ကျောက်ပန်းတောင်း

June 19, 2021

ကျောက်ပန်းတောင်းမြို့နယ် ပြည်သူ့ကာကွယ်ရေးတပ် ဖွဲ့စည်း

မန္တလေးတိုင်း ကျောက်ပန်းတောင်းမြို့နယ်မှာ ပြည်သူ့ကာကွယ်ရေးတပ်ဖွဲ့ ဖွဲ့စည်းပြီးကြောင်း ဇွန်လ ၁၉ ရက်က ထုတ်ပြန်ကြေညာလိုက်ပါတယ်။

အကြမ်းဖက် ဖက်ဆစ်စစ်တပ်ဟာ  မြန်မာပြည်သူတွေရဲ့ အသက်အိုးအိမ်စည်းစိမ်နဲ့ ဒီမိုကရေစီလိုလားမှုကို ခြိမ်းခြောက်နေတာကြောင့်  မိမိတို့လိုလားတဲ့ ဖက်ဒရယ်ဒီမိုကရေစီစနစ်ကို ရရှိဖို့ အကြမ်းဖက်စစ်ကောင်စီကို  လက်နက်ကိုင်ပြီးတော့ တော်လှန်သွားမယ်လို့ ဆိုပါတယ်။

အမျိုးသားညီညွတ်ရေးအစိုးရ (NUG)၊ တိုင်းရင်းသားလက်နက်ကိုင်အဖွဲ့အစည်းများ၊ ဒေသတွင်းရှိ PDF တွေနဲ့ ချိတ်ဆက်ဆောင်ရွက်​နေပြီးတော့ စစ်အာဏာ ရှင်စနစ် ကျရှုံးရေး၊ ဖက်ဒရယ်ဒီမိုက​ရေစီ ရရှိရေး၊ အမျိုးသားညီညွတ်ရေး၊ ဖက်ဒရယ်တပ်မတော် ပေါ်ပေါက်ရေးတို့ကို ဦးစားပေးလုပ်ဆောင်သွားမယ်လို့ ဆိုပါတယ်။

ကျောက်ပန်းတောင်းမြို့နယ်ရှိ အကြမ်းဖက်စစ်ကောင်စီတပ်သားတွေ၊ လက်ပါးစေတွေ၊ ဒလန်တွေနဲ့ စစ်ကောင်စီယန္တရားတွေကို KPGPDF က အဓိကထား တိုက်ခိုက်ရှင်းလင်းသွားမယ်လို့ သတိပေးထားပါတယ်။

ကျောက်ပန်းတောင်းမြို့နယ်ရှိ စီးပွားရေးလုပ်ငန်းရှင်တွေနဲ့ မိဘပြည်သူတွေအနေနဲ့CDM ၀န်ထမ်းတွေအတွက် ကူညီစောင့်ရှောက်ပံ့ပိုးပေးကြရန်  မေတ္တာရပ်ခံထားပါတယ်။

1 month Ago

June 5, 2021

ကျောက်ပန်းတောင်းတွင် အကြမ်းဖက်စစ်တပ်ကပစ်ခတ်သဖြင့် LGBT တစ်ဦး ကျဆုံး

မန္တလေးတိုင်း၊ ကျောက်ပန်းတောင်းမြို့မှာ ဇွန်လ ၄ ရက်နေ့ညက အကြမ်းဖက်စစ်ကောင်စီက သေနတ်နဲ့ပစ်သတ်လို့  LGBT တစ်ယောက်ကျဆုံးခဲ့တယ်လို့ ဒေသခံတွေဆီကနေ သိရပါတယ်။

သော်သော်(ခ)ကိုသော်ဇင်၊ ကိုနိုင်ဦးလွင်နဲ့ ကိုအောင်ထွန်းတို့ဟာ ည ၈ နာရီခွဲလောက်မှာ ဆိုင်ကယ်စီးပြီး အိမ်အပြန်လမ်းမှာ အကြမ်းဖက်စစ်ကောင်စီတပ်စွဲထားတဲ့နေရာကို ဖြတ်မောင်းမိလို့ စစ်တပ်ကတာဆီးစဉ် ရပ်မပေးဘဲမောင်းပြေးတာကြောင့် သေနတ်နဲ့ဝိုင်းပစ်ခံရပေမဲ့  မထိမှန်ခဲ့ဘူးလို့ မြို့ခံတစ်ယောက်က ပြောပါတယ်။

အဲဒီနောက်ပိုင်း မြို့မစျေးနားက အင်းဝဘဏ်မှာစောင့်နေတဲ့ တပ်သားတစ်ယောက်က ပစ်ခတ်လိုက်တဲ့အချိန်မှာ အလယ်မှာ  စီးနင်းလိုက်ပါလာတဲ့ အောင်မင်္ဂလာရပ်ကွက်နေ LGBT သော်သော်(ခ)ကိုသော်ဇင်ရဲ့ ဝမ်းဗိုက်ကို ကျည်ဆန်ထိမှန်ပြီးကျဆုံးခဲ့တယ်လို့ ဆိုပါတယ်။

ကျန်တဲ့ နှစ်ယောက်ကတော့ စျေးအနောက်ဘက်က အိမ်တစ်အိမ်မှာ ဝင်ပုန်းနေတာကို အကြမ်းဖက်စစ်ကောင်စီအဖွဲ့တွေက ရှိတဲ့ကောင်ထွက်ခဲ့ဆိုပြီးတော့ အော်ဟစ်ဆဲဆိုကာ တံခါးတွေကို အတင်းဖွင့်ခိုင်းတာကြောင့်ဖမ်းမိသွားတယ်လို့ ပြောပါတယ်။ ကိုသော်ဇင်ရဲ့ အလောင်းကိုတော့ ဇွန်လ ၅ ရက် ဒီမနက်အစောပိုင်းမှာဘဲ သင်္ဂြိုဟ်ခဲ့ ပါတယ်။

2 months Ago
More News
Up