ကျောက်တံခါး

March 26, 2021

ကျောက်တံခါးတွင် အကြမ်းဖက်စစ်အုပ်စုပစ်ခတ်မှုကြောင့် ၁ ဦး သေဆုံး

ပဲခူးတိုင်း ကျောက်တံခါးမြို့နယ်  ဆေးရိုးခင်ရွာမှာ ၂၅ ရက်နေ့ ညနေ ၆ နာရီဝန်းကျင်က အကြမ်းဖက်စစ်အုပ်စု ရွာထဲဝင် ပေါ်တာဆွဲတယ်ထင်ပြီး ရွာသားအချို့ ထွက်ပြေးရာမှ ပစ်ခတ်ခံရပြီး ၁ ဦး သေဆုံးခဲ့တယ်လို့ သိရပါတယ်။

အကြမ်းဖက် ရဲနဲ့ စစ်တပ်က ကားတွေ ကျေးရွာအတွင်း ဝင်လာစဥ် ရွာသူရွာသားအချို့က လယ်ကွင်းတွေဘက်ပြေးရာမှ အကြမ်းဖက်စစ်အုပ်စုက လိုက်လံပစ်ခက်ရာ ဦးရဲဝင်း အသက် ၆၀ နှစ် ကျည်ဆန်ထိမှန်ပြီး တောင်ငူဆေးရုံမှတဆင့် နေပြည်တော်ဆေးရုံပို့ဆောင်စဉ် ဒီနေ့မနက် ၁ နာရီကျော် လမ်းမှာ ဆုံးပါးသွားခဲ့တယ်လို့ ဒေသခံတဦးက ပြောပါတယ်။

မနေ့ညက ဒဏ်ရာရရှိသူ ဦးရဲဝင်းနဲ့ သမီး ဒေါ်သီတာစိုး၊ ဦးမောင်တင်ငြိမ်း၊ ကိုဂေါ်လေးတို့ကိုလည်း ကျောက်တံခါးစခန်းမှာ ဖမ်းဆီးခေါ်ဆောင်ထားပြီး ကွယ်လွန်သူ ဦးရဲဝင်းကို ကျောက်တံခါးမြို့ ရင်ခွဲရုံမှာ ထားထာါတယ်လို့ သမီးဖြစ်သူ ဒေါ်အိအိခိုင်က ပြောပါတယ်။

အခုလို ဖြစ်စဥ်ကို ကျေးရွာအုပ်ချုပ်ရေးမှူးနဲ့ ရာအိမ်မှူးတို့က အကြမ်းဖက်ရဲနဲ့စစ်တပ်ကို ခေါ်လာတာဖြစ်ပြီး အခင်းမဖြစ်ပွားခင် နေ့လယ်ကတည်းက ရာအိမ်မှူးညွန့်ဝင်းက တစ်ရွာလုံးကို ဆိုင်ကယ်နဲ့ လိုက်လံ စိန်ခေါ်ကြိမ်းဝါးမှုတွေ လုပ်ခဲ့တယ်လို့ ဒေသခံက ဆိုပါတယ်။

အကြမ်းဖက်စစ်အုပ်စု ရောက်လာချိန်မှာလည်း ကျေးရွာသူ ရွာသားတွေ ထွက်ပြေးတဲ့အခါ သေနတ်သမားတွေကို ရာအိမ်မှူး ညွန့်ဝင်းက ဟိုဘက်ကိုပစ် သည်ဘက်ပစ်ဆိုပြီး လိုက်လံပြောဆိုခဲ့တယ်လို့ ဆေးရိုးခင်ကျေးရွာ မျက်မြင်သက်သေတစ်ဦးက ပြောပါတယ်။

နွေဦးတော်လှန်ရေးမှာ ဦးရဲဝင်းဟာ ကျောက်တံခါးမြို့နယ်အတွင်း ပထမဆုံး ကျဆုံးခဲ့သော ပြည်သူတစ်ဦးဖြစ်ပါတယ်။

2 months Ago

February 12, 2021

ကျောက်တံခါးတွင် ဌာနစုံအပါအဝင် တောင်သူများက လယ်ထွန်စက်များဖြင့် စစ်ဏာရှင်ကိုဆန္ဒပြ

ပဲခူးတိုင်း ကျောက်တံခါးမြို့နယ်မှာ ဒီနေ့ မနက် ၉ နာရီကစပြီး ဌာနဆိုင်ရာဝန်ထမ်းတွေအပြင် ဒေသခံတောင်သူတွေပါ စစ်အာဏာရှင်အလိုမရှိကြောင်း ဆန္ဒပြပွဲမှာ ပူးပေါင်းပါဝင်လာကြပါတယ်။

ဆန္ဒပြပွဲမှာ မြန်မာ့မီးရထား၊ လျှပ်စစ်၊ သာယာကုန်း ပင်မဓာတ်အားခွဲရုံ၊ ကျန်းမာရေး၊ ပညာရေး၊ စက်မှုလက်မှု၊ ရဲနွယ်ရေအားလျှပ်စစ်၊ မီးရထားလမ်းကုမ္ပဏီ စတဲ့ဝန်ထမ်းတွေနဲ့ ကုန်တင်ကုန်ချလုပ်သားတွေ ပါဝင်လာကြပြီး ဒေသခံတောင်သူတွေက လယ်ထွန်စက်တွေနဲ့အတူ ဆန္ဒပြခဲ့ကြတာပါ။

ဆန္ဒပြပြည်သူအင်အား ၁ သိန်းနီးပါးလောက်ရှိပြီး ကျောက်တံခါးမြို့နယ် ပဲနွယ်ကုန်း၊ ဖဒိုနဲ့ တောကျွဲအင်းလေးဒေသက ပြည်သူတွေပါဝင်ခဲ့ကြပါတယ်။

ကျောက်တံခါးမြို့နယ်မှာ စစ်အာဏာရှင်အလိုမရှိ ကြွေးကြော်သံတွေနဲ့အတူ ငြိမ်းချမ်းစွာ စီတန်းလှည့်လည်ခဲ့တာ ဒီနေ့ဆို ငါးရက်မြောက်ဖြစ်ပြီး CDM လှုပ်ရှားမှုမှာ ပူးပေါင်းတဲ့ ဌာနဆိုင်ရာတွေ စုံလာတာကို တွေ့ရှိရပါတယ်။

သတင်း - ကျော်အောင်

3 months Ago
More News
Up