ကျန်းမာရေးမှူး

October 26, 2021

ကျိုက်ထိုက ကျန်းမာရေးမှူး ၁ ဦး သေနတ်ဖြင့် ပစ်သတ်ခံရ

မွန်ပြည်နယ်၊ ကျိုက်ထိုမြို့နယ်၊ သုံးခွကျေးရွာအုပ်စု၊ ဝါးဒက်ကွင်း ရွာသစ်လမ်းမှာ အောက်တိုဘာ ၂၅ ရက် ညနေပိုင်းက ကျန်းမာရေးမှူး တယောက် သေနတ်နဲ့ ပစ်သတ်ခံခဲ့ရတယ်လို့ ဒေသခံတွေ ဒီဗွီဘီကို ပြောပါတယ်။

ကျန်းမာရေးမှူး ဦးအောင်မြတ်ထွန်းကို ကျေးလက်ဆေးပေးခန်းမှာ အမည်မသိ သေနတ်သမား ၂ ယောက်က ဆိုင်ကယ်ဖြင့် လာရောက်ပြီး သေနတ်နဲ့ ပစ်သတ်သွားခဲ့တာ ဖြစ်ပါတယ်။

သေနတ်နဲ့ ပစ်ခတ်ခံရတာကြောင့် ကျန်းမာရေးမှူး ဦးအောင်မြတ်ထွန်းဟာ သေနတ်ဒဏ်ရာ ၈ ချက် ရရှိပြီး မော်လမြိုင်ပြည်သူ့ဆေးရုံသို့ ပို့ဆောင်ကုသစဉ် သေဆုံးသွားတယ်လို့ ဒေသခံ တစ်ဦးက ပြောပါတယ်။

ကျန်းမာရေးမှူး ဦးအောင်မြတ်ထွန်းကိုတော့ ဘယ်အဖွဲ့က သေနတ်ဖြင့် ပစ်သတ်သွားတာလဲဆိုတာ မသိရသေးပါဘူး။

ကျန်းမာရေးမှူး ဦးအောင်မြတ်ထွန်းဟာ ပြီးခဲ့တဲ့ ကာလတွေတုန်းက စစ်အာဏာရှင် ဆန့်ကျင် ဆန္ဒပြပွဲတွေမှာလည်း ပါဝင်ခဲ့သလို CDM ပြုလုပ်ခဲ့သူ တစ်ဦး ဖြစ်ပြီး နောက်ပိုင်းမှာမှ Non CDM ပြန်လုပ်ထားတာ ဖြစ်ပါတယ်။

သေနတ်နဲ့ ပစ်သတ်ခံလိုက်ရတဲ့ ကျန်းမာရေးမှူး ဦးအောင်မြတ်ထွန်းမှာ ဇနီးနဲ့ သားသမီး ၂ ဦး ကျန်ရှိခဲ့ပါတယ်။

3 months Ago

September 12, 2020

တာမွေကျန်းမာရေးဝန်ထမ်း ၁ ဦးပိုးတွေ့၊ ကျန်းမာရေးမှူးအပါအဝင် ၉ ဦး Quarantine ဝင်

တာမွေမြို့နယ် ပြည်သူ့ကျန်းမာရေးဦးစီးဌာနက ဝန်ထမ်း ၁ ယောက်မှာ ပိုးတွေ့ခဲ့ပြီးနောက် မြို့နယ်ကျန်းမာရေးမှူးအပါအဝင် ၉ ယောက် Quarantine ဝင်နေတယ်လို့ ကာယကံရှင်ကျန်းမာရေးမှူး ဒေါက်တာနှင်းလဲ့ရည်က ဒီဗွီဘီကို ပြောပါတယ်။ “ကျမတို့ရုံးမှာလည်း ကျန်ခဲ့တယ်ပေါ့နော်။ အိမ်ပြန်လို့ Home Quarantine နေဖို့ အဆင်မပြေတဲ့သူတွေ ကျန်ခဲ့တာ ဆရာမလေး ၂ ယောက်တော့ ရှိတယ်လေ။ အရမ်းအရေးကြီးတဲ့ဟာတွေတော့ လုပ်ပေးနေပါတယ်။ ဒါပေမဲ့ လူနာတွေ ဘာတွေတော့ မကြည့်ဘူးပေါ့နော်။ ရုံးမှာ ရုံးစောင့်ရော အပါအဝင်ဆိုရင် ၃ ယောက်ကျန်ခဲ့ပါတယ်။ အစားအသောက်တွေ စီစဉ်ပေးရင်တော့ ကောင်းတာပေါ့နော်။ သူတို့အထဲကနေ အပြင်ထွက်လို့မရဘူး။” Quarantine ဝင်ရတဲ့ တာမွေမြို့နယ်ကျန်းမာရေးမှူးအပါအဝင် ၉ ယောက်ကို လှိုင် Quarantine စင်တာကို မနေ့က ပို့ဆောင်ထားတယ်လို့ တာမွေမြို့နယ် တိုင်းဒေသကြီးလွှတ်တော်ကိုယ်စားလှယ် ဦးသိန်းမြင့်က ပြောပါတယ်။ တကယ်လို့ သူတို့အကုန်လုံးပါသွားရင် ခရိုင်ကျန်းမာရေးကလာပြီး ဒေသန္တရကျန်းမာရေးလုပ်ငန်းမှာ အရေးကြီးတဲ့ သင်္ချိုင်းလက်မှတ်ကိစ္စကို ဆောင်ရွက်ပေးမယ်လို့ တာမွေမြို့နယ်အုပ်ချုပ်ရေးမှူး ဦးအောင်ကျော်အေးက ဒီဗွီဘီကိုပြောပါတယ်။ “ဒါကြီးက ရပ်ထားလို့မရဘူး။ သင်္ချိုင်းလက်မှတ်မပါရင် သင်္ဂြိုဟ်လို့မှမရတာ” လို့ သူက ပြောပါတယ်။
1 year Ago
More News
Up