ကိုရီးယား

September 30, 2018

ကိုရီးယား လဝက ဖမ်းဆီးမှုကြောင့် သေဆုံးခဲ့သည့် ကိုသန်းဇော်ဌေးအတွက် ဆုတောင်းပွဲပြုလုပ်

ကိုရီးယားနိုင်ငံ လူဝင်မှုကြီးကြပ်ဌာနက ဝင်ရောက်ဖမ်းဆီးမှုကြောင့် သေဆုံးသွားတဲ့ မြန်မာနိုင်ငံသား ကိုသန်းဇော်ဌေးအတွက် ကိုရီးယားရောက် မြန်မာနိုင်ငံသားတချို့ စက်တင်ဘာ ၃၀ ရက်နေ့က ဆုတောင်းပွဲပြုလုပ်ခဲ့ကြပါတယ်။ အဲဒီဆုတောင်းပွဲကို ကိုရီးယားနိုင်ငံ အင်ချွန်းမြို့ ဘူဖျောင်းဘူတာရှေ့မှာ လူဦးရေ ၃၀၀ ဝန်းကျင်နဲ့ ပြုလုပ်ခဲ့တာလည်းဖြစ်ပါတယ်။ ကိုရီးယားနိုင်ငံရဲ့ လဝက လမ်းညွှန်ချက်မှာ လူ့အခွင့်ရေး ဦးထိပ်ထားပြီး ဖမ်းဆီးမှုတာဝန်ကို ထမ်းဆောင်ရမယ်လို့ ပြဋ္ဌာန်းထားပေမယ့် လက်တွေ့မှာ အပြောနဲ့အလုပ် ညီညွတ်မှုမရှိတဲ့အပြင် ဆေးရုံမှတ်တမ်းတွေမှာလည်း မိမိကိုယ်ကိုယ် သတ်သေတယ်လို့ ဖော်ပြခဲ့တာကြောင့် အဖြစ်မှန်ပေါ်ပေါက်စေဖို့အတွက် အခုလို ဆုတောင်းပွဲ ပြုလုပ်ရတာလို့ ဦးဆောင်သူ ကိုစိုးမိုးသူက ပြောပါတယ်။ သြဂုတ် ၂၂ ရက်နေ့က ကိုရီးယားနိုင်ငံမှာ ဗီဇာသက်တမ်းကျော်လွန်ပြီး အလုပ်လုပ်ကိုင်နေတဲ့ အသက် ၂၆ နှစ်အရွယ် ကိုသန်းဇော်ဌေးကို ကိုရီးယား လဝက ရဲတွေက ဝင်ရောက်ဖမ်းဆီးခဲ့တာကြောင့် ထွက်ပြေးတိမ်ရှောင်ရင်း အမြင့်ပေ ၈ မီတာကနေပြုတ်ကျပြီး ဦးခေါင်းထိခိုက်ဒဏ်ရာရကာ ဆေးကုသခံယူစဉ်မှာပဲ သေဆုံးခဲ့ရတာပါ။ ကွယ်လွန်ပြီးနောက် ကိုသန်းဇော်ဌေးဟာ မိမိရဲ့ ခန္ဓာကိုယ် အစိတ်အပိုင်းတချို့ကို ကိုရီးယား လူမျိုး ၄ ဦးအတွက် ပေးလှူခဲ့ကြောင်း ကိုရီးယား သတင်းဌာနတွေက ဖော်ပြခဲ့ကြပါတယ်။ သတင်း-ကိုမိုက်ကယ် (ကိုရီးယား)
3 years Ago

May 2, 2018

တောင်-မြောက် ကိုရီးယားနယ်စပ်ရှိ ဝါဒဖြန့်အသံချဲ့စက်များ ဖယ်ရှား

မြောက်ကိုရီးယားဟာ ပန်မွန်ဂျုံ ကြေညာချက်ကို အကောင်ထည်ဖော်တဲ့အနေနဲ့ တောင်ကိုရီးယားနယ်စပ်ရှိ ဝါဒဖြန့် အသံချဲ့စက်တွေကို ဖယ်ရှားခဲ့တယ်လို့ ဒေသမီဒီယာက မေလ ၁ ရက်နေ့မှာ သတင်းထုတ်ပြန်ခဲ့ပါတယ်။ မြောက်ကိုရီးယား ရှေ့တန်းနေရာက အသံချဲ့စက်တွေ ဖယ်ရှားနေတာကို မြင်တွေ့ခဲ့တယ်လို့ အမည်မဖော်လိုသူ တောင်ကိုရီးယား စစ်ဘက်အရာရှိတဦးက ပြောခဲ့တာပါ။ မြောက်ကိုရီးယားဟာ တောင်ကိုရီးယားကို စိတ်ဓာတ်စစ်ဆင်ရေး ဆင်နွှဲတဲ့အနေနဲ့ နှစ်နိုင်ငံနယ်စပ်မှာ ဝါဒဖြန့် အထိုင်အသံချဲ့စက် အခု ၄၀ ကို တပ်ဆင်အသုံးပြုခဲ့တယ်လို့ ဆိုပါတယ်။ အခုအခါမှာတော့ မြောက်ကိုရီးယားဘက်က အဲဒီအသံချဲ့စက်တွေကို ဖယ်ရှားခဲ့သလို တောင်ကိုရီးယားဘက်ကလည်း ဝါဒဖြန့် ရွေ့လျားအသံချဲ့စက် အခု ၄၀ ကို စတင်ဖယ်ရှားနေတယ်လို့ ရိုက်တာသတင်းအရ သိရပါတယ်။
3 years Ago
More News
Up