ကျိုက်ထိုမြို့

April 8, 2021

ကျိုက်ထိုမြို့၌ တရုတ်အလံနှင့် အကြမ်းဖက်စစ်ခေါင်းဆောင်၏ ဓာတ်ပုံကို မီးရှို့ဆန္ဒပြ

မွန်ပြည်နယ်၊ ကျိုက်ထိုမြို့က ကျောင်းသားနဲ့ ပြည်သူတွေဟာ ဧပြီ ၈ ရက်နေ့မှာ တရုတ်နိုင်ငံအလံ၊  အကြမ်းဖက်စစ်ခေါင်းဆောင် ဗိုလ်ချုပ်မှူးကြီးနဲ့  စစ်ကောင်စီအဖွဲ့ဝင်တွေရဲ့ ဓာတ်ပုံတွေကို မီးရှို့ ဆန္ဒပြခဲ့ကြပါတယ်။

တရုတ်နိုင်ငံဟာ မြန်မာပြည်သူလူထုကို မကြည့်ဘဲ အာဏာသိမ်း စစ်ကောင်စီနဲ့အတူ ရပ်တည်နေတဲ့အတွက်ကြောင့် ကန့်ကွက်ရူတ်ချတဲ့အနေနဲ့ အခုလို လုပ်ဆောင်ရလို့ လူငယ်တစ်ဦးက ပြောတယ်။

ကျိုက်ထိုမှာတော့ ကျောင်းသား၊ ပြည်သူတွေဟာ အာဏာသိမ်း အကြမ်းဖက်စစ်ကောင်စီကို သပိတ်မျိုးစုံပြုလုပ်ပြီး တော်လှန်နေတာဖြစ်ပြီး အရေးတော်ပုံကာလမှာ အကြမ်းဖက် စစ်တပ်နဲ့ ရဲတပ်ဖွဲ့ ပစ်ခတ်မှုကြောင့် ပြည်သူ ၁ ဦး သေဆုံးထားပါတယ်။

1 month Ago

November 8, 2020

ကျိုက်ထိုမြို့ မဲရုံများတွင် မဲဆန္ဒရှင်ပြည်သူများ ဆန္ဒမဲပေးမှုမြင်ကွင်း (ဓာတ်ပုံ)

မွန်ပြည်နယ်၊ သထုံခရိုင်၊ ကျိုက်ထိုမြို့ပေါ် ရပ်ကွက်တချို့က မဲရုံတွေမှာ ၂၀၂၀ အထွေထွေရွေးကောက်ပွဲအတွက် မဲဆန္ဒရှင်ပြည်တွေ ဒီနေ့မနက် ဆန္ဒမဲ လာရောက်ပေးနေကြပါတယ်။ ၂၀၂၀ ပါတီစုံဒီမိုကရေစီ အထွေထွေရွေးကောက်ပွဲမှာ ကျိုက်ထိုမြို့နယ်အတွင်း မဲရုံပေါင်း ၉၅ ရုံနဲ့ ဆန္ဒမဲပေးနိုင်သူ ၁၃၈,၃၆၆ ဦးရှိပြီး နိုင်ငံရေးပါတီပေါင်း ၆ ခုက ကိုယ်စားလှယ်ပေါင်း ၁၇ ဦးက ဝင်ရောက်ယှဉ်ပြိုင်တာ ဖြစ်ပါတယ်။ ပြီးခဲ့တဲ့ ၂၀၁၅ ခုနှစ် အထွေထွေရွေးကောက်ပွဲမှာ ကျိုက်ထိုမြို့နယ် ပြည်နယ်လွှတ်တော်မဲဆန္ဒနယ် အမှတ် ၂ မှာ အမျိုးသားဒီမိုကရေစီအဖွဲ့ချုပ်ပါတီက ကိုယ်စားလှယ်လောင်း ဒေါက်တာအေးဇံက အနိုင်ရရှိခဲ့တာ ဖြစ်ပါတယ်။ သတင်း၊ ဓာတ်ပုံ - ယူမင်းစိုး
6 months Ago
Up