ဆိုင်းငံ့

April 3, 2021

ရိုးမဘဏ်က ချေးငွေပြန်ဆပ်ရမည့် ကာလကို ဧပြီလကုန်ထိ ဆိုင်းငံ့

မြန်မာပြည်တွင်း ပုဂ္ဂလိကဘဏ်တခုဖြစ်တဲ့ ရိုးမဘဏ်က ချေးငွေရယူထားသူတွေ ပြန်လည်ပေးဆပ်ရမယ့် ကာလကို အခုဧပြီလကုန်ထိ ဆိုင်းငံ့လိုက်တယ်လို့ ထုတ်ပြန် ထားပါတယ်။

ဒီထုတ်ပြန်ချက်ထဲမှာတော့ ကိုဗစ်-၁၉  ကပ်ရောဂါသက်ရောက်မှုနဲ့ လတ်တလော အခြေအနေတွေကြောင့် အခက်အခဲဖြစ်နေကြတဲ့ Customer တွေကို ပံ့ပိုးကူညီနိုင်ဖို့ ရိုး မဘဏ်အနေနဲ့ ချေးငွေ ပြန်လည်ပေးဆပ်မှုအစီအစဉ်ကို တိုးမြှင့်ပေးလိုက်တာလို့ ဖော်ပြပါတယ်။

ခုလိုချေးငွေပြန်လည်ပေးအပ်မှု ဆိုင်းငံ့ခြင်းအစီအစဉ်မှာ ပြီးခဲ့တဲ့ ဖေဖော်ဝါရီ ၁ ရက်နေ့မှာ ချေးငွေပြန်လည်ပေးဆပ်ဖို့ ရက်ပေါင်း ၈၉ ရက်အထိ ပျက်ကွက်တဲ့ Customer တွေလည်း အကျုံးဝင်ပြီး ဖေဖော်ဝါရီ၊ မတ်၊ ဧပြီ ၃ လအတွက် ချေးငွေ ပြန်လည်ပေးဆပ်မှု နောက်ကျကြေးတွေကိုလည်း ကောက်ခံမှာမဟုတ်ဘူးလို့ ဆိုပါတယ်။

မြန်မာနိုင်ငံအတွင်းက အသေးစားနဲ့အလတ်စား လုပ်ငန်းတွေကို ငွေထုတ်ချေးရာမှာ အကူအညီရစေဖို့ နိုင်ငံတကာ ငွေကြေးအဖွဲ့အစည်းတခုဖြစ်တဲ့ IFC က ၂၀၁၄ ခုနှစ်မှာ  ရိုးမဘဏ်ကို ငွေထုတ်ချေးခဲ့ပါတယ်။ အဲဒီနောက် ၂၀၁၉ ခုနှစ်မှာတော့ IFC ရဲ့ ချေးငွေတွေကို ရိုးမဘဏ်ရဲ့ အစုရှယ်ယာအဖြစ် အသွင်ပြောင်းလဲခဲ့တာကြောင့် ရိုးမဘဏ်ဟာ မြန်မာနိုင်ငံမှာ ပထမဦးဆုံး နိုင်ငံခြားရင်းနှီးမြှုပ်နှံမှု ပြုလုပ်တဲ့ ပုဂ္ဂလိကဘဏ်တခု ဖြစ်လာခဲ့တာပါ။

ဒါ့အပြင် GIC (Greenwood Capital Pte Ltd) နဲ့ Norfund တို့ကလည်း ၂၀၂၀ ပြည့်နှစ်အစောပိုင်းက ရိုးမဘဏ်မှာ ငွေကျပ် ၁၃၀ ဘီလီယံ တန်ဖိုးရှိတဲ့ အစုရှယ်ယာတွေ ထည့်ဝင် ရင်းနှီးမြှုပ်နှံထားတယ်လို့ ရိုးမဘဏ်ရဲ့ ဝက်ဘ်ဆိုက်ဒ်စာမျက်နှာပေါ်မှာ ဖော်ပြထားပါတယ်။

