ချဲလ်ဆီးအသင်း

January 11, 2021

ချဲလ်ဆီးအသင်း မော်ကန်ဘီကို ၄ ဂိုးပြတ်အနိုင်ရ

ချဲလ်ဆီးကစားသမားတွေဟာ အညှာအတာကင်းကင်းနဲ့ ပြိုင်ဘက်ကို အသေအကျေ ထိုးနှက်ချင်စိတ် နည်းပါးနေတယ်လို့ နည်းပြလမ်းပတ်က ပြောပါတယ်။ မနေ့ညကကန်သွားတဲ့ အက်ဖ်အေဖလားပွဲစဉ်မှာ မော်ကန်ဘီအသင်းကို ၄ ဂိုးပြတ်နဲ့ အနိုင်ရရှိခဲ့ပေမဲ့ လမ်းပတ်က အခုလိုမျိုး ပြောဆိုခဲ့တာဖြစ်ပါတယ်။  ဒီပွဲမှာ ချဲလ်ဆီးအသင်းဟာ လိဂ်တူးပြိုင်ဘက်နဲ့ ရင်ဆိုင်ခဲ့ရပေမဲ့ အတောင့်တင်းဆုံး လူစာရင်းကို ပွဲထုတ်ခဲ့ပါတယ်။  တီမိုဝါနာဟာ ဒီပွဲမှာ ၁၃ ပွဲကြာ ဂိုးပေါက်ပျောက်မှုကို အဆုံးသတ်နိုင်ခဲ့ပြီး ကိုင်ဟားဗတ်ဇ်ဟာလည်း ၁၅ ပွဲဆက်ခြေစွမ်းပြဖို့ ရုန်းကန်နေရမှုကို ရပ်တန့်နိုင်ခဲ့ပါတယ်။ ချဲလ်ဆီးအသင်းဟာ ပရီးမီးယားလိဂ်နောက်ဆုံး ၆ ပွဲမှာ ၁ ပွဲပဲနိုင်ခဲ့တဲ့အထိ ခြေစွမ်းဆိုးရွားနေမှုကိုလည်း ဂိုးပြတ် ရလဒ်နဲ့ ကာကွယ်နိုင်ခဲ့ပြီဖြစ်ပါတယ်။  ဒါပေမဲ့ နည်းပြလမ်းပတ်ကတော့ သူ့အသင်းမှာ ကမ္ဘာ့အကောင်းဆုံးအသင်းတွေမှာ ရှိနေတဲ့ ပြိုင်ဘက်ကို အသေအကျေထိုးနှက်တိုက်လိုက်လိုစိတ် နည်းပါးနေတယ်လို့ ပွဲအပြီးမှာ ပြောပါတယ်။  “ငယ်ရွယ်တဲ့လူစာရင်းကနေ တခါတရံတောင်းဆိုဖို့ မဖြစ်နိုင်တာက လုံးဝမပြောင်းလဲပဲရှိဖို့ နဲ့ အသေအကျေထိုးနှက်ဖို့ပါပဲ။ လိဂ်မှာရှိတဲ့ တခြားကစားသမားတွေ အပတ်စဉ် လုပ်ပြနေသလိုပေါ့။ ကျနော်တို့မှာ အလားအလာကောင်းတဲ့ လူငယ်ကစားသမားတွေ အများကြီးရှိပါတယ်။ ဒါ့ကြောင့် ကစားသမားတွေကို ထိပ်သီးအသင်းတွေကို စိန်ခေါ်လာနိုင်တဲ့အဆင့်အထိ ရောက်လာဖို့ လုပ်စရာတွေအများကြီးရှိနေ ပါသေးတယ်” လို့လမ်းပတ်က ဆိုပါတယ်။  ဗုဒ္ဓဟူးနေ့မှာ လမ်းပတ်ဟာ သီယာဂိုဆေးဗား၊ ဘန်ချီဝဲလ်နဲ့ ဂိုးသမားမန်ဒီတို့ကိုသာ အနားပေးခဲ့ပြီး အတောင့်တင်းဆုံး လူစာရင်းနဲ့ကစားခဲ့ပါတယ်။  ဒီပွဲမှာ တီမိုရီဟာ စက်တင်ဘာလနောက်ပိုင်းပထမဆုံးအဖြစ် အရံခုံကနေတဆင့်ပွဲကစား ခွင့်ရရှိခဲ့ပါတယ်။  ဒါပေမဲ့ သူ့အတွက်ကစားချိန်နည်းပါးနေခြင်းက တိုးတက်မှုကို အဟန့်အတားဖြစ်စေခဲ့ပြီး တီမိုရီဟာ ဇန်နဝါရီအပြောင်းအရွေ့မှာ အငှားထွက်ကစား ရနိုင်တယ်လို့  နည်းပြလမ်းပတ်က ပြောပါတယ်။ 
4 months Ago

