ကျန်းမာရေးစောင့်ရှောက်မှု

September 30, 2021

တာလီဘန်လက်အောက် ကျန်းမာရေးစောင့်ရှောက်မှု တိုးတက်စေရန် ကဘူးလ်ဒေသခံများ မျှော်လင့်

အာဖဂန်နစ္စတန်နိုင်ငံမြို့တော် ကဘူးလ်က ဒေသခံတွေဟာ တာလီဘန် လက်အောက်မှာ ကျန်းမာရေးစောင့်ရှောက်မှု တိုးတက်လာဖို့နဲ့ ဆေးဝါး ရနိုင်ဖို့ မျှော်လင့်တယ်လို့ ပြောပါတယ်။

အမျိုးသား တယောက်ကတော့ နိုင်ငံတွင်းမှာ အလုပ်လက်မဲ့ ပြဿနာကြောင့် ဆရာဝန်တွေ က ဉာဏ်ပူဇော်ခ လျှော့ယူဖို့ မျှော်လင့်တယ်လို့ ပြောပါတယ်။

နိုင်ငံတကာလူ့အဖွဲ့အစည်းဟာ စစ်ကြောင့် ချွတ်ခြုံကျနေတဲ့ အာဖဂန်ရဲ့ ကျန်းမာရေး အစီအစဉ် အတွက် ရန်ပုံငွေတွေ စပေးဖို့ ကမ္ဘာ့ကျန်းမာရေးအဖွဲ့ WHO ရဲ့ အာဖဂန်နစ္စတန်နိုင်ငံ ဆိုင်ရာ ကိုယ်စားလှယ် က စက်တင်ဘာ ၂၃ ရက်မှာ ဆော်သြ လိုက်ပါတယ်။

တာလီဘန်တွေက အာဖဂန်ကို သိမ်းပိုက်ပြီးတည်းက ကျန်းမာရေးအစီအစဉ်တွေကို ဆိုင်းငံ့ ထားခဲ့လို့ ကျန်းမာရေးစောင့်ရှောက်မှုစနစ် တဟုန်ထိုး ကျဆင်းနေတာပါ။

  အာဏာရတည်းက တာလီဘန်တွေဟာ ဆိုးရွားတဲ့ စီးပွားရေးအကျပ်အတည်းကို ရင်ဆိုင် နေရပါတယ်။

  ဒါ့အပြင် အရင်အစိုးရနဲ့ အပေါင်းအပါတွေကို လက်စားချေနေတယ်ဆိုတဲ့ စွဲချက်တွေကနေ အမျိုးသမီးပညာသင်ခွင့်ထိ ကိစ္စပေါင်းစုံအတွက် ဖိအားတွေကိုလည်း ရင်ဆိုင်နေရပါတယ်။

4 weeks Ago

August 21, 2021

ကျိုက်မရောမြို့နယ်က ရေဘေးသင့် ကျေးရွာများ ကျန်းမာရေး စောင့်ရှောက်မှု လိုအပ်နေ

မွန်ပြည်နယ်၊ ကျိုက်မရောမြို့နယ်ရှိ ရေကြီးခဲ့တဲ့ ကျေးရွာတွေမှာ ကျန်းမာရေး စောင့်ရှောက်မှုပေးဖို့ အကူအညီတွေ လိုအပ်နေတယ်လို့ လူမှုကယ်ဆယ်ရေးအဖွဲ့တွေက ဒီဗွီဘီကို ပြောပါတယ်။

ရေကြီးရေနစ်မြှုပ်ခဲ့တဲ့ ကျိုက်မရောမြို့နယ်က ပေါလော၊ ဖာသိမ်း၊ ဦးလေး၊ ငပြေမကျေးရွာ အပါအဝင် ကျေးရွာ ၈ ရွာလောက်မှာ ကျေးရွာနေပြည်သူ ၅ ပုံ ၁ ပုံလောက်  နေထိုင်မကောင်း ဖြစ်နေကြတယ်လို့ ဆိုပါတယ်။

အဲဒီကျေးရွာ အများစုက ပြည်သူတွေဟာ ဆေးဝါး လက်လှမ်းမီရရှိမှု နည်းတာအပြင် ကျန်းမာရေး စောင့်ရှောက်မှု အပြည့်အဝ မရကြတဲ့အတွက်ကြောင့် နေအိမ်မှာပဲ ရောဂါကုသနေကြရပါတယ်။

ဒါအပြင် ကျေးရွာတွေအတွင်းမှာတော့ အနံ့ပျောက်သူတွေ ရှိလာပေမယ့် ပုံမှန်အတိုင်း လှုပ်ရှားသွားလာနေကြသလို ကျန်းမာရေး ဗဟုသုတ သိရှိမှု အားနည်းကြတယ်လို့ လူမှုကယ်ဆယ်ရေးအဖွဲ့ တာဝန်ရှိသူ တစ်ဦးက ပြောပါတယ်။

ကိုဗစ်အရေးကူညီနေတဲ့ ဆရာဝန်တွေကတော့ အခုနောက်ပိုင်းဟာ ကျေးရွာတွေမှာ ကိုဗစ်ဖြစ်ပွားမှုကို အထူးဂရုစိုက်ပြီး ဝိုင်းဝန်းကူညီပေးကြဖို့ တိုက်တွန်းထားပါတယ်။

ကျိုက်မရောမြို့နယ်မှာ ကိုဗစ်-၁၉ အတည်ပြုလူနာ ၉၀၀ ကျော် တွေ့ရှိထားပြီး အဲဒီထဲမှာ ကိုဗစ်လူနာ ၅၀ ကျော် သေဆုံးထားတယ်လို့ စစ်ကောင်စီ ကျန်းမာရေးဝန်ကြီးဌာနက ထုတ်ပြန်ထားပါတယ်။

2 months Ago
More News
Up