လတ်တလောမှာတော့ စစ်အာဏာသိမ်းမှု ၂ လအကြာ မြန်မာနိုင်ငံမှာ ကုန်သွယ် ရေးလုပ်ငန်းတွေ ရပ်ဆိုင်းတာတွေ၊ ပုဂ္ဂလိကဘဏ်တွေ ပိတ်ထားရပြီး အင်တာနက်လိုင်းတွေပါ ပိတ်ထားတဲ့အတွက် ငွေပေးငွေယူလုပ်ငန်းတွေ၊ အွန်လိုင်းအရောင်းအဝယ်နဲ့ ငွေ ကြေးစီးဆင်းမှုတွေ ထိခိုက်လာတဲ့အပြင် အများပြည်သူတွေကြား လည်ပတ်သုံးစွဲနေတဲ့ ငွေကြေးထုတ်ယူရရှိနိုင်ဖို့ အခက်အခဲတွေနဲ့ပါ ရင်ဆိုင်နေကြရတာ ဖြစ်ပါတယ်။

1 month Ago

December 28, 2020

နိုင်ငံခြားသားများကို ပြည်ဝင်ခွင့်ဆိုင်းငံ့မည်ဟု ဂျပန်အစိုးရ ကြေညာ

ဂျပန်နိုင်ငံကို ဗြိတိန်နိုင်ငံကနေ ရောက်လာသူတွေထံကနေ ကိုရိုနာဗိုင်းရပ်စ် မူကွဲသစ်ကို စစ်ဆေးတွေ့ရှိရလို့ ဒီဇင်ဘာ ၂၈ရက်က စပြီး ဇန်နဝါရီလကုန်ထိ ဂျပန် မဟုတ်သူတွေ ပြည်တွင်း ဝင်ခွင့်ကို ဆိုင်းငံ့မယ်လို့ ဂျပန်အစိုးရက ဒီဇင်ဘာ ၂၇ ရက်မှာ ကြေညာလိုက်ပါတယ်။  အသစ်ဝင်လာတဲ့ နိုင်ငံခြားသားတွေဟာ ဂျပန်နိုင်ငံထဲကိုဝင်ဖို့ ပြည်ဝင်ခွင့်အသစ်ကို လျှောက်ထားဖို့ကိုလည်း လမ်းညွှန်ထားပါတယ်။ ဂျပန်မှာ လေဆိပ်ပြင်ပ ပထမဆုံးတွေ့မှုအနေနဲ့ ဗြိတိန်မှာ တွေ့ထားတဲ့ ကိုရိုနာဗိုင်းရပ်စ် မူကွဲသစ် ကူးစက်ခံလူနာတွေကို တိုကျိုမြို့ထဲမှာ တွေ့ထားပြီလို့ ကျန်းမာရေးလုပ်သားနဲ့ လူမှုဖူလုံရေးဝန်ကြီးဌာနက ဒီဇင်ဘာ ၂၆ ရက်မှာ ပြောပါတယ်။ ဗြိတိန်မှာ စတွေ့ခဲ့တဲ့ ကိုဗစ်-၁၉ ကပ်ရောဂါ မူကွဲသစ် ကူးစက်ခံ ၅ ယောက်က ဂျပန် နိုင်ငံတကာလေဆိပ်တွေက ရောဂါခြေချုပ်ဌာနတွေမှာ ရောက်နေပြီလို့ ဂျပန်အစိုးရက သောကြာနေ့မှာ အတည်ပြုပါတယ်။ သူတို့ ၅ ယောက်စလုံးဟာ ဗြိတိန်ကနေ ဂျပန်ကို ဒီဇင်ဘာ ၁၈ ရက်ကနေ ၂၁ ရက်ကြား ပြန်လာခဲ့သူတွေလို့လည်း သိရပါတယ်။ ဗြိတိန်ကနေ အစပြု ပျံ့နှံ့လာတဲ့ ကိုရိုနာဗိုင်းရပ်စ် မူကွဲသစ်ဟာ ပိုကူးစက်လွယ်တယ်လို့ သိပ္ပံပညာရှင်တွေက ပြောထားပါတယ်။ ဂျပန်မှာ ဒီဇင်ဘာ ၂၆ ရက်နေ့က တရက်တည်းအတွင်း ကိုဗစ်-၁၉ အသစ်ကူးစက်ခံရသူ  ၃,၈၈၁ ယောက် ရှိပြီး ဒါဟာ လေးရက်ဆက်တိုက်အတွင်း နေ့စဉ် လူနာအများဆုံးတွေ့တဲ့ စံချိန်သစ်လည်း ဖြစ်ပါတယ်။
5 months Ago
More News
Up