စစ်ကောင်စီတပ်ဖွဲ့ဝင်

July 25, 2021

တမူးတိုက်ပွဲတွင် စစ်ကောင်စီတပ်ဖွဲ့ဝင် ၉ ဦး သေဆုံး

       စစ်ကိုင်းတိုင်း၊ အိန္ဒိယ-မြန်မာ နယ်စပ်၊ တမူးမြို့နယ်မှာ ဇူလိုင် ၂၄ ရက်က နှစ်ဖက် ရင်ဆိုင်တိုက်ပွဲအတွင်း စစ်ကောင်စီတပ်ဘက်က ၉ ယောက် သေဆုံးခဲ့တယ်လို့ တမူးလုံခြုံရေးအဖွဲ့ (TSG) က ထုတ်ပြန်ပါတယ်။

         ဒီတိုက်ပွဲကတော့ TSG မုန်တိုင်းတပ်ခွဲ တပ်ချတဲ့ နေရာကို စစ်ကောင်စီလက်ပါးစေ ပျူစောထီး လက်နက်ကိုင်တွေက လိုက်လံပြသပေးချိန်မှာ ကင်းလှည့် TSG မုန်တိုင်းတပ်ခွဲနဲ့  ထိပ်တိုက်တွေ့ဆုံခဲ့တာလို့ ဆိုပါတယ်။

       ပစ်ခတ်မှုအတွင်း စစ်ကောင်စီဘက်က တပ်သား ၃ ယောက်သေဆုံးပြီး အများအပြား ထိခိုက်ဒဏ်ရာရရှိသွားခဲ့ပါတယ်။

ဒါ့အပြင် စစ်ကောင်စီလက်ပါးစေ ပျူစောထီး လက်နက်ကိုင် ၁ ယောက်၊ မဏိပူကသဲ ၁ ယောက်နဲ့ စစ်ကောင်စီ တပ်သား ၄ ယောက် ထပ်မံသေဆုံးခဲ့တာမို့ စုစုပေါင်း ၉ ယောက် သေဆုံးခဲ့တာလို့ ဆိုပါတယ်။

       ဒီတိုက်ပွဲအတွင်းမှာတော့ TSG မုန်တိုင်းတပ်ခွဲက တပ်သားတွေ တဦးတယောက်မှ ကျဆုံးခဲ့ခြင်းမရှိဘူးလို့ ထုတ်ပြန်ချက်ထဲမှာ ဖော်ပြပါတယ်။

တမူးမြို့နယ်မှာ အာဏာသိမ်းပြီး ၂ လဝန်းကျင်ကတည်းက စစ်ကောင်စီ အကြမ်း ဖက်တပ်တွေနဲ့ ဒေသကာကွယ်ရေးတပ်တွေကြား မကြာခဏ တိုက်ပွဲတွေ ဖြစ်ပွားနေတာ ဖြစ်ပါတယ်။

3 months Ago

July 19, 2021

ပေါက်မြို့နယ် ကြည့်ငိုတောင်တွင် စစ်ကောင်စီတပ်ဖွဲ့ဝင် ၄၀ ကျော် မိုင်းနင်းမိပြီး သေဆုံး

မကွေးတိုင်းဒေသကြီး၊ ပေါက်မြို့နယ်၊ ကြည့်ငိုတောင်မှာ ခုရက်ပိုင်းအတွင်း စစ်ကောင်စီတပ်ဖွဲ့ဝင်တွေ  မိုင်းနင်းမိပြီး  ၄၄ ယောက်သေဆုံးသွားတယ်လို့ ဒေသခံ  PDF တပ်ဖွဲ့ထံက သိရပါတယ်။

ဇူလိုင် ၁၈ ရက်နေ့မှာ စစ်တပ်က ကြည့်ငိုတောင်ကိုတက်လာပြီးတော့ မနက်ပိုင်းက မိုင်း ၂ လုံးကွဲကာ ၁၅ ယောက်သေဆုံးသွားခဲ့ကာ အဲဒီအလောင်းတွေကို ညနေပိုင်း လာသယ်ရာမှာ ထပ်မံ မိုင်းကွဲပြီးတော့ ၁၇ ယောက်  ထပ်သေဆုံးခဲ့တယ်လို့  PDF ဆိုပါတယ်။

မနေ့က မိုင်း ၅ လုံးကွဲခဲ့ပြီးတော့ ဒီနေ့ ဇူလိုင်လ ၁၉ ရက်နေ့မှာ မိုင်းတစ်လုံးကွဲခဲ့ကာ နောက်ထပ် ၁၂ ယောက်ထပ်မံသေဆုံးခဲ့တာကြောင့် စုစုပေါင်း စစ်ကောင်စီတပ်ဖွဲ့ဝင် ၄၄ ယောက်သေဆုံးခဲ့တယ်လို့ PDF တပ်ဖွဲ့က ပြောပါတယ်။

“သူတို့က ကင်းဆုတ်ရွာကို ဝင်ပြီးတော့ လက်နက်ကြီးတွေနဲ့စပစ်တာ ၄ ရက်လောက်ရှိပြီးတော့ အပြစ်မဲ့ အမျိုးသမီးတစ်ယောက်ကို ထိမှန်ပြီးသေဆုံးခဲ့ပြီးတော့ ရွာမှာရှိတဲ့ ဘုန်းကြီးကျောင်းဘေးအိမ်က မွေးမြူထားတဲ့ ဝက်တွေကိုလည်း သတ်စားတယ်” လို့  PDF တပ်ဖွဲ့ဝင်တစ်ယောက်က ပြောပါတယ်။

စစ်ကောင်စီတပ်တွေနဲ့ PDF တပ်တွေတိုက်ပွဲဖြစ်ပွားရာမှာလည်း  PDF တပ်ဖွဲဝင်တစ်ယောက်နဲ့ အပြစ်မဲ့ အမျိုးသမီးတစ်ယောက် လက်နက်ကြီးထိမှန် သေဆုံးခဲ့တယ်လို့ သိရပါတယ်။

ပေါက်မြို့နယ်အတွင်း အဆိုပါ မိုင်းကွဲတဲ့ဖြစ်စဉ်တွေမှာ စစ်ကောင်စီတပ်ဖွဲ့ဝင်တွေ  သေဆုံးမှုတွေနဲ့ ပတ်သက်ပြီး စစ်ကောင်စီ ဘက်ကတော့  သတင်းထုတ်ပြန်တာမရှိ သေးပါဘူး။

3 months Ago
More News
Up