်ဂျီအသင်းက အန်ဒါဟာရဲရားကို ပြစ်ဒဏ်ကျူး လွန်ခဲ့တာကြောင့် ဒုတိယအဝါကတ်နဲ့ အထုတ်ခံခဲ့ရတာပါ။  အဲ့ဒီချိန်မှာ ယူနိုက်တက်အသင်းဟာ ၂ ဂိုး ၁ ဂိုးနဲ့ ရှုံးနိမ့်နေခဲ့တာဖြစ်ပြီး ဖရက်ဒ်မထွက်ခင် ၁ မိနစ်လောက်မှာ ပီအက်စ်ဂျီကစားသမား မာကွင်ဟိုစ်က ပီအက်စ်ဂျီအတွက် ဒုတိယမြောက် ဦးဆောင်ဂိုး ကို သွင်းယူခဲ့ပါတယ်။  ဒီနေ့ပွဲမှာ ဖရက်ဒ်ဟာ ယူနိုက်တက်အသင်းအတွက်ခြေစွမ်းပြနိုင်ခဲ့ပေမဲ့ ဒုတိယပိုင်း ပွဲချိန် ၇၀ မိနစ်မှာအထုတ်ခံခဲ့ရတာဖြစ်ပြီး ပွဲချိန် ၂၃ မိနစ်ကတည်းက ပထမအဝါကတ် ပထမအကြိမ် ပြခံခဲ့ရတာဖြစ်ပါတယ်။  ပြိုင်ဘက်ကစားသမားကို ခေါင်းနဲ့တိုက်ခဲ့တာကြောင့် အဝါကတ်ပြခံရတာဖြစ်ပြီး  အများစုကတော့ အဲ့ဒီအချိန်ကတည်းက အနီကတ်နဲ့ အထုတ်ခံခဲ့ရသင့်တယ်လို့ ယူဆခဲ့ပါတယ်။  ဒီလိုယူဆသူတွေထဲမှာ ယူနိုက်ကတ်အသင်းရဲ့ အသင်းခေါင်းဆောင် ဟယ်ရီမက်ဂွဲယား လည်း ပါဝင်ပါ တယ်။  နည်းပြဆိုးလ်ရှားကတော့ ဖရက်ဒ်ကို ဒုတိယပိုင်းမှာလူစားလဲဖို့ စဉ်းစားခဲ့တယ်လို့ ပွဲအပြီးမှာ ဝန်ခံပါတယ်။  “ ဒါကို စဉ်းစားခဲ့ပါတယ်။ ဖရက်ဒ်ရဲ့ခြေစွမ်းကလည်း ကောင်းခဲ့ပါတယ်။ တည်တည်ငြိမ်ငြိမ် နဲ့ ကစားသွားဖို့ ကျနော်တို့ ပြောဆိုခဲ့ပါတယ်။ ဒါပေမယ့်ဒုတိယအဝါကတ်ကတော့ မပေးသင့်ပါဘူး။ ပထမအဝါကတ်အတွက်ကတော့ ဖရက်ဒ်ဟာ သူ့ရဲ့ခေါင်းကို အသုံးမပြုခဲ့သင့်ပါဘူး။ သူ့လုပ် ရပ်က ပြိုင်ဘက်ကို ထိခဲ့တယ်လို့ မထင်ပေမဲ့ တိုက်ရိုက်အနီကတ် မထိခဲ့တာကတော့ သူ ကံကောင်းခဲ့တာပါ” လို့ ဆိုးလ်ရှားက ပြောပါတယ်။  ယူနိုက်တက်အသင်းအတွက် အရှုံးနာစေခဲ့တာက အားထားရတဲ့တိုက်စစ်မှူး ရက်ဖို့ဒ် ပခုံးဒဏ်ရာ ရရှိသွားခဲ့တာဖြစ်ပြီး ဆိုးလ်ရှားကတော့ ဝက်စ်ဟမ်းနဲ့ပွဲအမီ တိုက်စစ်မှူး ပြန်လည်သက်သာလာမယ်လို့မျှော်လင့်ထားပါတယ်။ 
5 months Ago

