ကျွန်းလှမြို့နယ်

September 15, 2021

ကျွန်းလှမြို့နယ်ကို Stay at home မြို့နယ်အဖြစ် သတ်မှတ်‌ကြေညာ

စစ်ကိုင်းတိုင်း၊ ကျွန်းလှမြို့နယ်မှာ ကိုဗစ်-၁၉ ရောဂါကူးစက်မှု မြင့်မားလာတဲ့အတွက် စက်တင်ဘာ ၁၄ ရက် ကနေ စက်တင်ဘာလ ၃၀ ရက်နေ့အထိ Stay at home မြို့နယ်အဖြစ် ဒေသန္တရအမိန့်ထုတ်ပြန်လိုက်ပါတယ်။

မြို့နယ်အတွင်းက ပြည်သူတွေအနေနဲ့ မနက် ၅ နာရီကနေ ၁၁ နာရီအထိသာ ဈေးဝယ်သွားလာခွင့်ပြုမှာဖြစ်ပြီး၊ ကျန်အချိန်တွေမှာ တာဝန်နဲ့နာရေးကလွဲပြီး လုံးဝ သွားလာခွင့်မပြုဖို့၊ ဆေးဝါးပစ္စည်းဆိုင်ကလွဲပြီး ကျန်ဆိုင်အားလုံးကိုလည်း မနက် ၅ နာရီကနေ မနက် ၁၁ နာရီအထိသာဖွင့်ခွင့်ပြုမှာဖြစ်ပြီး လိုက်နာမှုမရှိပါက သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေနဲ့ အရေးယူဆောင်ရွက်သွားမယ်လို့ သိရပါတယ်။

ကျွန်းလှမြို့နယ်အတွင်းမှာ ဇွန်လ ၂၇ ရက်နေ့ကစပြီး စက်တင်ဘာလ ၁၄ ရက်နေ့အထိ  ကိုဗစ်ကူးစက်ခံရသူ ၁၁၇၄ ဦးရှိပြီး၊ ရောဂါသက်သာလို့ ဆေးရုံကဆင်ခွင့်ရသူ ၁၀၂၅ ဦးရှိကာ ကုသဆဲလူနာ ၁၃၄ ဦးနဲ့ သေဆုံးသူ ၁၅ ဦးရှိပြီလို့ သိရပါတယ်။

1 month Ago

August 4, 2021

ကျွန်းလှမြို့နယ်တွင် သီတင်း ၂ ပတ်အတွင်း ကိုဗစ်-၁၉ ရောဂါပိုးတွေ့သူ ၂၈၀ ကျော်ရှိ

စစ်ကိုင်းတိုင်း၊ ကျွန်းလှမြို့နယ်မှာ ဇူလိုင်လ ၁၈ ရက်ကနေ ၊ ဩဂုတ်လ ၃ ရက်အထိကာလအတွင်း ကိုဗစ်-၁၉ ရောဂါပိုး တွေ့ရှိသူ ၂၈၁ ဦးရှိပြီး  နေ့စဉ်ရောဂါကူးစက်မှုနှုန်း တစ တစမြင့်မားလာတယ်လို့ ဒေသခံတွေဆီက သိရပါတယ်။

ကျွန်းလှမြို့မှာ ကိုဗစ်တတိယလှိုင်းကို ဇွန်လ ၂၇ ရက်နေ့က စခဲ့တာဖြစ်ပြီး ဇူလိုင် ၁၈ ရက်အထိ ရောဂါပိုးတွေ့ရှိသူ ၁၂၃ ဦးသာရှိခဲ့ရာက  အခု ဩဂုတ် ၃ ရက်နေ့ ကိုဗစ်-၁၉ ရောဂါဖြစ်ပွားမှု စာရင်းအရ  ရောဂါဖြစ်ပွားသူဦးရေ ၄၀၄ ဦးရှိသွားပြီ ဖြစ်ပါတယ်။

“ကိုဗစ်-၁၉ ရောဂါဖြစ်ပွားမှုက တစတစတိုးလာတယ်။ ဒီလိုကူးစက်မှုများလာတာက အဝင် အထွက် စစ်ဆေးမှုမလုပ်တာရယ်၊ ကွာရန်တင်းစင်တာ မရှိတာရယ်ကြောင့် ရောဂါပြန့်ပွားမှု များလာတာလို့ထင်တယ်”လို့ ဒေသခံ စေတနာ့ဝန်ထမ်းတစ်ဦးက ပြောပါတယ်။

ကျွန်းလှမြို့မှာ ကိုဗစ်-၁၉ ကုသရေးစင်တာတွေအဖြစ်  ခုတင် ၅၀ ပြည်သူ့ဆေးရုံကြီးအပြင် ပိတောက်မြိုင် အမက ၂ ၊ ပျဥ်းမမြိုင် အလယ်တန်းကျောင်းနဲ့ မြို့တော်ခန်းမတို့မှာ စီမံဆောင်ရွက်ထားတာဖြစ်ပြီး၊ လတ်တလော ကိုဗစ်အတည်ပြု လူနာ ၁၃၇ ဦးကို ကုသပေးနေတယ်လို့ သိရပါတယ်။

ဩဂုတ်လ ၃ ရက်နေ့အထိ ကျွန်းလှမြို့ ကိုဗစ် စာရင်းအချက်အလက်တွေအရ ကိုဗစ်-၁၉ အတည်ပြုလူနာပေါင်း ၄၀၄ ဦး၊ ဆေးရုံကဆင်းခွင့်ရသူ ၂၆၀ ဦးရှိပြီး သေဆုံးသူ ၇ ဦးရှိသွားပြီလို့ သိရပါတယ်။

2 months Ago
More News
Up