ကျန်းမာရေးပညာရှင်

July 6, 2020

အမေရိကန် ပြည်နယ် ၃၉ ခုတွင် ကိုဗစ်-၁၉ ကူးစက်မှုတိုးလာသဖြင့် ကျန်းမာရေးပညာရှင်များ စိုးရိမ်

အမေရိကန်နိုင်ငံ ပြည်နယ် ၃၉ ခုမှာ ကိုဗစ်-၁၉ ရောဂါကူးစက်မှု ပိုတိုးလာနေပြီး  အားလပ်ရက် ပျော်ရွှင်ပွဲတွေကနေ ကူးစက်မှု ပိုများလာမှာကို ကျန်းမာရေးပညာရှင်တွေ စိုးရိမ်နေပါတယ်။ အမေရိကန်သမ္မတ ဒေါ်နယ်ထရမ့်က ပါးစပ်နှာခေါင်းစည်း Mask ကို လူရှေ့မှာ တပ်ဖို့ ငြင်းဆန်ပြီး ဒါဟာ တကိုယ်ရေ ရွေးချယ်မှုလို့ ပြောပါတယ်။ တောင်ဒါကိုတာပြည်နယ် ရပ်ရှ်မိုးရ်တောင်မှာ ကျင်းပတဲ့ ဇူလိုင်လ ၄ ရက် ပွဲစဉ်ကို တက်လာချိန်မှာ ထရမ့်ဟာ လူချင်းလည်း မခွာသလို ပါးစပ် နှာခေါင်းစည်းလည်း မတပ်ထားပါဘူး။ ကူးစက်မှုတိုးနေချိန်မှာ အားလပ်ရက်မှာ ကမ်းခြေတွေမှာ လူအများအပြား နေပူဆာ လှုံနေကြတယ်လို့ သိရပါတယ်။ ကမ်းခြေလို၊ ဖလော်ရီဒါလို တခြားကူးစက်လွယ်ရာ နေရာတွေကနေ တကျော့ပြန် ကူးစက်နိုင်ဖွယ် ရှိနေပါတယ်။ နိုင်ငံလုံးဆိုင်ရာဗျူဟာ လိုနေပြီလို့ နယူးဂျာစီပြည်နယ်က ဒီမိုကရက်ပါတီ ဝင် အုပ်ချုပ်ရေးမှူး ဖီးလ်မာဖှီက ပြောပါတယ်။  ဇူလိုင်လရဲ့ပထမ လေးရက်အတွင်း ပြည်နယ် ၁၅ ခုမှာ ကိုဗစ်-၁၉ အသစ်ကူးစက်ခံ အရေအတွက် တိုးလာခဲ့တယ်လို့ ဆိုထားပါတယ်။  အမေရိကန်နိုင်ငံသား ၃ သန်းနီးပါး ကိုဗစ်-၁၉ ကပ်ရောဂါကူးစက်ခံထားရကြောင်း အတည်ပြုထားပြီး လူ ၁ သိန်း ၃ သောင်းကျော် သေဆုံးခဲ့တယ်လို့ ရိုက်တာသတင်းဌာနက အစီရင်ခံထားပါတယ်။ 
10 months Ago

May 26, 2020

ဓာတ်ခွဲနမူနာယူရန် ကျန်းမာရေးပညာရှင် ၂၆ ဦး မြဝတီကို ထပ်မံရောက်ရှိ

COVID-19 ရောဂါ ကာကွယ်ထိန်းချုပ်နိုင်ဖို့ ပြည်ထောင်စုအစိုးရရဲ့အစီအစဉ်နဲ့ ကျန်းမာရေးပညာရှင် ၂၆ ဦး မြဝတီမြို့ကို ထပ်မံရောက်ရှိနေပြီလို့ မြဝတီ ခရိုင်အုပ်ချုပ်ရေးမှူးက ပြောပါတယ်။ ထိုင်းနိုင်ငံကပြန်လာတဲ့ မြန်မာနိုင်ငံသားတွေရဲ့ နှာခေါင်း၊ အာခေါင်တို့ ဖတ်ရယူပြီး ဓာတ်ခွဲနမူနာ စစ်ဆေးနိုင်ဖို့နဲ့ ကျန်းမာရေးစိစစ်မှုတွေလုပ်ဆောင်ဖို့  ရန်ကုန်ဆေးရုံကြီးက ညွှန်ကြားရေးမှူး ဒေါက်တာ ခင်နန်းလုံ ဦးစီးတဲ့ ကျန်းမာရေးပညာရှင်တွေဟာ  ပြည်နယ် ကျန်းမာရေးဝန်ထမ်းတွေနဲ့ ပူးပေါင်း ဆောင်ရွက်ဖို့ ရောက်ရှိနေတာပါ။ မြဝတီခရိုင်အုပ်ချုပ်ရေးမှူး ဦးတေဇာအောင်က "ကျွမ်းကျင်ပညာရှင် ၂၆ ဦး မနေ့ညက ရောက်ရှိလာတယ်။ ကရင်ပြည်နယ်မှာရှိနေတဲ့ ပညာရှင်တွေပေါင်းပြီးတော့ မူလအဆိုင်း ၅ ဆိုင်းကနေ အဆိုင်း ၁၀ ဆိုင်းအထိ ယူနိုင်အောင် စီစဉ်ထားပြီး ဖြစ်တယ်"လို့ ပြောပါတယ်။ ဝင်ရောက်လာသူအားလုံးရဲ့ နှာခေါင်း၊ အာခေါင်တို့ဖတ် ရယူ စစ်ဆေးပြီးမှ သတ်မှတ်ထားတဲ့ Quarantine စခန်းတွေမှာ ဝင်ရောက်ရမှာဖြစ်ပြီး ဓာတ်ခွဲနမူနာတွေကို အမျိုးသား ကျန်မားရေး ဓာတ်ခွဲဌာနကို ပေးပို့သွားမှာပါ။ မြန်မာ-ထိုင်း နှစ်နိုင်ငံအစီအစဉ်နဲ့ မေ ၂၅ ရက် ညနေ ၆ နာရီအထိ တရားဝင် ဝင်ရောက်လာသူ ၅၀၀ နီးပါးနဲ့ သီးခြားဝင်ရောက်လာသူ ၆၀၀ နီးပါးရှိပါတယ်။ ထိုင်းနိုင်ငံကနေ ပြန်လည်ဝင်ရောက်လာဖို့ ထိုင်းနိုင်ငံဆိုင်ရာ အလုပ်သမားသံအရာရှိထံ စားရင်ပေးပို့ထားသူ ၃၃၀၀၀ ကျော်ရှိရာမှာ မေ ၂၅ ရက်အထိ တရားဝင် ဝင်ရောက်သူ ၁၀၀၀ ကျော်နဲ့ သီးခြား ဝင်ရောက်သူ ၂၀၀၀ ကျော် ဝင်ရောက်ခဲ့ပါတယ်။ သတင်း- ရဲမင်းခေါင်
12 months Ago
Up