ကျပ်သိန်း ၁၀၀

September 17, 2021

လက်နက်ကြီးယူပြီး CDM ဝင်လာသည့်စစ်သားများကို ကျပ်သိန်း ၁၀၀ ချီးမြှင့်မည်

အာဏာဖီဆန်ရေးလှုပ်ရှားမှု(CDM)မှာပါဝင်ပြီး ပြည်သူ့ဘက်က ရပ်တည်လိုတဲ့ တပ်မတော်သားတွေ၊ ရဲတွေ၊ ဌာနဆိုင်ရာအကြီးအကဲတွေကို ချင်းပြည်နယ်ကာကွယ်ရေးတပ် (CDF)က ကျပ်သိန်း ရာချီ ဆုကြေးပေးမယ်လို့  ဖိတ်ခေါ်ထားပါတယ်။

CDM လုပ်ပြီး ပြည်သူတွေနဲ့ လာရောက်ပူးပေါင်းတဲ့ တပ်မတော်သား၊ ရဲသားနဲ့ ဌာနဆိုင်ရာ အကြီးအကဲတွေအပါအဝင် မိသားစုဝင်တွေအတွက် လိုအပ်တဲ့ လုံခြုံရေး၊ စားဝတ်နေရေး၊ ကျန်းမာရေး စောင့်ရှောက်မှုတွေအပြင် ဆုကြေးတွေကိုပါ လက်ငင်း ချီးမြှင့်သွားမယ်လို့ ထုတ်ပြန်ချက်က ဆိုပါတယ်။

ဆုကြေးတွေအနေနဲ့ လက်နက်ငယ်နဲ့ ကျည်ဆန်တွေတစ်ပါတည်း ယူဆောင်လာနိုင်ပါက ကျပ်သိန်း ၅၀ ၊ လက်နက်ကြီးနဲ့ ကျည်ဆန်တွေ တစ်ပါတည်းယူဆောင်လာနိုင်ပါက ကျပ်သိန်း ၁၀၀ ထိ ပေးအပ်မှာဖြစ်သလို  ပြည်သူတွေပိုင်တဲ့ ဌာနဆိုင်ရာကားတွေကိုပါ တစ်ပါတည်း ယူဆောင်လာ နိုင်ပါက ကျပ်သိန်း ၅၀ ချီးမြှင့်ပေးအပ်သွားမယ်လို့ ထုတ်ပြန်ချက်မှာ ဖော်ပြပါတယ်။

မင်းအောင်လှိုင်နဲ့ သူ့ရဲ့စစ်ဗိုလ်တွေဟာ ကိုယ်ကျိုးစီးပွားအတွက် ပြည်သူတွေဆီက အကြမ်းဖက်အာဏာလုယူကာ အပြစ်မဲ့ပြည်သူတွေရဲ့ အသက်အိုးအိမ်စည်းစိမ်တွေကို မတရား သတ်ဖြတ်လုယက်ဖျက်ဆီးတာတွေ ကျူးလွန်နေကြကြောင်း၊ အဲဒီလို အကြမ်းဖက်မှုတွေကို နိုင်ငံသားတာဝန်သိစိတ်အပြည့်နဲ့ ဖီဆန်ကာ ပြည်သူတွေနဲ့ လာရောက်ပူးပေါင်းလိုသူတွေကို နွေးထွေးစွာ ကြိုဆိုကြောင်း ချင်း CDF စက်တင်ဘာ ၁၆ ရက်စွဲနဲ့ သဘောထားထုတ်ပြန် ထားတာပါ။

ချင်းပြည်နယ်မှာတော့ အကြမ်းဖက်အာဏာသိမ်းစစ်ကောင်စီတပ်တွေနဲ့ ဒေသခံ ပြည်သူ့ ကာကွယ်ရေးတပ်ဖွဲ့တွေကြား တိုက်ပွဲတွေစတင်ခဲ့တာ လနဲ့ချီကြာမြင့်နေခဲ့ပြီ ဖြစ်ကာ တိုက်ပွဲတွေ ကြောင့် ဒေသခံတွေ ထောင်သောင်းချီ နေရပ်စွန့်ခွာထွက်ပြေးတိမ်းရှောင်နေကြရတယ်လို့ သိရပါတယ်။

မြန်မာနိုင်ငံမှာ ဖေဖော်ဝါရီ ၁ ရက်ကစပြီး အကြမ်းဖက်စစ်အုပ်စုက မတရား အာဏာသိမ်းယူခဲ့တာကို ဆန့်ကျင်ဆန္ဒပြခဲ့ကြတဲ့ နွေဦးတော်လှန်ရေးကာလဟာ ၇ လခွဲကျော် ကြာမြင့်ခဲ့ပြီ ဖြစ်ပါတယ်။