October 15, 2020

စပါးကိုရှုံးခဲ့သည့်ပွဲ၌ ဆိုးလ်ရှားနှင့်ပြဿနာမတက်ခဲ့ဟု ဖာနန်ဒက်စ် ရှင်းလင်း

စပါးအသင်းကို ရှုံးနိမ့်ခဲ့တဲ့ပွဲမှာ ယူနိုက်တက်နည်းပြဆိုးလ်ရှားနဲ့ စကားများခဲ့တယ်ဆိုတဲ့ သတင်းတွေကို ကွင်းလယ်လူ ဘရူနိုဖာနန်ဒက်စ်က ငြင်းဆိုပါတယ်။  ဖာနန်ဒက်စ်ဟာ စပါးနဲ့ပွဲ ပထမပိုင်းအပြီး အကြီးအကျယ်ပေါက်ကွဲခဲ့တယ်လို့ သတင်းတွေမှာ ဖော်ပြထားပြီး သူဟာ ၄ ဂိုး ၁ ဂိုးနဲ့ရှုံးနိမ့်နေချိန်မှာ လူစားလဲခံခဲ့ရပါတယ်။  ပေါ်တူဂီကစားသမားဟာ စပါးနဲ့ပွဲမှာ ပင်နယ်တီကနေ အဖွင့်ဂိုးသွင်းယူနိုင်ခဲ့ပေမဲ့ ပထမပိုင်းအပြီးမှာ ဆိုးလ်ရှားနဲ့စကားများခဲ့တာကြောင့် လူစားလဲခံခဲ့ရတာလို့ သတင်းတွေမှာ ရေးသားခဲ့ကြပါတယ်။ ဖာနန်ဒက်စ်က “ဒီကိစ္စနဲ့ပတ်သက်ပြီး ခန့်မှန်းရေးသားနေတာတွေ အများကြီးတွေ့နေရပါတယ်။ ဒါဟာသာမန်ဆွေးနွေးမှုပါပဲ။ ပထမဆုံးအသင်းဖော်တဦးဖြစ်တဲ့ ဗစ်တာလင်ဒီလော့ဖ်နဲ့ စကားပြောဆွေးနွေးခဲ့ပါတယ်။ ဒါဟာ စကားများတာမဟုတ်ပါဘူး။ နောက်တော့ ဆိုးလ်ရှားနဲ့ပြောဆို ဆွေးနွေးခဲ့ပါတယ်။ ကျနော့်အထင် ဒါဟာ ကျနော်တို့ကို စည်းလုံးမှုပျက်ပြားအောင်လုပ်ဆောင်ခြင်းပါ။ သူတို့ပြောနေတာတွေက တခုမှမဟုတ်ပါဘူး။ ကျနော့်ကို ပထမပိုင်းမှာလူစားလဲခဲ့တာအမှန်ပဲ။ ဒါပေမဲ့ ဒါဟာ နည်းပြရဲ့နည်းဗျူဟာအပြောင်းအလဲပါ။ ဒီပွဲက ပြီးသလောက်နီးနီးရှိနေကြောင်း၊ နောက်ပွဲတွေ အများကြီးရှိသေးကြောင်း နည်းပြက ကျနော့်ကိုပြောခဲ့ပါတယ်။ ကျနော်လူစားလဲခံရလို့ အဆင်မပြေဖြစ်ခဲ့ပေမဲ့ လက်ရှိအစုအဖွဲ့အပေါ် ထိခိုက်စေမယ့် ဘာမှမပြောခဲ့ပါဘူး” လို့ ပေါ်တူဂီ-ဆွီဒင်ပွဲအပြီးမှာ ဖာနန်ဒက်စ်က ပြောဆိုခဲ့တာပါ။ ပရီးမီးယားလိဂ်အဖွင့်ပွဲ ၃ ပွဲမှာ ၁ ပွဲသာ အနိုင်ရရှိခဲ့တဲ့ အခြေအနေကြောင့် ဆိုးလ်ရှားဟာ ယူနိုက်တက်အသင်းမှာ ဖိအားတွေအောက်ရောက်ရှိနေပါတယ်။  ဒါပေမယ့် ဖာနန်ဒက်စ်ကတော့ ယူနိုက်တက်အနေနဲ့ ဖိအားတွေအောက်ကနေ ရုန်းထွက်ကာ လာမယ့် နယူးကာဆယ်နဲ့ပွဲမှာ ကောင်းမွန်တဲ့ ခြေစွမ်းနဲ့ တုံ့ပြန်ဖို့ အဆင်သင့်ဖြစ်နေပြီး ထင်ရာမြင်ရာတွေ ပြောဆိုရေးသားနေမှုကို ရပ်လိုက်ဖို့ သတိပေးပါတယ်။  “ကျနော့်နာမည်၊ ကျနော့်မိတ်ဆွေတွေနာမည် ဒါမှမဟုတ် အသင်းနည်းပြနာမည်ကို သုံးပြီး ယူနိုက်တက်အသင်းကို ထိခိုက်အောင်မလုပ်သင့်ပါဘူး။”
7 months Ago
More News
Up