ဂျာမနီ

May 11, 2022

ဂျာမနီနှင့် နယ်သာလန် နိုင်ငံခြားရေးဝန်ကြီးတို့ ယူကရိန်းသမ္မတကို သွားရောက်တွေ့ဆုံ

ဂျာမနီနိုင်ငံနဲ့ နယ်သာလန်နိုင်ငံက နိုင်ငံခြားရေးဝန်ကြီးတွေ မေ ၁၀ ရက်နေ့က ယူကရိန်းနိုင်ငံ မြို့တော် ကီးယက်ဗ်ကို ရောက်သွားပြီး ယူကရိန်းသမ္မတ ဇလန်းစကီးနဲ့ တွေ့ဆုံပါတယ်။

ယူကရိန်းအတွက် စစ်ရေးအကူအညီတွေပေးဖို့ ကိစ္စနဲ့ ရုရှားတပ်တွေ ဘူချာမြို့မှာ ရာဇဝတ်မှုမြောက် ကျူးလွန်ခဲ့တဲ့ အကြောင်းတွေ ဆွေးနွေးခဲ့ကြတယ်လို့ ရိုက်တာသတင်းမှာ ဖော်ပြထားပါတယ်။

ဂျာမန်နိုင်ငံခြားရေးဝန်ကြီးဟာ ယူကရိန်းသမ္မတနဲ့ မတွေ့ခင်မှာ ဘူချာမြို့ဆီကို ကိုယ်တိုင်သွားပြီး လေ့လာခဲ့ပါသေးတယ်။

ရုရှားဘက်ကတော့ ဒီလို စစ်ရာဇဝတ်မှုမြောက်တဲ့ ပြစ်မှုတွေ ကျူးလွန်တာ မရှိဘူးလို့ ငြင်းဆန်နေတာပါ။

ဂျာမန်နိုင်ငံခြားရေးဝန်ကြီးဟာ ယူကရိန်းကို ရုရှားက ကျူးကျော်တိုက်ခိုက်တဲ့ ဖေဖော်ဝါရီ ၂၄ ရက်နေ့ နောက်ပိုင်း ယူကရိန်းကို သွားရောက်တဲ့ အဆင့်မြင့်ဆုံး ဂျာမန်အစိုးရ ကိုယ်စားလှယ် ဖြစ်ပါတယ်။

ဂျာမနီဟာ ဗြိတိန်နဲ့ အမေရိကန်ပြည်ထောင်စုတို့လိုပဲ ယူကရိန်းမြို့တော် ကီးယက်ဗ်မှာ မနေ့ကစလို့ သံရုံးကို ပြန်ဖွင့်လှစ်လိုက်ပြီး ဖြစ်ပါတယ်။

2 weeks Ago

ယူရို ၂၀၂၄ ဘောလုံးပြိုင်ပွဲ ဖွင့်ပွဲကို ဂျာမနီနိုင်ငံ မြူးနစ်မြို့တွင် ကျင်းပမည်

ဥရောပဘောလုံးအဖွဲ့ချုပ် (UEFA) ယူရို ၂၀၂၄ ဘောလုံးပြိုင်ပွဲ ဖွင့်ပွဲကို ဂျာမနီနိုင်ငံ မြူးနစ်မြို့က ဖက်စ်ဘောအရီနာ ဘောလုံးကွင်းကြီးမှာ ကျင်းပမှာဖြစ်ပြီး နောက်ဆုံးဗိုလ်လုပွဲကိုတော့ ဘာလင်မြို့က အိုလံပီယား စတာဒီအွန် ဘောလုံးကွင်းမှာ ကျင်းပဖို့ စီစဉ်နေပါတယ်။

မေ ၁၀ ရက်နေ့က UEFA ဘောလုံးအဖွဲ့ချုပ် အုပ်ချုပ်ရေးကော်မတီ အစည်းအဝေးကို အော်စတီးယားမြို့တော် ဗီယင်နာမြို့မှာ ပြုလုပ်ပြီး ဘောလုံးပွဲ အစီအစဉ်တွေကို အခုလို ကြေညာလိုက်တာပါ။

၂၀၂၄ ဇွန် ၁၄ ရက်ကနေ ဇူလိုင် ၁၄ ရက်အထိ တလတာကျင်းပမယ့် ယူရို ၂၀၂၄ ဘောလုံးပြိုင်ပွဲတွေကို ဂျာမနီနိုင်ငံ မြို့ကြီး ၁၀ မြို့မှာ ကျင်းပသွားမှာ ဖြစ်ပါတယ်။

2 weeks Ago

April 12, 2022

ဂျာမနီတွင် နေရောင်ခြည်စွမ်းအင်သုံး ရေမျော လျှပ်စစ်ဓာတ်အားပေးစက်ရုံ ဖွင့်လှစ်မည်

ဂျာမန်နိုင်ငံဟာ ရုရှားဆီက ရုပ်ကြွင်းလောင်စာကို မှီခိုနေရတဲ့အဖြစ်ကနေ လွတ်ကင်းအောင် ပြန်လည်ပြည့်ဖြိုးမြဲ စွမ်းအင်အတွက် နေရောင်ခြည် စွမ်းအင်သုံး ရေမျော လျှပ်စစ်ဓာတ်အားပေး စက်ရုံကို လာမယ့်လ စတင် ဖွင့်လှစ်မယ်လို့ ဂျာမန်ကုမ္ပဏီက ပြောလိုက်ပါတယ်။ 

ဒီစက်ရုံမှာ ရေပေါ်မျောနေတဲ့ ဖောင် ၃၆၀ ပေါ်မှာ ဆိုလာပြား ၅၈၀၀ ကို တပ်ဆင်ထားမှာဖြစ်ပြီး မေလ ၂၄ရက်က စပြီး လုပ်ငန်းလည်ပတ်မယ်လို့ ပြောပါတယ်။ 

ဂျာမနီနိုင်ငံဟာ ရေပေါ်မှာ နေစွမ်းအင် ၂၀ ဂစ်ဂါဝပ်လောက် ဆောက်နိုင်တယ်လို့ BayWar.e ပြန်လည်ပြည့်ဖြိုးမြဲ စွမ်းအင်ကုမ္ပဏီရဲ့ ထုတ်ကုန်စီမံရေးဌာန အကြီးအကဲ တိုနီဝိုက်ဂယ်က ပြောပါတယ်။ 

ဒီစီမံကိန်းဟာ ရုပ်ကြွင်းလောင်စာသုံး စွမ်းအင်နဲ့ နှိုင်းယှဉ်ရင် တနှစ်ကို ကာဗွန်ဒိုင်အောက်ဆိုဒ် ဓာတ်ငွေ့ ထုတ်လွှတ်မှု တန်ချိန် ၁၁၀၀ သက်သာစေလိမ့်မယ်လို့ ဆိုပါတယ်။

BayWa r.e ရဲ့ ရှယ်ယာ ၄၉ ရာခိုင်နှုးကို ဆွစ်အခြေခံအဆောက်အဦး ရင်းနှီးမြှုပ်နှံရေး လုပ်ငန်းဖြစ်တဲ့ စွမ်းအင်အခြေခံအဆောက်အဦ မိတ်ဖက် (EIP) က ပိုင်ဆိုင်ပါတယ်။

1 month Ago
More News
Up