ကိုလံဘီယာ

July 4, 2019

ကိုလံဘီယာအစိုးရ သူပုန်အဖွဲ့နှင့် အပစ်အခတ်ရပ်စဲရေး သဘောတူညီမှုရရှိ

ကိုလံဘီယာအစိုးရနဲ့ အပစ်အခတ်ရပ်စဲရေး သဘောတူညီမှု ရခဲ့ပြီး နောက်တကြိမ် ထပ်ဆွေးနွေး ချင်သေးတယ်လို့ အမျိုးသားလွတ်မြောက်ရေး တပ်မတော် (ELN) သူပုန်အဖွဲ့ ကိုယ်စားလှယ်က ပြောပါတယ်။ ကျူးဘားနိုင်ငံ ဟာဗားနားမြို့မှာ ဇူလိုင်လ ၃ ရက် ပြုလုပ်တဲ့ သတင်းစာ ရှင်းလင်းပွဲမှာ အခုလို ပြောတာပါ။ ထောင်ချီတဲ့ တိုက်ခိုက်ရေး သမားတွေနဲ့ ဖွဲ့စည်းထားတဲ့ ELN သူပုန်အဖွဲ့ကို အမေရိကန်နိုင်ငံက အကြမ်းဖက်အဖွဲ့အစည်းအဖြစ် သတ်မှတ်ထားပါတယ်။ ELN သူပုန်အဖွဲ့ဟာ ၂၀၁၇ ခုနှစ် ဖေဖော်ဝါရီလကတည်းက သမ္မတဟောင်း ဂျူအန် မန်နျူရယ် ဆန်းတိုစ့် ဦးဆောင်တဲ့ ကိုလံဘီယာအစိုးရနဲ့ ငြိမ်းချမ်းရေး ဆွေးနွေးပွဲတွေ စလုပ်ခဲ့တာပါ။ ဒါပေမယ့် လက်ရှိသမ္မတ အိုင်ဗန်ဒူကီ လက်ထက်မှာတော့ နောက်ထပ်ဆွေးနွေးပွဲတွေ ရပ်ဆိုင်းနေခဲ့ပါတယ်။ ELN သူပုန်အဖွဲ့ကို အစွန်းရောက် ကတ်သလစ် ဘုန်းတော်ကြီးတွေက ၁၉၆၄ ခုနှစ်မှာ စတင်တည်ထောင်ခဲ့တာပါ။ ကိုလံဘီယာရဲ့ အင်အားအကြီးဆုံး (FARC) ဖာ့စ်သူပုန်အဖွဲ့က အစိုးရနဲ့ ငြိမ်းချမ်းရေး လက်မှတ်ထိုးခဲ့တဲ့ ၂၀၁၆ ခုနှစ်အထိ ELN သူပုန်အဖွဲ့ဟာ ကိုလံဘီယာနိုင်ငံမှာ ဒုတိယ အင်အားအကြီးဆုံး သူပုန်အဖွဲ့ပါ။ ELN သူပုန်အဖွဲ့ဟာ ကိုလံဘီယာဟာ အစိုးရသက်တမ်း ၁၂ ကြိမ်ကျော်အတွင်း ပုန်ကန်ခဲ့ပါတယ်။ ရေနံနဲ့ သတ္တုတွင်းလုပ်ငန်းတွေကို  နိုင်ငံပေါင်းစုံက ကုမ္ပဏီတွေကို လုပ်ကိုင်ခွင့် ပေးတာကိုလည်း ဆန့်ကျင်ခဲ့ပါတယ်။ အဲဒီပြည်ပကုမ္ပဏီတွေဟာ ကိုလံဘီယာနိုင်ငံအတွက် အကျိုးမပြုဘဲ သဘာဝ အရင်းအမြစ်တွေကို ခေါင်းပုံဖြတ် အမြတ်ယူနေတာလို့လည်း ပြောခဲ့ပါတယ်။
2 years Ago

July 2, 2019

ပင်နယ်တီလွဲခဲ့သည့် ကိုလံဘီယာကစားသမား အသက်အန္တရာယ် ခြိမ်းခြောက်ခံနေရ

ချီလီနဲ့ပွဲမှာ အဆုံးအဖြတ် ပင်နယ်တီလွဲခဲ့တဲ့ ကိုလံဘီယာ ကစားသမားတဦးဟာ အသက်အန္တရာယ် ခြိမ်းခြောက်ခံနေရပါတယ်။  ကိုလံဘီယာအသင်းဟာ ကိုပါအမေရိကဖလား ကွာတားဖိုင်နယ်ပွဲစဉ်မှာ ချီလီအသင်းကို ပင်နယ်တီအဆုံးအဖြတ် ၅ ဂိုး ၄ ဂိုးနဲ့ ရှုံးနိမ့်ပြီး ပြိုင်ပွဲကနေ ထွက်ခွာခဲ့ရတာပါ။  ပင်နယ်တီအဆုံးအဖြတ်မှာ ကိုလံဘီယာ နောက်ခံလူ ၀ီလီယံတက်စီလို ကန်သွင်းတဲ့ ပင်နယ်တီမ၀င်ခဲ့တာကြောင့် ၅ ဂိုး ၄ ဂိုးနဲ့ အရေးနိမ့်ခဲ့ရတာပါ။ နောက်ခံလူ တက်စီလိုဟာ သူ့ရဲ့ပင်နယ်တီ လွဲချော်မူကြောင့် ပြိုင်ပွဲကနေ ထွက်ခွာခဲ့တဲ့ အတွက် အသက်အန္တရာယ် ခြိမ်းခြောက်မှုတွေနဲ့ရင် ဆိုင်နေရကြောင်း ၀န်ခံပြောကြားခဲ့ပြီး အင်စတာဂရမ်ကနေတဆင့် သူ့ရဲ့ဇနီးဖြစ်သူ ဒယ်နီလာမီဂျီယာဆီကို အသက်အန္တရယ် ခြိမ်း ခြောက်တဲ့စာတွေ ပေးပို့ခဲ့တာလို့ဆိုပါတယ်။  ဒါကြောင့် သူ့ရဲ့ဇနီး Account ကိုပါ ဖျက်သိမ်းခဲ့ရပြီး နောက်ခံလူ တက်စီလိုဆီကိုလည်း ခြိမ်းခြောက်စာတွေ ထပ်ပြီး ပို့ခဲ့လို့ ဆုတောင်းနေရုံပဲရှိတယ်လို့ တက်စီလိုက ၀န်ခံပြောကြားခဲ့ပါတယ်။ ဒါပေမယ့်လည်း ဘောလုံးမှာ အနိုင်အရှုံးရှိတာကိုတော့ စဉ်းစားပေးကြဖို့လည်း တယ်စီလိုက မေတ္တာရပ်ခံသွားခဲ့ပါတယ်။ ၁၉၉၄ ကမ္ဘာ့ဖလားပြိုင်ပွဲရဲ့ အုပ်စုဒုတိယပွဲစဉ်မှာ ကိုလံဘီယာအသင်းက အမေရိကန် အသင်းကို ၂ ဂိုး ၁ ဂိုးနဲ့ ရှုံးနိမ့်ကာပြိုင်ပွဲကနေ ထွက်ခဲ့ရပြီး ကိုယ့်ဂိုးကို သွင်းခဲ့တဲ့ နောက်ခံလူ အက်စ်ကိုဘာဟာ ၅ ရက်အကြာမှာ သေနတ်နဲ့ ပစ်သတ်ခံခဲ့ရဖူးပါတယ်။
2 years Ago
More News
Up