စင်ကာပူ

July 23, 2019

စင်ကာပူတွင် အလေးချိန် ၁၀ တန်နီးပါးရှိ ဆင်စွယ်များ စံချိန်တင် သိမ်းဆည်းမိ

စင်ကာပူနိုင်ငံမှာ အလေးချိန် ၉ ဒသမ ၇ တန် အလေးချိန်ရှိတဲ့ ဆင်စွယ်တွေ စံချိန်တင် သိမ်းဆည်းရမိခဲ့တယ်လို့ စင်ကာပူအစိုးရက ဇူလိုင် ၂၃ ရက်နေ့မှာ ပြောပါတယ်။ အဲဒီဆင်စွယ်တွေဟာ ခန့်မှန်းခြေ စုစုပေါင်း အမေရိကန် ဒေါ်လာ ၁၂ ဒသမ ၉ သန်း တန်ဖိုးရှိပြီး အများစုဟာ အာဖရိကမျိုးနွယ် ဆင်တွေဆီက ဖြစ်ပါတယ်။ ကွန်ဂိုကနေ ရောက်လာတဲ့ အဲဒီဆင်စွယ်တွေကို စင်ကာပူကတဆင့် ဗီယက်နမ်ကိုပို့ဖို့ မှောင်ခိုသမားတွေက စီစဉ်ထားတာလို့ ရိုက်တာသတင်းဌာနက ဖော်ပြပါတယ်။ စင်ကာပူနိုင်ငံဟာ တောရိုင်းတိရစ္ဆာန် မှောင်ခိုကုန်သွယ်ရေးလမ်းကြောင်းမှာ အချက်အချာကျတဲ့ နေရာတခု ဖြစ်နေတယ်လို့ တိရစ္ဆာန် ထိန်းသိမ်းကာကွယ်ရေး အဖွဲ့တွေက ပြောကြပါတယ်။ ဆင်စွယ်တွေအပြင် အလေးချိန် ၁၃ တန်ကျော်ရှိတဲ့ သင်းခွေချပ် အကြေးခွံတွေကိုလည်း သိမ်းဆည်းရမိခဲ့ပြီး ဒါဟာ အခုနှစ်အတွင်း စင်ကာပူနိုင်ငံမှာ တတိယအကြိမ်မြောက် ပမာဏ အများအပြား သိမ်းဆည်းရမိတာပါ။ သင်းခွေချပ် အကြေးခွံတွေဟာ အမေရိကန်ဒေါ်လာ ၃၅ ဒသမ ၇ သန်း တန်ဖိုးရှိပါတယ်။ မျိုးတုန်းလုနီးပါး အန္တရာယ်ကျရောက်နေတဲ့ ဒေသမျိုးရင်း တိရစ္ဆာန်တွေနဲ့ အပင်ဆိုင်ရာ နိုင်ငံတကာ ကုန်သွယ်ရေးညီလာခံ (CITES) မှာ လက်မှတ်ရေးထိုးထားတဲ့ စင်ကာပူနိုင်ငံက တောရိုင်းတိရစ္ဆာန် မှောင်ခိုကုန်သွယ်ရေးကို တကမ္ဘာလုံးအင်အားနဲ့အတူ ပူးပေါင်းတိုက်ဖျက်ဖို့ ကတိပြုထားတယ်လို့ ပြောပါတယ်။
2 years Ago

July 6, 2019

စင်ကာပူ စစ်ရေယာဉ် ၂ စီး သီလ၀ါဆိပ်ကမ်းမှ ပြန်လည်ထွက်ခွာ

မြန်မာနိုင်ငံကို ချစ်ကြည်ရေးခရီးစဉ် ရောက်ရှိနေတဲ့ စင်ကာပူရေတပ်မှ စစ်ရေယာဉ်  ၂ စီးဟာ ဇူလိုင် ၅ ရက်နေ့က သီလ၀ါဆိပ်ကမ်းကနေ ပြန်လည်ထွက်ခွာသွားပါတယ်။ စစ်ရေယာဉ် RSS VALOUR နဲ့ RSS VALIANT တို့ဟာ ဇူလိုင် ၅ ရက်နေ့ မွန်းလွဲပိုင်းက ရန်ကုန်မြို့၊ သီလဝါဆိပ်ကမ်း MITT တံတားကနေ ပြန်လည်ထွက်ခွာသွားတာဖြစ်ပြီး တပ်မတော်(ရေ)မှ တာဝန်ရှိသူတွေနဲ့ စစ်သည်တွေ ပို့ဆောင်နှုတ်ဆက်ခဲ့တယ်လို့ တပ်မတော်ကာကွယ်ရေးဦးစီးချုပ်ရုံးက ထုတ်ပြန်ပါတယ်။ အဆိုပါ စစ်ရေယာဉ်တွေမှာ Senior Lieutenant Colonel Nicholas Tan Boon Hwee ဦးစီးပြီး အရာရှိ၊ စစ်သည်စုစုပေါင်း ၁၄ဝ ဦးလိုက်ပါလာပြီး မြန်မာနိုင်ငံမှာ ဇူလိုင် ၃ ရက်ကနေ သုံးရက်ကြာခရီးစဉ် ကာလအတွင်း နှစ်နိုင်ငံရေတပ်ချစ်ကြည်ရေး အားကစားပြိုင်ပွဲတွေ၊ ယှဉ်ပြိုင်ကစားတာနဲ့ ရန်ကုန်မြို့ရှိ အထင်ကရ နေရာတွေကို လေ့လာလည်ပတ်တာတွေ ဆောင်ရွက်ခဲ့တယ်လို့ သိရပါတယ်။
2 years Ago
More News
Up