ဒီကာလတွေအတွင်း အကြမ်းဖက်ဖြိုခွင်းမှုတွေကြောင့် ထိခိုက်ကျဆုံးရသူတွေ၊ ဖမ်းဆီး ထောင်ချခံရသူတွေလည်းရှိခဲ့ပြီး နိုင်ငံတဝန်း တောရောမြို့ပါမကျန် ဒေသခံပြည်သူ့ကာကွယ်ရေး တပ်တွေနဲ့ စစ်ကောင်စီတပ်တွေကြား တိုက်ပွဲတွေလည်း ပြင်းထန်နေတာပါ။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ)ရဲ့ ထုတ်ပြန်ချက်အရ လတ်တလောအချိန်ထိ အာဏာသိမ်းစစ်ကောင်စီတပ်ရဲ့ ပစ်ခတ်သတ်ဖြတ်မှုကြောင့် အပြစ်မဲ့ကျဆုံး ပြည်သူ ၁၁၀၀ ကျော်၊ ဖမ်းဆီးထိန်းသိမ်းခံခဲ့ရသူပေါင်း ၈,၀၀၀ ကျော် ရှိခဲ့တယ်လို့ ဆိုပါတယ်။

လတ်တလောမှာတော့ အမျိုးသားညီညွတ်ရေးအစိုးရ(NUG)က စစ်အာဏာရှင် ဆန့်ကျင်ရေး ခုခံတွန်းလှန်စစ် စတင်ကြောင်းနဲ့ မင်းအောင်လှိုင်ဦးဆောင်တဲ့ အကြမ်းဖက် စစ်အုပ်ချုပ်ရေးကို လှည်းနေလှေအောင်း မြင်းဇောင်းမကျန် တွန်းလှန်တိုက်ဖျက်ကြဖို့ စက်တင်ဘာ ၇ ရက်က ကြေညာခဲ့ပါတယ်။

2 months Ago

July 12, 2021

ရန်ကုန်မြို့အောက်ဆီဂျင်ထုတ်စက်အတွက် ဝေဠုကျော်ဖောင်ဒေးရှင်းက ကျပ်သိန်း ၁၀၀ မတည် လှူဒါန်း

ရန်ကုန်အခြေစိုက် ပရဟိတအဖွဲ့တဖွဲ့ဖြစ်တဲ့ သရုပ်ဆောင်မင်းသား ဝေဠုကျော် တည်ထောင်ထားတဲ့ ဝေဠုကျော်ဖောင်ဒေးရှင်းက တကျော့ပြန် ကိုဗစ်-၁၉ တတိယလှိုင်း ကာကွယ်ထိန်းချုပ်ရေးမှာ လိုအပ်နေတဲ့ အောက်ဆီဂျင်ထုတ်စက်အတွက် ကျပ်သိန်း ၁၀၀ မတည်လှူဒါန်းထားပြီး လှူဒါန်းလိုသူတွေကိုလည်း ဖိတ်ခေါ်နေပါတယ်။       

“အောက်ဆီဂျင်ထုတ်စက်အတွက်အလှူခံပါ။ မြန်မာပြည်မှာ အခုလက်ရှိ ဖြစ်ပွား နေတဲ့ ကိုဗစ် တတိယလှိုင်းပိုးက အောက်ဆီဂျင် အဓိက လိုအပ်လာပါတယ်။ လူနာတွေ တိုးလာတာနဲ့အမျှ အောက်ဆီဂျင် လိုအပ်ချက်က မနိုင်မနင်း ဖြစ်လာပါပြီ။ အောက်ဆီဂျင်အိုးတွေ ရလာတော့လည်း လေဖြည့်တဲ့ နေရာတွေမှာ အချိန်အကြာကြီး တန်းစီရပါတယ်။ မြို့တိုင်းမှာလည်း အောက်ဆီဂျင်ထုတ်စက်ရုံတွေ တည်ဆောက်ဖို့ ပြင်လာကြ ပါပြီ။ ကျနော်တို့ ရန်ကုန်မြို့အတွက်လည်း အောက်ဆီဂျင်စက်ရုံများ တည်ဆောက်ဖို့ လို အပ်လာပါပြီ။” လို့ ‌ဝေဠုကျော်ဖောင်ဒေးရှင်း ဖေ့စ်ဘွတ်ခ်စာမျက်နှာကတဆင့် ဖိတ်ခေါ်ထားပါတယ်။

လတ်တလော တကျော့ပြန်ကူးစက်ပျံ့နှံ့မှုတွေ များပြားလာနေတဲ့ ကိုဗစ်ကပ်ဘေး တတိယလှိုင်းကာလမှာ ရန်ကုန်တိုင်းဟာ တခြားသော တိုင်းနဲ့ ပြည်နယ်တွေနည်းတူ လူနေ ထူထပ်တာမို့ ကိုဗစ်-၁၉ ရောဂါကူးစက်ခံရမှု အဆိုးဝါးဆုံး အခြေအနေမှာ ရှိနေပြီး အောက်ဆီဂျင်လိုအပ်တဲ့ ပြဿနာတွေနဲ့ လိုအပ်ချက်တွေ ရှိလာနေတာ ဖြစ်ပါတယ်။

