ကျားပေါက်

November 9, 2021

ထန်တလန်အတွက် ကျားပေါက်လက်ရာ Doodle Art အိတ် ၉ လုံးကို အိတ်ပိတ်တင်ဒါဖြင့် ရောင်းချနေ

စစ်အာဏာရှင်ဆန့်ကျင်ရေး လှုပ်ရှားမှုမှာ တထောင့်တနေရာက ပါဝင်နေတဲ့ အဆိုတော် ဟန်ထူးလွင်(ခ)ကျားပေါက်ရဲ့ Doodle Art ဖန်တီးမှုနဲ့ အိတ် ၉ လုံးကို ထန်တလန်အတွက် အိတ်ပိတ်တင်ဒါပုံစံနဲ့ ရောင်းချနေပါတယ်။

Limited အနေနဲ့ ၁၀ အိတ်ပဲ ထုတ်ထားပြီး ၉ အိတ်ကို ရောင်းချသွားမှာဖြစ်ကာ တအိတ်ကိုတော့ Bipolar Bear Page ကနေ မဲဖောက်ပေးသွားမယ်လို့ ဆိုပါတယ်။

Print ထုတ်ထားတာ မဟုတ်ဘဲ ကျားပေါက်ကိုယ်တိုင် လက်နဲ့ ရေးဆွဲထားတဲ့ အိတ်တွေကိုတော့ တလုံးကို ကြမ်းခင်းစျေး အမေရိကန်ဒေါ်လာ ၅၀၀ သတ်မှတ်ထားတာ ဖြစ်ပါတယ်။

ခုတခါမှာတော့ လေလံသဘောမျိုး စျေးပြိုင်ပေးရမှာမျိုး မဟုတ်ဘဲ မိမိ ပေးလိုတဲ့ အမြင့်ဆုံး စျေးနှုန်းကို တစ်ခါတည်းပြောပြီး အိတ်နံပါတ်နဲ့အတူ ပန်ဆယ်လိုရဲ့ မက်ဆင်ဂျာမှာ ပေးပို့ရမှာ ဖြစ်ကာ ဒီနေ့ည  ၇ နာရီခွဲ နောက်ဆုံးထားပြီး စျေးထဲက အမြင့်ဆုံးပေးသူက ရရှိမှာ ဖြစ်ပါတယ်။

ကျားပေါက်ဟာ သိပ်မကြာခင်တုန်းကလည်း Doodle Art ဖန်တီးမှုနဲ့ Ukulele ဂစ်တာတလက်ကို နွေဦးတော်လှန်ရေးအတွက် လေလံ တင်ရောင်းချခဲ့ရာမှာ အမေရိကန်ဒေါ်လာ ၂၇,၅၀၀ နဲ့ အမြင့်ဆုံး လေလံအောင်သွားခဲ့ပါတယ်။

2 months Ago

October 17, 2021

တော်လှန်ရေးအတွက် အဆိုတော်ကျားပေါက်၏ Ukulele ဂစ်တာလေလံ ဒေါ်လာ ၁ သောင်း အမြင့်ဆုံး ရရှိထား

စစ်အာဏာရှင်ဆန့်ကျင်ရေး လှုပ်ရှားမှုမှာ တထောင့်တနေရာက ပါဝင်နေတဲ့ အဆိုတော် ဟန်ထူးလွင်(ခ)ကျားပေါက်ရဲ့ Doodle Art ဖန်တီးမှုနဲ့ Ukulele ဂစ်တာတလက်ကို လေလံတင်ရောင်းချနေပြီး လိုအပ်တဲ့နေရာတွေမှာ လှူဒါန်းသွားမယ်လို့ ဆိုပါတယ်။

ဒီလေလံပွဲကိုတော့ အောက်တိုဘာ ၁၆ ရက်က စတင်ခဲ့ပြီး ကြမ်းခင်းဈေး အမေရိကန် ဒေါ်လာ ၁,၀၀၀ နဲ့ စတင်ဖွင့်လှစ်ခဲ့တာ ဖြစ်ကာ လတ်တလောမှာတော့ ဒေါ်လာ ၁ သောင်းထိ အမြင့်ဆုံးဈေး ရရှိထားခဲ့တယ်လို့ သိရပါတယ်။

“ကျနော့် signature doodle ukulele လေး charity အတွက် လေလံဆွဲတာ ၄၅ မိနစ်အတွင်း USD 4000 ရတယ်ဆိုလို့ မျက်လုံးပြူးရပါတယ်။ စီစဉ်ပေးတဲ့သူများက ကြမ်းခင်းစျေးကို USD ၁၀၀၀ ထားလို့ ကျနော်က ဘယ်သူမှ အဲ့လောက်မပေးလောက်ဘူးဆိုပြီး လှမ်းတားပါတယ်။ But အခု မိနစ်ပိုင်းလေးမှာ ukulele လေးရဲ့တန်ဖိုးဟာ အဆပေါင်းများစွာ တက်လာခဲ့ပါပြီ။ ဒါဟာ ကျနော့် art ကို ဝယ်ချင်တာထက် NUG ကို support လုပ်ချင်တဲ့ စေတနာတွေလို့ ယုံကြည်ပါတယ်။ အရေးတော်ပုံ အကြွင်းမရှိအောင်ရမယ်။”

ဒီလေလံပွဲကိုတော့ ဒီကနေ့ည ၉ နာရီတိတိမှာ ပိတ်သိမ်းမှာဖြစ်ပြီး Doodle Art ရေးဆွဲထားတဲ့ Ukulele ဂစ်တာ လေလံပွဲရောင်းချငွေ အားလုံးကို NUG အစိုးရထံ ပေးအပ်သွားမှာဖြစ်ကာ လေလံအောင်သူကိုလည်း NUG ကနေ အသိအမှတ်ပြု အလှူရှင်မှတ်တမ်း ပြန်လည်ပေးပို့သွားမှာ ဖြစ်တယ်လို့ သိရပါတယ်။

3 months Ago
More News
Up