ခင်ဦးမြို့နယ်

August 3, 2021

ခင်ဦးမြို့နယ် ရွာသန်းရွာက မိသားစု ၃ ဦး ပစ်ခတ်ခံရ၊ ၂ ဦး သေဆုံး

စစ်ကိုင်းတိုင်း၊ ခင်ဦးမြို့နယ်၊ ရွာသန်းကျေးရွာမှာ ဩဂုတ် ၂ ရက်နေ့ ည ၁၁ နာရီ အချိန်လောက်က မိသားစု ၃ ဦး သေနတ်ပစ်ခံရတာကြောင့် နှစ်ဦးသေဆုံးပြီး တစ်ဦး အပြင်းအထန် ဒဏ်ရာရရှိခဲ့တယ်လို့ ဒေသခံတွေဆီက သိရပါတယ်။

ပစ်ခတ်ခံရသူတွေဟာ ဇူလိုင်လ ၁၆ ရက်နေ့က အသတ်ခံခဲ့ရတဲ့ ပျူစောထီး ခေါင်းဆောင်ဦးအုန်းမြိုင်ရဲ့ သင်တန်းဆင်း တပည့်တွေဖြစ်ကြပြီး တူမီးသေနတ်တွေ ကိုင်ဆောင်ကာ ကျေးရွာအပေါ် မိုက်ကြေးခွဲနေသူတွေဖြစ်တယ်လို့ ရွာသားတဦးက ပြောပါတယ်။

“စစ်ကောင်စီတပ်တွေ ရွာကိုဝင်စီးတုန်းကလည်း သူတို့သားဖနှစ်ယောက်က နေအိမ်တွေ လိုက်ပြတယ်။ ကျနော်တို့ရွာကို စစ်တပ်ဝင်မွှေတာ ၁၀ ကြိမ်ထက်မနည်းရှိသွားပြီ၊ မွှေတဲ့ အခါတိုင်းလည်း သူတို့ ပါတာပဲ။ စစ်တပ်‌ဝင်တဲ့အခါတိုင်းလည်း အမဲခြောက်လှန်းထားတာကအစ ရွှေ ငွေ အဆုံး စစ်တပ်က ယူသွားကြလေ့ရှိတယ်”

ပစ်ခတ်ခံရမှုကြောင့် အသက် ၄၀ အရွယ် ဦးဖိုးပြားနဲ့ နဲ့ ၂၄ နှစ်အရွယ် သားဖြစ်သူ ချစ်ဦးသက်တို့ အခင်းဖြစ်နေရာမှာ သေဆုံးခဲ့ပြီး ဦးဖိုးပြားဇနီး မခင်မိုးမြင့်ကတော့ အပြင်းအထန် ဒဏ်ရာရခဲ့ကာ အခြေအနေမသိရသေးဘူးလို့ ဆိုပါတယ်။ 

ခင်ဦးမြို့နယ်မှာ အမည်မသိအဖွဲ့တခုကနေ ဒလန်၊ ပျူစောထီးလို့ နာမည်ကြီးနေသူတွေကို လိုက်လံရှင်းလင်းနေတာ အခုပစ်သတ်ခံသူတွေအပါအဝင် ၁၆ ဦးရှိပြီလို့ သိရပါတယ်။

လတ်တလောအချိန်အထိ စစ်ကောင်စီတပ်တွေမလာသေးဘူလို့ သိရပြီး ရွာသူရွာသားတွေ ကတော့ ထွက်ပြေးတိမ်းရှောင်နေကြရပါတယ်။

2 days Ago

July 29, 2021

ခင်ဦးမြို့နယ်တွင် အမျိုးသားတစ်ဦး ပစ်သတ်ခံရ

ခင်ဦးမြို့နယ် ကုန်းကြီးကျေးရွာမှာ ဇူလိုင် ၂၈ ရက်နေ့ ညနေပိုင်းက ရွာမှာ ပျူစောထီးအဖွဲ့ နယ်ခံခေါင်းဆောင်လို့ သတ်မှတ်ခံထားရသူ အသက် ၄၈ နှစ်အရွယ် အမျိုးသားတစ်ဦး သေနတ်နဲ့ ပစ်သတ်ခံခဲ့ရတယ်လို့ ဒေသခံတွေက ပြောပါတယ်။

သူဟာ စစ်ကောင်စီတပ်နဲ့ အဆက်သွယ်ရှိနေပြီး ရိက္ခာ ထောက်ပံ့မှုတွေမှာ ကူညီနေသူဖြစ်ကာ ကုန်းကြီးကျေးရွာနဲ့ ခြေမြစ်ရင်းကျေးရွာကြားမှာ သေနတ်ဒဏ်ရာ၊ ဓားဒဏ်ရာတွေနဲ့အတူ အသတ်ခံထားရတာလို့ ဆိုပါတယ်။

အသတ်ခံရတဲ့ အမျိုးသားဟာ "PDF အဖွဲ့တွေ ဘယ်သူဆိုတာ သိရင် လူကိုသာပြပါ ငါရှင်းမယ်" လို့ ရွာမှာ အမြဲ ကြုံးဝါးနေတတ်သူဖြစ်တယ်လို့ ရွာခံတွေက ပြောပါတယ်။

အဆိုပါ အခင်းဖြစ်ပွားရာရွာမှာ နယ်မြေခံရဲစခန်းလည်း ရှိနေပြီး ဘယ်အဖွဲ့က သတ်သွားတယ်ဆိုတာတော့ မသိရသေးပါဘူး။

ခင်ဦးမြို့နယ်အတွင်း ကျီးကန်ရွာ၊ လောင်းရှည်၊ ကဘွက်၊ သရက်ကန်၊ ရွာသန်း၊ အုန်းပင်ကုန်း၊ ယောက်သွားအိုင်၊ ခင်ဦးအောင်ချမ်းသာ၊ ကုန်းကြီး၊ အိုင်ပေါက်ကြီး စတဲ့ရွာတွေက ၁ ယောက်စီနဲ့ နှောကုန်းရွာက ၂ ယောက်၊ စုစုပေါင်း ဒလန်ဆိုပြီးသတ်မှတ်ခံရသူ ၁၂ ယောက်အထိ အသတ်ခံထားရတယ်လို့ သိရပါတယ်။

7 days Ago
More News
Up