ကွန်တီ

May 31, 2019

အင်တာမီလန် နည်းပြအဖြစ် ကွန်တီကို ခန့်အပ်

အင်တာမီလန်အသင်းက နည်းပြသစ်အဖြစ် အန်တိုနီယို ကွန်တီကို ခန့်အပ်လိုက်ပါတယ်။ အင်တာမီလန်ဟာ ထုတ်ပယ်လိုက်တဲ့ နည်းပြ စပယ်လက်တီရဲ့ နေရာမှာ ကွန်တီနဲ့ အစားထိုးလိုက်တာပါ။ အသက် ၄၉ နှစ်အရွယ် နည်းပြ ကွန်တီဟာ ပြီးခဲ့တဲ့ရာသီအကုန်မှာ ချဲလ်ဆီးကနေ ထုတ်ပယ်ခံထားရပြီး အသင်းလက်မဲ့ ဖြစ်နေသူပါ။ အင်တာနည်းပြသစ် ဖြစ်လာတဲ့ ကွန်တီက ဘဝရဲ့ စာမျက်နှာသစ်ကို စတင်တော့မှာ ဖြစ်တဲ့အတွက် တကယ်ကို စိတ်လှုပ်ရှားမိတယ်လို့ ပြောပါတယ်။ နည်းပြ ကွန်တီဟာ ချဲလ်ဆီးကိုကိုင်တွယ်တဲ့ ၂ ရာသီအတွင်းမှာ ပရီးမီးယားလိဂ်ဖလားနဲ့ အက်ဖ်အေဖလားတို့ကို ရရှိခဲ့ပါတယ်။ ဒါ့အပြင် ဂျူဗင်တပ်နည်းပြ ဘဝတုန်းကလည်း ဂျူဗင်တပ်ကို စီးရီးအေချန်ပီယံ ၃ ကြိမ်ရအောင် စွမ်းဆောင်ပေးထားပါတယ်။ အင်တာမီလန်အသင်းဟာ ဒီနှစ်ရာသီ အီတလီစီးရီးအေမှာ အဆင့် ၄ နေရာပဲ ရရှိထားပါတယ်။
2 years Ago

အင်တာမီလန်နည်းပြ စပယ်လက်တီ ရာထူးက ထုတ်ပယ်ခံရ

အင်တာမီလန်အသင်းဟာ နည်းပြ လူစီယာနို စပယ်လက်တီကို ရာထူးက ထုတ်ပယ်လိုက်ပါတယ်။ နည်းပြ စပယ်လက်တီရဲ့ လက်ရှိ စာချုပ်သက်တမ်းဟာ ၂၀၂၁ အထိ ရှိနေပါတယ်။ သူဟာ အင်တာမီလန်ကို မနှစ်ကရာသီနဲ့ ဒီနှစ်ရာသီ ၂ ခုစလုံးမှာ ချန်ပီယံလိဂ် ဝင်ခွင့်ရအောင် စွမ်းဆောင်ပေးထားပါတယ်။ ဒီနှစ်ရာသီမှာတော့ အင်တာမီလန်ဟာ အီတလီး စီးရီးအေ အမှတ်ပေးဇယားမှာ အဆင့် ၄ နေရာမှာပဲ ရပ်တည်နိုင်ခဲ့ပါတယ်။ အီတလီကလပ် အင်တာမီလန်ကတော့ ထုတ်ပယ်လိုက်တဲ့ နည်းပြနေရာမှာ ချဲလ်ဆီးနည်းပြဟောင်း ကွန်တီနဲ့ အစားထိုးဖို့ မျှော်လင့်နေတာပါ။ နည်းပြ ကွန်တီဟာ ချဲလ်ဆီးနဲ့ ပြီးခဲ့တဲ့နှစ် ဇူလိုင်လမှာ လမ်းခွဲပြီးကတည်းက အသင်းလက်မဲ့ ဖြစ်နေပါတယ်။
2 years Ago

October 30, 2018

နည်းပြ လိုပက်တီဂူကို ရီးရဲလ် ထုတ်ပယ်၊ ကွန်တီနှင့် မာတီနက်ဇ်တို့ကို ချိတ်ဆက်နေ

ရီးရဲလ်မက်ဒရစ်အသင်းဟာ နည်းပြ လိုပက်တီဂူကို ထုတ်ပြီးနောက် ကွန်တီနဲ့ မာတီနက်ဇ်တို့ကို ခေါ်ယူဖို့ ချိတ်ဆက်နေပါတယ်။ ရီးရဲလ်အသင်းဟာ ဘာစီလိုနာနဲ့ အယ်ကလက်စီကို ဒါဘီပွဲစဉ်မှာ ၅ ဂိုး ၁ ဂိုးနဲ့ အရှက်တကွဲ ရှုံးနိမ့်ခဲ့တာကြောင့် နည်းပြ လိုပက်တီဂူကို ထုတ်ပယ်လိုက်တာပါ။ သူ့နေရာမှာ ရီးရဲလ်အရန်အသင်းနည်းပြ ဆိုလာရီက ယာယီနည်းပြအဖြစ် တာဝန်ယူမှာ ဖြစ်ပါတယ်။ ရီးရဲလ်အသင်းအနေနဲ့ လာမယ့် နိုင်ငံတကာရက်သတ္တပတ် ကစားတဲ့အချိန်အထိ ယာယီနည်းပြကိုပဲ တာဝန်ပေးထားတယ်လို့ သိရပါတယ်။ အမြဲတမ်းနည်းပြနေရာအတွက် ချဲလ်ဆီးနည်းပြဟောင်း ကွန်တီနဲ့ ကမ္ဘာ့ဖလားမှာ ဘယ်လ်ဂျီယံအသင်းကို တာဝန်ယူခဲ့တဲ့ မာတီနက်ဇ်ကိုလည်း ချိတ်ဆက်နေပါတယ်။ မာတီနက်ဇ်ဟာ အဲဗာတန်နဲ့ ဝီဂန်အသင်းတွေကို တာဝန်ယူခဲ့ဖူးပြီး စပိန်နည်းပြတဦးလည်း ဖြစ်တာကြောင့် ရီးရဲလ်အသင်းက ပိုပြီး ကြိုးပမ်းဖွယ် ရှိနေပါတယ်။
3 years Ago
More News
Up