August 9, 2020

လာမည့်ရာသီ ချန်ပီယံလိဂ်ပြိုင်ပွဲကို ပိုကောင်းသည့်အသင်းအဖြစ် ပြန်လာမည်ဟု လမ်းပတ်ပြော

ဒီရာသီအတွက် ချန်ယံလိဂ်ပြိုင်ပွဲကို လက်ပြနှုတ်ဆက်ခဲ့ရပေမယ့် ချဲလ်ဆီးအသင်းဟာ လာမယ့်နှစ် ပိုကောင်းပြီး ပိုမိုရင့်ကျက်တဲ့အသင်းတသင်းအဖြစ်နဲ့ ပြိုင်ပွဲကို ပြန်လာခဲ့မယ်လို့ ချဲလ်ဆီးနည်းပြ လမ်းပတ်ကပြောပါတယ်။  ချဲလ်ဆီးအသင်းဟာ ၁၆ သင်းရှုံးထွက်အဆင့်မှာ ဘိုင်ယန်မြူးနစ်အသင်းကို ၂ ကျော့ပေါင်း ၇ ဂိုး ၁ ဂိုးနဲ့ ရှုံးနိမ့်ကာ ပြိုင်ပွဲကနေ ထွက်ခွာခဲ့ရတာဖြစ်ပါတယ်။  စနေနေ့မှာကစားခဲ့တဲ့ ဒုတိယအကျော့  ပွဲစဉ်မှာ ဘိုင်ယန်အသင်းက ၄ ဂိုး ၁ ဂိုးနဲ့ အနိုင်ရရှိခဲ့တာဖြစ်ပြီး ဂိုးပြတ်ရှုံးနိမ့်ခဲ့ပေမယ့် လမ်းပတ်က အသင်းသားတွေကိုအပြစ်တင်ဖို့ ငြင်းဆိုခဲ့ကာ နောက်ရာသီမှာ ပိုကောင်းအောင်ပြင်ဆင်လာမယ်လို့ပြောပါတယ်။  “ဘိုင်ယန်အသင်းနဲ့တွေ့ဆုံရတာဟာ ကျနော်တို့အတွက် ကောင်းမွန်တဲ့ ချန်ပီယံလိဂ်အတွေ့အကြုံ ပဲဖြစ်ပါတယ်။ ကျနော့်အသင်းမှာ ဘာလိုအပ်ချက်တွေရှိနေလဲဆိုတာကို မြင်ခဲ့ရပြီးတော့ ကျနော်တို့ပြန်လာနိုင်လိမ့်မယ်ဆိုတာ သိနေပါတယ်။ ၄ ဂိုး ၁ ဂိုးနဲ့ ရှုံးနိမ့်ခဲ့တဲ့အကြောင်း ပြောဖို့ခက်ခဲပါတယ်။ ဒီရလဒ်အတွက် မပျော်မရွှင်ဖြစ်ရပါတယ်။ ဒါပေမယ့် ဘိုင်ယန်လိုအသင်းမျိုးနဲ့ ချန်ပီယံလိဂ်မှာ ဆုံတွေ့မှုကနေ ကောင်းမွန်တဲ့ အရာတွေအပြင် ဒီရာသီမှာဖြစ်ခဲ့တဲ့ အားနည်းချက်တချို့ကိုလည်း မြင်တွေ့ခဲ့ရပါတယ်။ ကျနော်တို့တဦးချင်း အမှားတွေ ကျူးလွန်ခဲ့ပြီးတော့ ဂိုးတွေကို ခွင့်ပြုပေးခဲ့ရတာပါ” လို့ လမ်းပတ်က ပြောပါတယ်။  
9 months Ago
More News
Up