စစ်ကောင်စီ သတင်းပေး

October 16, 2021

သိမ်ဇရပ်မြို့က စစ်ကောင်စီ သတင်းပေး ၁ ဦး ပစ်သတ်ခံရ

မွန်ပြည်နယ်၊ ကျိုက်ထိုမြို့နယ်၊ သိမ်ဇရပ်မြို့က စစ်ကောင်စီ သတင်းပေးအဖြစ် နာမည်ကြီးတဲ့ ကိုရဲဝင်းဟာ အောက်တိုဘာ ၁၅ ရက် ညနေပိုင်းမှာ သေနတ်ဖြင့် ပစ်သတ်ခံခဲ့ရတယ်လို့ ဒေသခံတွေက  ပြောပါတယ်။

ကိုရဲဝင်းဟာ သေနတ်နဲ့ ပစ်ခတ်ခံရတာကြောင့် ဦးခေါင်းနောက်စေ့ကျည်ထိဒဏ်ရာရပြီး အခင်းဖြစ်နေရာမှာပဲ ပွဲချင်းပြီး သေဆုံးသွားခဲ့တယ်လို့ ဒေသခံတစ်ဦးက ပြောပါတယ်။

စစ်ကောင်စီ သတင်းပေးဖြစ်သူ ကိုရဲဝင်းကို ကျိုက်ထိုတော်လှန်ရေးအင်အားစုရဲ့ သိမ်ဇရပ် Local PDF က သုတ်သင်ရှင်းလင်းခဲ့တာ ဖြစ်တယ်လို့ အတည်ပြု ထုတ်ပြန်ပါတယ်။

ဒါ့အပြင် စစ်ကောင်စီရဲ့ လက်ပါးစေတွေ၊ သတင်းပေးဒလန်တွေနဲ့ စစ်ကောင်စီ ထောက်တိုင်တွေကို ဆက်လက် တိုက်ခိုက်ချေမှုန်းသွားမယ်လို့ ကျိုက်ထိုတော်လှန်ရေးအင်အားစုက ဆိုပါတယ်။

သိမ်ဇရပ်မြို့မှာတော့ စစ်တပ် အာဏာသိမ်းပြီးနောက် စစ်ကောင်စီခန့် အုပ်ချုပ်ရေးမှူးနဲ့ စစ်ကောင်စီ သတင်းပေး ၇ ဦးထက်မနည်း ပစ်သတ်ခံထားရပါတယ်။

1 month Ago

October 4, 2021

မတ္တရာမြို့နယ်ထဲက စစ်ကောင်စီ သတင်းပေး ၁ ဦး ပစ်သတ်ခံရ

မတ္တရာမြို့နယ်ထဲက စစ်ကောင်စီ သတင်းပေးတယောက် ဒီနေ့ မနက်ပိုင်းက သေနတ်နဲ့ ပစ်သတ်ခံရတယ်လို့ ဒေသခံတွေက ပြောပါတယ်။

ကန်ဖြူရွာက စစ်ကောင်စီခန့် အုပ်ချုပ်ရေးမှူးဦးအုန်းမောင်ရဲ့ သားဖြစ်သူ ကျော်ဦး(ခ) ဘဲကျောင်းသားဟာ မနက် ၁၁ နာရီလောက်က ရွာနားမှာပဲ ပစ်ခတ်ခံခဲ့ရတာပါ။

“ကန်ဖြူ လက်ကောင်းကြီးလမ်း အရှေ့ဘက်မှာ ပစ်ခံရတာ။ ပိတောက်ပင်အောက်မှာ။ ၁၂ နာရီကျော် လောက်မှာတော့ ရဲတွေက ဆိုင်ကယ် ၇ စီးနဲ့လာပြီး အလောင်းသယ်သွားတယ်။ ပစ်တာက PACF (People Alliance Collective Force)အဖွဲ့က လို့ သိရတယ်။ မန္တလေးတိုင်းအခြေစိုက်အဖွဲ့ပါ” လို့ ဒေသခံတယောက်က ပြောပါတယ်။

သူဟာ ကန်ဖြူ၊ လက်ကောင်းကြီးလမ်း မန်ကျည်းသုံးပင်ထိပ်တလျှောက် စစ်သားနဲ့ ရဲတွေလာသမျှလမ်းကြောင်းမှာ သတင်းပေးလုပ်နေတာဟာ စစ်တပ်က အာဏာသိမ်းပြီးကတည်းက ဖြစ်တယ်လို့ ဒေသခံတွေက ပြောပါတယ်။ ဒီမတိုင်ခင်ကလည်း ရဲတွေနဲ့ပေါင်းပြီး အမှုပွဲစားနဲ့ သတင်းပေးလုပ်နေတာ ၁၀ နှစ်လောက်ရှိပြီလို့လည်း ဆိုပါတယ်။

အခုလို သေဆုံးတာကို အချင်းချင်း စကားများရန်ဖြစ်ပြီး သေတာလို့ ရဲတွေက သတင်းလွှင့်နေကြောင်းလည်း ဒေသခံတွေက ပြောပါတယ်။ အခုအချိန်အထိတော့ ဒါနဲ့ ပတ်သက်ပြီး ရွာတွေကို စုံစမ်းစစ်ဆေးတာမျိုးတော့ မရှိသေးပါဘူး။

2 months Ago
More News
Up