စစ်ကောင်စီဖမ်းဆီး

June 3, 2021

အသုတ်မြို့ ဗုံးပေါက်ကွဲမှုနှင့်ပတ်သက်၍ ရှေ့နေ အပါအဝင် ၄ ဦးကို စစ်ကောင်စီဖမ်းဆီး

ဧရာဝတီတိုင်း၊ ရေကြည်မြို့နယ်၊ အသုတ်မြို့မှာ ဗုံးကွဲမှုနဲ့ ပတ်သက်ပြီး  တရားလွှတ်တော်ရှေ့နေတစ်ဦးအပါအဝင်  မြို့ခံ  ၄ ဦးကို ဇွန်လ ၂ ရက် ညပိုင်းက အကြမ်းဖက်စစ်ကောင်စီတပ်ဖွဲ့တွေက ဖမ်းဆီးသွားပါတယ်။

ဖမ်းဆီးခဲ့သူတွေဟာ အသုတ်မြို့ အမှတ် ၃ ရပ်ကွက်က တရားလွှတ်တော်ရှေ့နေ ဦးစိန်မြသန်း အပါအဝင် အမျိုးသား ၃ ဦးနဲ့ အမျိုးသီး ၁ ဦးဖြစ်ပြီး ဘာကြောင့်ဖမ်းဆီးသွားတယ်ဆိုတာ မသိရဘူးလို့ ဒေသခံတွေက ပြောပါတယ်။

"ဗုံးပေါက်ပြီးနောက်တရက်မှာပဲ ရှေ့နေကြီး ဦးစိန်မြသန်းတို့ကို ဝင်ဖမ်းတာ။ ဖမ်းတဲ့လူတွေကလည်း ယူနီဖောင်းတွေ ဝတ်မထားဘူး။ အရပ်ဝတ်တွေနဲ့ သေနတ်တွေကိုင်ပြီး အိမ်ကိုဝင်ဖမ်းတာ"လို့ အသုတ်မြို့ခံတစ်ဦးက ပြောပါတယ်။

မနေ့ညပိုင်းက ဗုံးပေါက်ကွဲမှုကြောင့် ဖမ်းဆီးခံခဲ့ရသူတွေထဲမှာ အမျိုးသမီးတစ်ဦးလည်းပါဝင်ပြီး သူမရဲ့ဖခင်ဟာ အသုတ်မြို့ရဲစခန်းက ရဲတပ်ဖွဲ့ဝင်တစ်ဦးဖြစ်တယ်လို့ ဆိုပါတယ်။

အသုတ်မြို့မှာ ဇွန်လ ၁ ရက်နေ့က ဗုံးပေါက်ကွဲမှု ၃ ကြိမ် ဖြစ်ပွားခဲ့ပြီးနောက်ပိုင်းမှာ လူငယ်တွေနဲ့ နိုင်ငံရေး တက်ကြွလှုပ်ရှားသူတွေကို လိုက်လံရှာဖွေဖမ်းဆီးနေတာလို့ သိရပါတယ်။

2 months Ago

May 13, 2021

စစ်ကျွန်ပညာရေးအလိုမရှိ သရုပ်ပြခဲ့သူ ၁၀ တန်းကျောင်းသူ ၂ ဦးအား စစ်ကောင်စီဖမ်းဆီး

သရက်ချောင်းမြို့နယ်၊ ဥတ္တူရွာမှာ မေ ၁၁ ရက်နေ့က စစ်ကျွန်ပညာရေး အလိုမရှိလှုပ်ရှားမှုမှာ ပါဝင်ခဲ့တယ်ဆိုပြီး ၁၀ တန်းကျောင်းသူ ၂ ယောက်ကို အကြမ်းဖက်စစ်ကောင်စီတပ်ဖွဲ့က မနေ့က ဖမ်းဆီးသွားပါတယ်။

ဒေသခံ တယောက်က "ဟိုင်းလပ် အိမ်စီးကားနဲ့ မနေ့ညနေကတည်းက ရွာထဲမှာလှည့်နေတာ။ ညကျတော့ ဒလန်လို့ယူဆရတဲ့သူက ရှေ့ကနေ ဆိုင်ကယ်နဲ့အိမ်ပြပြီး ဓာတ်ပုံနဲ့တကွ ဖမ်းတာပါ။ ပြန်လွှတ်ပေးမယ်လို့ပြောပြီး ခုထိ ပြန်မလွှတ်သေးပါဘူး" လို့ ပြောပါတယ်။

ဖမ်းခံရသူတွေဟာ ၁၀ တန်းကျောင်းသူတွေဖြစ်တဲ့ မသွယ်သွယ်စန်းနဲ့ မထွန်းနဒီထွေး(ခ) မီးငယ်လေးတို့ ဖြစ်ပါတယ်။

ဒီမနက်မှာတော့ စစ်ကောင်စီတပ်ဖွဲ့ဝင်တွေဟာ ကား ၃ စီးနဲ့ ရွာကို ပြန်ဝင်လာပြီး သရုပ်ပြ ဦးဆောင်သူနဲ့ ရွာကသပိတ် ဦးဆောင်သူတွေရဲ့ အိမ်ကို လိုက်ရှာနေကြပါတယ်။

"မနက် ၁၀ နာရီလောက်က ပြန်ဝင်လာတယ်။ သရုပ်ပြ ဦးဆောင်တဲ့သူနဲ့ သပိတ်ဦးဆောင်သူအိမ်ကိုမေးပြီးလိုက်နေကြတယ်။ မမိသေးပါဘူး" လို့ ဒေသခံတယောက်က ပြောပါတယ်။

3 months Ago
Up