ဂယ်ရီနဗီးလ်

October 15, 2021

ဘောလုံးလိုက်မလုနိုင်သည့် စီရော်နယ်ဒိုအတွက် အဖြေရှာရန် ဂယ်ရီနဗီးလ် တိုက်တွန်း

ဘောလုံးလိုက်မလုနိုင်တဲ့ တိုက်စစ်မှူးစီရော်နယ်ဒိုအတွက် အဖြေရှာဖို့ နည်းပြဆိုးလ်ရှားကို ဂယ်ရီ နဗီးလ်ကတိုက်တွန်း လိုက်ပါတယ်။ 

ယူနိုက်တက်နည်းပြဆိုးလ်ရှားဟာ တိုက်စစ်မှူး စီရော်နယ်ဒိုကို အထောင်တိုက်စစ်မှူးနေရာမှာ အသုံးပြုနေပြီး ပြိုင်ဘက်အသင်းက ဘောလုံးလက်ခံရရှိချိန်မှာ ဖိအားပေးကစားခြင်းမရှိတဲ့အပေါ် ဝေဖန်မှုတချို့ရှိနေတာပါ။ 

စီရော်နယ်ဒိုဟာ ဘောလုံးလိုက်လုတတ်တဲ့  ကစားသမားမဟုတ်ဘဲ အဲဒီလိုကစားလာခဲ့တာက ၁ဝ နှစ် ၁၅ နှစ်လောက်ကြာပြီလို့ နဗီးလ်က ပြောပါတယ်။

ဒါကြောင့် ဆိုးလ်ရှားအနေနဲ့ အသင်းရဲ့ဟန်ချက်ကို ထိန်းညှိနိုင်ဖို့အတွက် နည်းလမ်းရှာရမှာဖြစ်ပြီး တန်ပြန်တိုက်စစ် ကောင်းတဲ့အသင်းတွေနဲ့တွေ့ရင် ရုန်းကန်ရနိုင်တယ်လို့ နဗီးလ်ကပြောပါတယ်။

စီရော်နယ်ဒိုရှိနေတာက အားသား ချက်ကြီးမားသလို အဲဒီအတွက် ဖြေရှင်းရမယ့်ပြဿနာတွေ လည်း ရှိတယ်လို့ ဂယ်ရီနဗီးလ်က တိုက်တွန်းပြောသွားခဲ့တာဖြစ်ပါတယ်။  စီရော်နယ်ဒိုဟာ အခုနှစ် ရာသီမှာ ယူနိုက်တက်နဲ့ စုစုပေါင်း ၆ ပွဲကစားအပြီးမှာ  ၅ ဂိုးသွင်းယူထားပြီဖြစ်ပါတယ်။

1 week Ago

September 14, 2021

အာနိုးလ်၏ခြေစွမ်းကို ဘက်ခမ်းနှင့် ဒီဘရိုင်းတို့၏ခြေစွမ်းနှင့် ဂယ်ရီနဗီးလ် နှိုင်းယှဉ်ချီးကျူး

လီဗာပူးနောက်ခံလူ အာနိုးလ်ဟာ ဒေးဗစ်ဘက်ခမ်းနဲ့ ဒီဘရိုင်းတို့ ညာစွန်မှာ ကစားသလို ခြေစွမ်းရှိကြောင်း မန်ယူနောက်ခံလူဟောင်း ဂယ်ရီနဗီးလ်က ချီးကျူးပါတယ်။

စကိုင်းစပေါ့ရုပ်သံမှာ လီဗာပူး နောက်ခံလူဟောင်း ကာရေဂါနဲ့ သုံးသပ်ချက်အစီအစဉ်မှာ နဗီးလ်က အာနိုးလ်ကို ချီးကျူးသွားခဲ့တာပါ။

အာနိုးလ်ဟာ လိဒ်ယူနိုက်တက်ကို ၃ ဂိုး ဂိုးမရှိနဲ့အနိုင်ရခဲ့တဲ့ပွဲမှာ ခြေစွမ်းပြခဲ့ပြီး ဘောလုံးပေးပို့မှုမှာ အကောင်းဆုံး ကစားသမားဖြစ်တယ်လို့ နဗီးလ်က ချီးကျူးပါတယ်။

“ကျနော် မြင်ဖူးသမျှ ညာနောက်ခံ လူတွေထဲမှာတော့ သူက အကောင်းဆုံးဘောလုံးပေးပို့နိုင်သူပါ။ သူက ဒေးဗစ်ဘက်ခမ်းနဲ့ ဒီဘရိုင်းတို့ ညာနောက်ခံလူနေရာမှာ ကစားနေသလိုပါပဲ”လို့ ဂယ်ရီနဗီးလ်က ချီးကျူးခဲ့တာဖြစ်ပါတယ်။

အာနိုးလ်ဟာ အန်ဒိုရာနဲ့ ကစားခဲ့တဲ့ အင်္ဂလန်အသင်းမှာ ကွင်းလယ်လူနေရာကို ဝင်ရောက်ကစားခဲ့ပေမယ့် အဲဒီနေရာဟာ အာနိုးလ်နဲ့ လိုက်ဖက်တဲ့ နေရာမဟုတ်ကြောင်း ကာရေဂါနဲ့ နဗီးလ်တို့က ဆက်ပြီးသုံးသပ်ခဲ့ပါတယ်။

1 month Ago
More News
Up