တကျော့ပြန်ကူးစက်မှုတွေ မြင့်တက်နေတဲ့ မြန်မာနိုင်ငံမှာတော့ ပထမဆုံးသော ကိုဗစ်-၁၉ အတည်ပြုလူနာကို ပြီးခဲ့တဲ့ ၂၀၂၀ ပြည့်နှစ်၊ မတ် ၂၃ ရက်က စတင်တွေ့ရှိခဲ့တာဖြစ်ပြီး လတ်တလော အချိန်ထိ ကိုဗစ်-၁၉ အတည်ပြု လူနာစုစုပေါင်း ၁၉၂,၂၁၃ ယောက်၊ သေဆုံးသူ ၃,၈၃၈ ယောက်နဲ့ အာဆီယံနိုင်ငံတွေထဲမှာ ရောဂါကူးစက်ခံရပြီး သေဆုံးမှုအများဆုံး ၃ နိုင်ငံထဲမှာ ပါဝင်နေပါတယ်။  

ဝါရင့်ရုပ်ရှင်သရုပ်ဆောင် အကယ်ဒမီဝေဠုကျော်ဟာ ဝေဠုကျော်ဖောင်ဒေးရှင်းကို ၂၀၀၉ ခုနှစ်မှာ စတင်တည်ထောင်ခဲ့ပြီး သဘာဝဘေးအန္တရာယ်ဆိုင်ရာ လူမှုအကျိုးပြု ကယ်ဆယ်ရေး လုပ်ငန်းတွေ၊ ပရဟိတအလုပ်တွေကို အားတတ်သရော ပါဝင်လှုပ်ရှားနေသူ ဖြစ်ပါတယ်။        

လတ်တလောမှာတော့ ကိုဗစ်-၁၉ ရောဂါကာကွယ်ထိန်းချုပ်ရေးလုပ်ငန်းတွေမှာ တဖက်တလမ်းကနေ ထောက်ပံ့ကူညီရေးလုပ်ငန်းတွေ လုပ်ဆောင်နေတာပါ။ 

ခန့်မှန်းခြေကျပ်သိန်း ၁၅၀၀ လောက် ကုန်ကျမယ့် အောက်ဆီဂျင်ထုတ်စက်ကို လောလောဆယ်မှာတော့ ကုမ္ပဏီနဲ့ ချိတ်ဆက်ပြီး မိုဘိုင်းရွေ့လျားပုံစံ တည်ဆောက်သွားဖို့ ရည်ရွယ်ထားပြီး အဆင်မပြေမှသာ မြေပြင်စက်ရုံ တည်ဆောက်သွားမယ်လို့ ဆိုပါတယ်။

လှူဒါန်းလိုသူတွေအနေနဲ့ အောက်ဖော်ပြပါ ဝေဠုကျော်ရဲ့ နေအိမ်လိပ်စာ၊ ဘဏ် အကောင့်တွေကတဆင့် လှူဒါန်းနိုင်မှာ ဖြစ်ပါတယ်။

ဝေဠုကျော် နေအိမ်

-----------------------

အမှတ် ၂၃၇ ၊ကံ့ကော်မြိုင် ၂လမ်း ၊ ၂၃ရပ်ကွက် ၊

VIP 1 ၊သုဝဏ္ဏ ၊ သင်္ဃန်းကျွန်းမြို့နယ်၊ ရန်ကုန်မြို့။

( ရေစက် မှတ်တိုင် အနီး )

09-4 555 000 10(K Pay)(U Soe Thein)

09-4 555 000 14

09-77 60 89 484 (Wave Money account)

*****************************

ဘဏ်မှ ထည့်ဝင်လှုဒါန်းလိုသူများအတွက်

U Wai Lu Kyaw Swar

( KBZ Bank - Thuwanna) 

078 101 999 356 309 01 

Wai Lu Kyaw Foundation

KBZ Bank (Thuwunna)

07810307800806601

ဦးစိုးသိမ်း

12/သကတ (နိုင်) 011 519

မြန်မာ့ရှေ့ဆောင်ဘဏ် (သုဝဏ္ဏဘဏ်ခွဲ)

045 01 31 04 500 11 83 045

ဧရာဝတီဘဏ် (သုဝဏ္ဏဘဏ်ခွဲ)

004 522 30 1000 66 00

CB Bank (သုဝဏ္ဏဘဏ်ခွဲ)

00 78 600 1000 25 739

5 months Ago
Up